Fjölmiðlar – Jón Frímann Bloggar

mars 20, 2018mars 20, 2018

Páll Magnússon alþingismaður fyrir Sjálfstæðisflokkinn á að segja af sér þingmennsku án tafar

Það er ekki í lagi að alþingismaðurinn Páll Magnússon ráðist gegn frjálsum fjölmiðlum á Íslandi eins og hann hefur verið að gera. Slíkt er brottrekstrarsök af Alþingi íslendinga og því á Páll Magnússon að segja af sér þingmennsku án tafar. Krafan um afsökunarbeiðni er hlægilegt bull sem á ekki að taka mark á.

Yfirgangur sjálfstæðismanna gegn frjálsum fjölmiðlum á Íslandi er eitthvað sem á ekki að líðast og íslendingar ættu að sleppa því að kjósa Sjálfstæðisflokkinn og Framsóknarflokkinn enda eru báðir flokkanir þjakaðir af draumum um einræði og þöggun frjálsrar fjölmiðla á Íslandi. Slíkt á ekki að lýða enda eru frjálsir fjölmiðlar eina leiðin til þess að stoppa þessa þjófa frá því að ræna íslensku þjóðina inn að beini.

Fréttir af þessu máli

„Hættið að verja þennan ósóma“ – Vísir.is

janúar 25, 2018janúar 25, 2018

Fólk spillingar og valdníðslu vill Rúv burt

Það er þekkt þegar á að koma á einræði og spillingu fyrir í ríkjum að þá er fyrst og fremst ráðist gegn ríkisfjölmiðlum þess lands sem slíkir atburðir eiga sér stað. Á síðustu árum hefur slíkt gerst í Pólland, Ungverjarlandi þar sem stjórnmálaflokkar með alræði á heilanum hafa náð völdum. Rússland er gott dæmi um hvernig ríkisfjölmiðlar verða undir slíku stjórnarfari.

Núna á að reyna að veikja Rúv meira en orðið með samþykki VG. Það er söguleg staðreynd að fólk með alræði á heilanum í sjálfstæðisflokknum og framsóknarflokknum hefur á undanförnum árum verið að veikja og hóta ríkisútvarpinu beint og óbeint með niðurskurði ef fréttastofan þar hagar sér ekki eins og viðkomandi stjórnmálamenn vilja. Slíkt er ólýðandi ástand og ætti að vera sjálfkrafa brottrekstarsök hjá viðkomandi stjórnmálamönnum.

Það er gott dæmi um það hversu lélegir íslenskir fjölmiðlar eru að fréttastofa Stöðvar 2 forðast eins lengi og hægt er að fjalla um spillingar og vanhæfsinmál stjórnmálamanna sjálfstæðisflokksins og framsóknarflokksins. Á sama tíma hefur það sést að fréttastofa Stöðvar 2 beitir sér á fullum krafti gegn samfylkingunni en ekki mikið gegn VG (enda VG íhaldssamur flokkur) nema að um sé að ræða málefni sem er í andstöðu við stefnur sjálfstæðisflokksins og framsóknarflokksins.

Ástæða þess að Stöð 2 er að hverfa er einfaldlega sú að aðrar og betri þjónustur eru að taka við. Ef fólk er ekki að kaupa dvd eða blu-ray diska til þess að horfa á. Þá er það að kaupa Amazon Prime eða Netflix eða jafnvel báðar þjónusturnar. Stöð 2 hefur að miklu leiti mistekist að bregðast við þeirri samkeppni sem kemur frá Amazon Prime og síðan frá Netflix. Rúv hefur aldrei verið í mikilli samkeppni við Stöð 2 enda sendir Rúv út svo miklu minni og færri dagskrár heldur en Stöð 2. Dagskrá Rúv byrjar yfirleitt ekki fyrr en um klukkan 16:00 og er oft lokið um klukkan 23:30. Á sama tíma sendir Stöð 2 út dagskrá allan sólarhringinn á meira en einni stöð (Stöð 2 Bíó, Stöð 3 osfrv).

Á fjölmiðlamarkaðinum er Stöð 2 að verða undir vegna þeirra eigin skammsýni og heimsku. Ég veit ekki hvernig Vodafone ætlar að breyta þessu en þeir eru nýjir eigendur Stöðvar 2 en áhrif þeirra og stefna er ekki komin fram ennþá.

Fréttir af þessu

„Fíllinn í stofunni heitir Ríkisútvarpið“ (Vísir.is)
„Fíllinn í stofunni heitir Ríkisútvarpið“ (Rúv.is)
Leggur til að RÚV fari af auglýsingamarkaði (Rúv.is)

Texti uppfærður klukkan 18:21. Stafsetningarvillur lagaðar.

september 5, 2017

Í lögum um fjölmiðla er skilyrðislaust bann við hatursáróðri

Í lögum um fjölmiðla er skilyrðislaust bann við hatursáróðri og dreifingu hans. Af þessu er ljóst að Útvarp Saga er í órétti þegar útvarpstöðin dreifir áróðursefni um flóttamenn, samkynhneigða og aðra minnihlutahópa á Íslandi. Þetta nær einnig til vefmiðla sem dreifa hatursáróðri og eru starfræktir frá Íslandi. Þessi lagagrein nær ekki til blogg-síðna og annara slíkar miðlunar, slíkt verður að taka á öðruvísi og kæra viðkomandi einstaklinga fyrir brot á hegningarlögum þar sem slíkt á við (lagagreinar geta verið mismunandi eftir tilvikum).

27. gr. Bann við hatursáróðri og hvatningu til refsiverðrar háttsemi.
[Fjölmiðlum er óheimilt að hvetja til refsiverðrar háttsemi. Einnig er þeim óheimilt að kynda með markvissum hætti undir hatri á grundvelli kynþáttar, kynferðis, kynhneigðar, trúarskoðana, þjóðernis eða menningarlegrar, efnahagslegrar, félagslegrar eða annarrar stöðu í samfélaginu.] 1)

Lög um fjölmiðla 2011 nr. 38 20. apríl

Það er því ljóst að lögreglunni og Póst og Fjarskiptastofnun ber að loka Útvarpi Sögu með valdboði þar sem útvarpsstöðin hefur brotið þessa lagagrein margoft á sínum starfstíma og hefur ekki farið í felur með það. Útvarp Saga hefur dreift ógeðfelldum áróðri gegn flóttamönnum og öðrum minnihlutahópum á Íslandi án þess að nokkur hafi stoppað það og það er einfaldlega komið nóg af slíku.

janúar 13, 2017

Víkurfréttir ala á útlendingahatri með lélegri fréttamennsku

Í gær ólu Víkurfréttir á útlendingahatri með því að birta afskaplega lélega frétt um kynferðislega árás sem varð í strætisvagni í Reykjanesbæ. Enda var fréttin sem þeir birtu byggð á orðrómnum af Facebook og öðrum slíkum miðlum. Þetta olli því að ný-nasistar, útlendingahatar og annar slíkt fólk fór á fullt og er ennþá að, jafnvel þó svo að komið hafi fram í dag að afbrotamennirnir voru tveir 14 ára drengir (ósakhæfir vegna aldurs) sem höfðu komið með fjölskyldum sínum og sótt um hæli á Íslandi (atriði sem skiptir í reynd engu máli í samhenginu). Þessi frétt var síðan að einhverju leiti byggð á facebook orðrómum og fullyrðingum, sem reyndust síðan vera allir saman tómt bull og kjaftæði þegar lögreglan gaf út fréttatilkynningu í morgun um málið.

Útlendingahatar, ný-nasistar og annað slíkt pakk á Íslandi hefur undanfarin sólarhring verið að ausa skítnum úr sínum skálum með allskonar fullyrðingum um þetta mál sem eru og hafa alltaf verið byggðar á lygum um þetta mál. Það hinsvegar stoppar ekki útlendingahatara og aðra slíka að dreifa röngum upplýsingum um það sem gerðist og auka þannig hatrið gegn saklausum flóttamönnum og útlendingum sem koma til Íslands í leit að betra lífi. Þetta fólk sem hatar útlendinga og aðra sem eru ekki jafn fölir og þeir hafa einnig stundað árásir á Semu Erlu Sedar fyrir hennar vinnu í mannúðarmálum til þess að hjálpa flóttafólki sem kemur til Íslands. Ég vona að þetta fólk verði kært fyrir hatursumræðu og síðan fái það yfir sig kæru vegna ummæla sem það lét falla í garð Semu Erlu (það gæti hinsvegar ekki gerst, það verður bara að koma í ljós).

Það sem Víkurfréttir gerðu var langt frá því að vera góð fréttamennska og í reynd til skammar. Það er ekki að sjá að Víkurfréttir hafi beðist afsökunar á þessum fréttaflutningi, þeir hafa birt nýjar fréttir eftir tilkynningu lögreglunnar og látið það duga.

júní 27, 2016

Ofstækisfullir fjölmiðar framsóknarflokksins

Ég skrifaði athugasemd við frétt á Eyjan.is (sem er framsóknarfjölmiðill), athugasemd mín er hörð en var ekki dónaleg. Hinsvegar tók Eyjan þá ákvörðun að eyða athugasemdinni, sem þýðir að eyjan er farin að leggja út í að vernda þingmenn og aðra opinbera aðila fyrir viðbrögðum og eðlilegri gagnrýni. Sérstaklega þegar menn eins og Brynjar Níelsson eru að tala bara tóma þvælu útí loftið.

Bjánaleg athugasemd Brynjars Níelssonar, sem er þessi hérna (sjá að neðan) er einfaldlega röng og bendir til þess að hann sé einfaldlega hálfviti.

Birtingamynd lýðræðisástar margra í þessum hópi var því all sérkennileg þegar niðurstaða lá fyrir í Brexit kosningunum. Meirihluti breskra kjósenda var ekki bara steikt gamalmenni, heldur að auki öfgafólk, rasistar og populistar. Var helst að skilja að fólk eldri en fertugt ætti ekki að eiga rétt til að kjósa, að minnsta kosti ekki þeir sem kusu vitlaust. Einnig er fjargviðrast yfir því að Cameron skyldi leyfa þjóðina að kjósa um aðildina, slík er lýðræðisástin. Mér sýnist að þeir háværustu í þessum hópi séu þeir sömu og gjarnan segja að íslenskir kjósendur séu heimskir þegar þeir kjósa núverandi stjórnarflokka.

Tengill á Facebook athugasemdina.

Upphaflega athugasemd var á þá leið Brynjar Níelsson hefði einfaldlega rangt fyrir sér í þessu og vísaði ég í tvær fréttir og hann væri einfaldlega heimskur að halda öðru fram og það væri rangt hjá honum. Ég vísaði einnig í tvær fréttir máli mínu til stuðnings. Þær fréttir er hægt að lesa hérna fyrir neðan. Síðan er það óumflýjanleg staðreynd að andstæðingar ESB lugu til um allt sem þeim datt í hug að ljúga til um varðandi það sem mundi gerast ef Bretland færi úr Evrópusambandinu. Andstæðingar ESB í Bretlandi hafa síðan verið á flótta undan sínum eigin loforðum síðan kosningin fór fram og úrslitin urðu ljós.

Ég setti síðan inn aðra athugasemd inná Eyjan.is, við sömu frétt þar sem ég fordæmdi eyjan.is fyrir ritskoðunartilburði og þöggun. Þar sem þetta er ekkert annað á meðan athugasemdin er í góðu lagi. Þar sem Eyjan.is er komin á lista yfir fjölmiðla sem ég treysti alls ekki, þá tók ég skjáskot af þeirri athugasemd og það var eins gott, vegna þess að fábjáninn sem situr í dag og ritskoðar athugasemdir sem eru honum ekki að skapi eyddi seinni athugasemdinni einnig.

Athugasemd sem ég setti inná eyjan.is en var eytt af ritskoðunaróðum starfsmanni Björns Inga. Eins og vænta mátti af ofstækisfullum framsóknarmönnum á valdafylleríi.

Það er alveg orðið ljóst að eyjan.is er ekki fjölmiðill sem hægt er að treysta á fyrir heilbrigða umræðu um málefni dagsins, þar sem skoðanir sem ekki eru framsóknarflokknum eða sjálfstæðisflokknum er einfaldlega eytt út. Ég vona því að þessi fjölmiðill, ásamt DV.is og fleiri fjölmiðlum sem Björn Ingi „á og rekur“ í dag fari sem fyrst á hausinn. Það er nefnilega hægt að gera svo miklu betur en hafa meirihluta allra vefmiðla undir stjórn framsóknarflokksins og sjálfstæðisflokksins á Íslandi (þetta er samvinnuverkefni þeirra og hefur verið augljóst í nokkurn tíma). Fjölmiðlum þar sem alvöru gagnrýni kemur ekki fram og hefur ekki komið fram í mörg ár, eða síðan Björn Ingi fór og keypti þessa fjölmiðla upp útá skuldir sem hann þarf líklega ekki að borga til baka.

Brynjar Níelsson er ennþá fífl og það mun ekkert breytast á næstunni.

Fréttir af einangrunarhyggju, kynþáttahyggju og árásum í Englandi í kjölfarið á kosningum um útgöngu Bretlands úr ESB

Cameron condemns post-Brexit xenophobic and racist abuse (The Guardian)
Spate of racist attacks blamed on Brexit vote (The Telegraph)

apríl 10, 2015

Ritskoðun og bönn á Facebook – Fjölmiðlanördar

Hinir silkimjúku íslensku fjölmiðlar eru í raun ganglaust drasl. Enda er silkið lygi og íslenskir fjölmiðlar eru oftar en ekki reknir af einstaklingum sem lyppast niður eins og leir þegar valdið og fjármagnið talar til þeirra. Þessir sömu einstaklingar lyppast einnig niður þegar valdamiklir hópar innan þjóðfélagsins fá að tjá sig óhindrað um málefni dagsins án þess að fá á sig gagnrýni. Ástæðan fyrir þessum skorti á gagnrýni er mjög einföld. Umrædd gagnrýni er barin niður með harðri hendi, ritskoðun og kúgun á Íslandi. Það eru til undantekningar frá þessu en þær endast aldrei lengi og enda oft í því að verða teknir yfir enda fara í gjaldþrot eftir einhvern fjölda ára vegna áróðurs gegn þeim í samfélaginu (áróður gegn DV áður en það var tekið yfir fyrr árinu 2015 er mjög gott dæmi um slíkt).

Á Facebook er umræðuhópur tileinkaður íslenskum fjölmiðlum, þessi hópur (eða group) kallast Fjölmiðlanördar. Hópurinn er ætlaður fyrir umræðu um fjölmiðla á Íslandi og í víðara samhenginu. Gallin er bara sá að víðara samhengið er ansi þröng skilgreint og er skilgreint af þröngum hópi stjórenda Fjölmiðlanörda. Þessi hópur stjórenda starfar ekki samkvæmt nenni ákveðinni reglu og reglur þessa hóps virðast meira vera skrautskrift á veggnum frekar en eitthvað sem farið er eftir. Enda er það bara á Íslandi sem ákveðinn hópur fjölmiðlamanna fær að komast upp með svona mikið kjaftæði, í nágrannaríkjunum væru þessir fjölmiðlamenn ekki í vinnu við fjölmiðla enda gjörsamlega vanhæfir í slík störf.

Það sem gerðist í Fjölmiðlanördum var eftirtalið. Tengt var inná þetta hérna myndband (youtube) með þeirri athugasemd að fjölmiðlar á Íslandi væru frekar slæmir í umræðunni um varðandi ofbeldi gegn körlum og öðrum hlutum. Einnig að þeir tæku frekar þátt í umræðu íslenskra feminista frekar en að fjalla um málefnin frá jafnréttissjónarmiði, þar sem að íslenskir fjölmiðlar væru kannski frekar hallir undir sjónarmið íslenskra feminista. Það er mín skoðun að þau sjónarmið eru frekar af öfgakenndari gerðinni. Sú skoðun mín var staðfest nærri því samstundis þegar Hildur Lilliendahl (nei, ég ætla ekki að tengja í Facebook síðuna hennar eða Twitter aðganginn) kom inn í umræðuna og byrjaði strax að trölla hana með látum og leiðindum. Eins og sjá má á eftirtalinni mynd.

Hildur Lilliendahl að trölla Facebook hópinn Fjölmiðlanördar. Hún var ekki bönnuð frá hópnum eftir því sem ég kemst næst.

Það svar sem hún setti inn upphaflega var eytt áður en ég gat tekið mynd af því. Hildur hafði ekki svarað upphafsinnlegginu málefnalega og gerði tilraun til þess þann tíma sem ég sá þráðinn. Vegna þess að Andrés Magnússon er búinn að banna mig útúr hópnum fyrir það svar sem ég kom með síðast í myndinni að ofan og ég sé enga umræðu eftir það. Á sama tíma og Hildur var að trölla þráðinn með útúrsnúningum og leiðindum, flest af þeim svörum var reyndar einnig eytt áður en ég náði mynd af þeim. Hugsanlega var hún að trölla þráðinn eftir að ég var bannaður, mér þykir það líklegt en ég er þó langt frá því að vera viss.

Andrés Magnússon sendi mér síðan þetta yfir skilaboðakerfi Facebook. Ég neita alltaf að gefa eftir hótunum um sjálfsritskoðun. Sérstaklega þar sem ég hafði og hef efnislega rétt fyrir mér í því svari sem ég kom með þarna. Það mál vel vera (og mjög líklegt) að Andrés Magnússon sé vanur því að stunda sjálfsritskoðun og gefa eftir þegar hann hefur rétt fyrir sér í þeim fréttum sem hann vinnur. Ég hinsvegar tek slíkt ekki í mál og hef aldrei gert það síðan ég byrjaði að tjá mig á internetinu. Þó svo að slíkt kosti mig bönn eins og hérna.

Ég varaði síðan Andrés Magnússon við því að ég mundi gera hann frægari en hann óskaði sér. Ég sendi aldrei svona skilaboð nema að ég ætli mér að standa við þau ef ég mögulega get. Það er einnig nauðsynlegt að setja þetta í samhengi, Andrés Magnússon vinnur á Viðskiptablaðinu, sem er eitt helsta málgagn öfga-nýfrjálshyggjunnar og sjálfstæðisflokksins á Íslandi.

Þessi atburðarrás er einnig það sem er að svo mörgum íslenskum fjölmiðlum. Síðast þegar fjölmiðill (DV) stóð upp í hárinu á þeim sem hafa sölsað undir sig völdin á Íslandi þá var DV einfaldlega tekið yfir og allir með óþægilegar skoðanir einfaldlega reknir og þægilegra fólk ráðið í staðinn. Ég þekki engin slík dæmi í öðrum vestrænum fjölmiðlum, önnur dæmi þar sem ég þekki að slíkt eigi sér stað er í afskaplega vafasömum ríkjum sem þykjast vera lýðræðisleg en í reynd eru það ekki.

Hópurinn Fjölmiðlanördar á Facebook er orðin eins og svo margir íslenskir fjölmiðlar. Gagnlaust drasl og það væri best fyrir þennan hóp að loka bara strax. Enda er hópurinn hættur að þjóna tilgangi sínum ef gagnrýni er ekki heimil á manneskjur sem hafa farið með offorsi í fjölmiðlum á Íslandi og síðan koma inn í hópinn og eyðileggja umræðuna þar með tröllshætti og leiðindum, sem allir hafa rétt á gagnrýna og verjast.

Að lokum er síðan upprunlega innleggið. Ég hef þá reglu að láta Facebook senda mér allt sem hægt er að senda mér í tölvupósti og þar fann ég sem betur fer það innlegg sem Hildur Lilliendahl fór í tröll gírinn yfir. Þarna er hægt að sjá hvað gerist þegar öfgar eru gagnrýndar á Íslandi.

Gagnrýni er ekki vel liðin á ákveðna hópa á Íslandi eins og umrædd atburðarrás hefur sannað. Upphafsmaður þessar umræðu var farinn að meðaumka sig (að mínu áliti) í síðasta svari sem ég fékk í tölvupósti svo að það komi fram.

Það breytir mig litlu þó svo að ég hafi verið bannaður frá þessum hóp á Facebook. Ég get ennþá tjáð mig hérna án vandamála og íslenskir fjölmiðlar munu halda áfram að vera getulausir þegar það kemur að alvarlegum málum. Það er einnig ljóst að íslenskir fjölmiðlar og fjölmiðlamenn hafa ekkert lært ef efnahagshruninu árið 2008. Það er þó önnur grein sem ég mun fara betur í síðar (hvenær er ekki ákveðið ennþá).

september 8, 2014

Eftirspurn eftir skoðanakúgun á Íslandi

Það er ljóst eftir átökin með DV að á Íslandi er eftirspurn eftir skoðanakúgun. Þeir fjölmiðlar sem fjalla um spillingu valdamanna eru fljótlega keyrðir í kaf af leppum klíka í íslensku þjóðfélagi, þá sérstaklega þeirra sem eru innan raða Sjálfstæðisflokksins. Enda er ljóst að þessi yfirtaka er í beinu framhaldi af lekamálinu sem hefur verið í kringum Hönnu Birnu, Innanríkisráðherra.

Þetta er eitt helsta vandamál íslendinga. Ósvífnar klíkur sem virða ekki neitt komast upp með taka yfir þá fjölmiðla sem þeim þykja óþægilegir. Á Íslandi er ekki um marga stóra fjölmiðla að ræða, og þá fjölmiðla sem teljast stórir á Íslandi eru núna í dag allir komnir undir stjórn tveggja sérhagsmunaklíka sem hafa undanfarna mánuði verið að renna saman í eina stóra og valdamikla klíku á Íslandi.

Þeir sem trúa því að slíkt muni enda vel lifa í sjálfsblekkingu og heimsku.

október 26, 2013október 26, 2013

Vísir.is ritskoðar athugasemdir við frétt um Smáís

Í dag (25-Október-2013) var birt frétt á Vísir.is þar sem Smáís sakar Netflix um þjófnað og að vera ólöglegt fyrirtæki (streymi er ennfremur ekki beint niðurhal eins og þarna er fjallað um ranglega). Fyrir utan þá staðreynd að þetta er lygi í Smáís þá átti sér stað umræða við þessa frétt þar sem rök Smáís voru tekin í sundur og þeim hent í ruslið. Ég setti meðal annars þarna inn athugasemdir. Núna hefur þessum athugasemdum öllum saman verið eytt og lokað fyrir athugasemdirnar í heild sinni.

Staðreyndin er sú að Fréttablaðið og Vísir.is er í eigu sömu aðila og hafa hvað mest verið að berjast á móti Netflix og Sky áskriftum íslendinga (hver man ekki eftir því þegar Smáís reyndi að banna Sky áskriftir íslendinga. Sjá einnig hérna, hérna og hérna. Þess má einnig geta að samkvæmt dómsúrskurði ECJ þá má selja áskriftir til einkaaðila yfir landamæri á innri markaði ESB/EES).

Það er einnig staðreynd að 365 Miðlar (eða hvað sem þetta fyrirtæki heitir núna í dag) hefur alltaf verið á móti samkeppni síðan hún kom fram á Íslandi. Í dag er Netflix í beinni samkeppni við lélega og dýra dagskrá Stöðvar 2 og það sem meira er. Stöð 2 er að tapa þessari baráttu algerlega og með dýrum dómum. Enda fækkar áskrifendum stöðvarinnar stöðugt og það sér ekki fyrir endann á því ferli. Það er bara tímaspursmál hvenær áskrifendum að Skjá einum fer að fækka á sama hraða og hjá Stöð 2.

Það er alveg ljóst að Smáís er í þjónustu 365 Miðla og hugsanlega fleiri aðila. Hérna er eingöngu um þjónustu við dreifingaraðila að ræða en ekki höfundarréttahafa eins og Smáís heldur fram í sínum málflutningi. Á Íslandi er verið að viðhalda svo til algerri einokun á hinum íslenskra fjölmiðlamarkaði með því að koma í veg fyrir heilbrigða samkeppni. Slíkt hefur leitt af sér hærra verð til almennings á Íslandi og minni gæða og verri þjónustu að auki (háskerpu-útsendingar eru svo til óþekktar á Íslandi eins og stendur) og það er lítil von á því að það breytist á næstunni.

Uppfært: Vísir.is hefur opnað aftur fyrir athugasemdir við þessa frétt eftir að þessi lokun hjá þeim komst í hámæli. Ég tel að afsökun þeirra standist ekki en þeir nota hana nú samt.

júlí 21, 2013

Sannleiksnefnd framsóknarflokksins

Um daginn fór pistill á Rúv fyrir hjartað á framsóknarflokknum, þar sem framsóknarflokkurinn hafði verið gagnrýndur í þessum pistli mjög harkalega og ekki að ástæðulausu. Hjá framsóknarflokknum var strax brugðist við og náð í heimskustu og menn sem voru tilbúnir að fórna sér fyrir framsóknarflokkin, enda er alltaf best að senda peðin í svona leiðangra, það er einfaldast að fórna peðunum, og þeir sem lifa slíkt af hækka í tign innan framsóknarflokksins.

Innan framsóknarflokksins er sú hugmyndafræði komin upp að þeir verði að hafa stjórn á umfjöllun um sig, enda á bókstaflega að neyða alla fjölmiðla á Íslandi að þóknast þeim, og sjálfstæðisflokknum. Það á að tryggja gagnrýnislausa umfjöllun um framsóknarflokksins og sjálfstæðisflokkin í framtíðinni, og það er ekki að ástæðulausu sem þessir flokkar bregðast svona við. Þetta er nefnilega aðferð til þess að vernda spillinguna og ósóman sem þrífst innan þessara tveggja flokka. Það er þannig að ekkert er nýtt undir sólinni á Íslandi, og nýjasta ritskoðunarárátta stjórnarflokkana á Íslandi er í raun ekkert svo ný eftir allt saman. Hugmyndafræðin á bak við þessa hegðun er mjög gömul og kemur mér ekkert á óvart. Síðasta tilraun sem þessir menn gerðu til þess að ritskoða fjölmiðla á Íslandi var með fjölmiðlalögum (timarit.is) sem Davíð Oddsson lagði fram á sínum tíma. Sú tilraun mistókst á sínum tíma, en það þýðir samt ekki að þetta fólk muni ekki reyna aftur, og mjög líklega strax á næsta þingi verða lögð fram ný lög sem munu hefta frelsi íslenskra fjölmiðla mjög mikið, jafnvel algerlega ef þetta fólk tapar síðustu vitglórunni sem það er þó ennþá með.

Ég er ennfremur viss um að framsóknarflokkurinn mun setja á fót nefnd eða skrifstofu til þess að flytja „réttar fréttir“ ofan í íslendinga. Fréttir sem verða gersneyddar af spillingarmálum framsóknarflokksins og sjálfstæðisflokksins, alveg eins og þeir vilja hafa það. Ég reikna með að framsóknarflokkurinn muni skýra þessa nefnd sannleiksnefndina, annað eins hefur nú gerst í sögunni.

september 12, 2012

Röng frétt á Rúv um ESB

Það eru undarlegar fullyrðingar sem er að finna í frétt Rúv núna í dag um Evrópusambandið. Þar er þessi hérna fullyrðing sett fram eins og þetta sé um staðreynd að ræða.

Evrópusambandið þarf að þróast í að verða sambandsríki. Þetta sagði José Manuel Barroso, forseti framkvæmdastjórnar Evrópusambandsins, í árlegri stefnuræðu sinni frammi fyrir Evrópuþinginu í morgun. […]

ESB verði sambandsríki. Rúv.is þann 12.09.2012

Þetta er rangt. Í ræðu José Manuel Barroso sagði hann eingöngu þetta hérna um Evrópusambandið og aukið samstarf aðildarríkja þess.

[…]

A deep and genuine Economic and Monetary Union

In today’s speech on the State of the Union, I announced the Commission’s intention to present a comprehensive blueprint for a deep and genuine Economic and Monetary Union. There is a strong consensus that this is indispensable for the future of the European economy. The combination of a Banking Union, a Fiscal Union and of the necessary elements of a Political Union would provide the secure platform needed to build sustainable growth, employment and competitiveness.

We are already advancing this agenda through the concrete proposals for a single supervisory mechanism for banks which the Commission has just adopted and which, together with the existing proposals on banking capital requirements, deposit insurance and bank resolution, will require priority attention from the European Parliament and the Council in the coming months. In addition I hope that we can swiftly finalise adoption of the two pack proposals tabled by the Commission last year.

At the same time, economic renewal will only succeed if it is rooted in a sense of fairness and equity. The Commission will therefore step up efforts to tackle tax fraud and evasion and ensure that all sectors pay a fair contribution to the public purse. It is urgent that the Council agrees on the revised Savings Tax Directive and mandates allowing the Commission to negotiate stronger savings tax agreements with neighbouring countries. It is now clear that the proposal for a Financial Transaction Tax, which I set out to you in my State of the Union address last year, has to move forward under enhanced cooperation. The Commission will respond positively and rapidly to any request to go in this direction.

[…]

Ræðuna í heild sinni er hægt að lesa hérna á vefsíðu Evrópusambandsins.

Svona rangur og misvísandi fréttaflutningur um Evrópusambandið er ekkert nýmæli á Íslandi. Það er alltof algengt að fjölmiðlar á Íslandi flytji fréttir sem eru ekkert annað en skáldskapur og eintóm þvæla um Evrópusambandið, evruna og aðildarríki Evrópusambandsins sem raunverulegar fréttir. Ég reikna ekki með því að þetta breytist neitt á næstunni. Þar sem mikil andstaða er við Evrópusambandið í öllum fjölmiðlum á Íslandi. Hreinar áróðursfréttir sem kasta neikvæðu ljósi á Evrópusambandið eru ekki eitthvað sem andstæðingar Evrópusambandsins hafa hikað við undanfarin ár á Íslandi.

Það er engin áhugi fyrir því að stofna sambandsríki innan Evrópu. Aftur á móti hefur efnahagskreppan sýnt það að betri lausna er þörf innan Evrópusambandsins til þess að koma í veg fyrir efnahagskreppu eins og þá sem núna gengur yfir Evrópu. Auk þess sem nauðsynlegt er að styrkja og auka eftirlit með bönkum innan Evrópusambandsins. Þetta eru allt saman mál sem unnið er að núna í dag innan Evrópusambandsins. Það mun þó ekki breyta Evrópusambandinu í sambandsríki eins og fullyrt er í frétt Rúv um Evrópusambandið.