Hættulegir rasistar stefna á Alþingi Íslendinga

Samkvæmt skoðanakönnun Vísir.is þá fengi hinn rangnefndi flokkur fólksins rúmlega 10,9% fylgi í skoðanakönnum og því sjö menn á Alþingi íslendinga. Það er stórhættulegt að kjósa þennan flokk á Alþingi íslendinga. Þetta er jafngildi þess eða verra og þegar danir fóru að kjósa fávitana í Danske Folkeparti inn á danska þingið. Staðreyndin er sú að flokkur fólksins mun grafa stöðugt undan lýðræðinu á Íslandi og það sem eftir stendur af velferðarkerfinu á Íslandi mun verða eyðilagt. Það er ekkert að marka það sem forustumenn og konur fólks flokksins segja og boða. Þetta er allt saman lygafroða sem er eingöngu notuð til þess að fá fólk til þess að kjósa flokkinn. Inn í þennan flokk hafa nefnilega safnast ný-nasistar, rasistapakk og annar óþjóðalýður sem mun ekki gera íslendingum neinn greiða. Hvorki eftir kosningar eða árin á eftir. Þetta fólk er stórhættulegt og það er alvarlegur skortur á siðgæði í þessum stjórnmálaflokki sem kallar sig fólks flokksins, sem er rangnefni. Þar sem þessi flokkur ætti að kalla sig spillingarbæli enda hefur það sýnt sig í öðrum ríkjum að flokkar af þessari gerð eru gjörspilltir og leiðtogar slíkra flokka ennþá verri. Helstu stefnur þessara flokka þegar þeir ná völdum er að þagga niður í gagnrýni, frjálsum fjölmiðlum og láta handtaka fólk og reka. Helstu dæmin í Evrópu undanfarið er að finna í Póllandi, Búlgaríu og Ungverjalandi.

Síðan er það stórfurðulegt afhverju íslendingar halda áfram að kjósa sjálfstæðisflokkinn, jafnvel eftir stórfellt hneyksli með barnaníð og kynferðislegt ofbeldi. Þetta er ekki þjóð á bjóðandi þessi hugsunarháttur. Nú þegar er litið á íslendinga með tortryggnum augum erlendis vegna þessa hneykslis sem er kom upp. Ef íslendingar kjósa sjálfstæðisflokkinn aftur til valda þá verða íslendingar afskrifaðir sem þjóð sem hægt er að taka mark á erlendum vettvangi. Vinstri Grænir eru ekkert nema fornt afturhald sem kemur í veg fyrir framþróun efnahags á Íslandi. Það kemur ekkert gott útúr því að kjósa þá.

Frétt vísir.is

Ný könnun: Sjálfstæðismenn og VG jafnstór og átta flokkar inni á þingi

Restin af Alþingi sýnir af sér fádæma mannvonsku rétt fyrir kosningar

Það sannast sem oft áður að mannvonskan og aftenging þessa fólks sem situr á alþingi við mannúð er ekki orðum ofaukin. Núna er ljóst að flestir stjórnmálaflokkar hafa yfirgefið það viðhorf að veita tveim fjölskyldum sem hafa flúið til Íslands ríkisborgararétt. Líklega heldur þetta fólk að það geti unnið sér inn fylgi með því að höfða til heimskra og illa þokkaðara rasista sem eru á Íslandi. Það er rangt. Það er engin fylgisaukning í því að höfða til lægstu hvata mannkyns og þann ógeðfellda pitt sem þar er að finna. Það er mun sterkara að höfða til mannúðar og hætta að hlusta á rasista og slíkt fólk sem hefur ekki rétt fyrir og mun aldrei hafa rétt fyrir sér í nokkrum málaflokki. Stjórnmálaflokkar eiga ekki að höfða til rasista fylgis. Það er einnig þannig að rasistar og slíkir hópar eru á móti frelsi og munu eyðileggja það ef þeir komast til valda og því ber að vera á móti þeim með öllum ráðum.

Það á að veita þessu fólki frá Afganistan (stelpan er ríkisfangslaus) og Nígeríu ríkisborgararétt án tafar á Íslandi og án nokkura pólitískra krafna. Það er skylda íslenskra stjórnmálaflokka að veita þessu fólki ríkisborgararétt. Þeir sem koma sér undan þeirri ábyrgð eru aumingjar með meiru og eiga ekki skilið að sitja á Alþingi íslendinga. Endurskoðun á Útlendingalögum hefur ekkert að segja í þessu máli vegna þess að Útlendingastofnun er ónýt ríkisstofnun ásamt kærumálum útlendingamála.

Frétt Rúv

Eining um endurskoðun á útlendingalögum (Rúv.is)

Unga fólkið sturtar niður framtíðinni með því að mæta ekki á kjörstað

Það er alveg ljóst á meðan unga fólkið mætir ekki á kjörstað, þá breytist ekki neitt á Íslandi og peninga-íhaldsöflin á Íslandi vinna kosninganar á slæmri kjörsókn. Slíkt er slæm niðurstaða fyrir alla íslendinga og sérstaklega unga fólkið, þar sem það tekur oft marga áratugi að laga til í hagkerfinu eftir slæma efnahagsstjórnun stjórnmálaflokka sem eru með handónýta hugmyndafræði um efnahagsmál og skatta á Íslandi. Enda er það svo eins og ég nefni hérna að framan, þeir sem græða á slæmri kjörsókn er íhaldið og framsóknarflokkurinn (bændaflokkurinn sem vill einangra Ísland frá umheiminum).

Ísland gjaldþrota árið 2017

Það er orðið ljóst að Ísland verður orðið gjaldþrota ríki strax árið 2017 miðað við þær tölur sem eru að koma upp úr kjörkössunum á Íslandi þessa stundina. Hinir gjörspilltu stjórnmálaflokkar framsóknarflokkur og sjálfstæðisflokkur munu sjá rækilega til þess að ríkisfjármálin á Íslandi verða lögð í rúst. Ásamt hinu almenna velferðarkerfi á Íslandi. Á næstu árum mun dekur og skattalækkanir á auðmenn taka við. Ásamt því að blásið verður í duglega og innihaldslausa efnahagsbólu á Íslandi með álverum og virkjunum.

Síðan mun þetta allt saman springa í loft upp og íslenska þjóðin verður gjaldþrota í kjölfarið. Enda ekki búnin að borga niður síðasta skuldahala sem þessir tveir stjórnmálaflokkar skildu eftir sig á árunum 1995 til 2007.

Íslenska þjóðin sem fær það sem hún biður um

Íslendingar hafa gjarnan hrósað sér fyrir að vera bestir í hinu og þessu. Alla jafnan alveg óverðskuldað og alla jafna byggt á sögusögnum nútímans sem íslendingar hafa sjálfir skapað í gegnum tíðina. Ein stærsta sjálfsblekking íslendinga síðustu ár er sú blekking að á Íslandi sé grundvöllur fyrir efnahagslífi sem getur staðið fyrir utan hið alþjóðlega kerfi. Ennfremur er það mjög sterk sjálfsblekking að íslendingar geti rekið gjaldmiðil sinn svo vel sé. Þá er ég að tala um íslensku krónuna, sem síðan árið 1918 hefur fallið um 2200 danskar krónur á 94 árum. Enda var það svo að íslenska krónan og hin danska skildu jafnar árið 1918 á genginu 1:1. Á þessum tíma hefur danska krónan sjálf tapað einhverju af verðgildi sínu, enda er hætt að nota 10 og 25 aura í Danmörku.

Íslendingar hafa síðan árið 2008 kvartað mikið yfir því ástandi sem hefur skapast á Íslandi í kjölfarið á efnahagskreppunni, sem kom til vegna banka-sjálfsblekkingarinnar á Íslandi. Þar sem íslendingar trúðu því að hægt væri að stórt bankakerfi á ónýtum grunni sem hin íslenska króna vissulega er, og hefur alltaf verið. Þegar það litla sem hélt hinu íslenska bankakerfi uppi fór að gefa sig árin fyrir efnahagshrunið á Íslandi. Þá var slíkt alla jafna blásið af sem öfundsýki, árásir á íslenskt efnahagslíf og þar fram eftir götunum. Jafnvel var svo langt gengið af ráðherrum, þingmönnum og fleirum að allir þeir sem voguðu sér að benda á ónýtar undirstöður voru kallaðir öllum illum nöfnum, og að þeir jafnvel vissu ekkert hvað þeir væru að tala um. Enda var litið á það sem svo að á Íslandi væri ekkert að efnahagnum og allt í blóma.

Allt þetta hrundi í Október 2008 með látum þegar allt fjármálakerfið á Íslandi varð gjaldþrota. Bankanir og flest allir sparisjóðirnir á Íslandi. Einu sparisjóðirnir sem lifðu efnahagshrunið af voru þeir sparisjóðir þar sem ekki var verið að eltast við stofnbréfin í þeim, og síðan þeir sparisjóðir þar sem hluthafar samþykktu ekki söluna á stofnbréfum í viðkomandi sparisjóði. Áhrifin af þeirri blekkingu að hægt væri að græða á loftinu eru alvarlegar. Þá helst fyrir það fólk sem lét blekkja sig til þessara kaupa. Enda er margt af þessu fólki stórskuldugt í dag og hugsanlega er engin lausn fyrir það í dag.

Sjálfstæðisflokkurinn og framsóknarflokkurinn eru með meirihlutavald með beinum og óbeinum hætti í öllum fjölmiðlum á Íslandi. Hvort sem það er staðarblaðið á Ísarfirði eða Morgunblaðið. Sjálfstæðisflokkurinn hefur einnig mikil óbein völd á fréttablaðinu. Þrátt fyrir áróður um annað. Það sem munar er bara að þetta er annar armur sjálfstæðisflokksins, en sjálfstæðisflokkurinn er þetta engu að síður. Restin er síðan framsóknarflokkurinn með, þar sem því er við komið. Hugsanlega er vikublaðið DV eina blaðið sem er tiltölulega laust við áhrif þessara tveggja stjórnmálaflokka. Þess í stað tel ég hinsvegar að DV sé meira undir áhrif af Vinstri Grænum og tengdum aðilum. Ég álít pólitísk tengsl dagblaða eins og þau koma fram á Íslandi núna í dag vera stórt vandamál, og það fer aðeins versnandi.

Tengsl hagsmunaaðila við stjórnmálaflokka á Íslandi er stórt vandamál, enda bíður það upp á spillingu og valdníðslu. Eins og hefur verið að gerast á undanförnum árum. Þetta er hluti af vandamálinu á Íslandi, og mun halda áfram að grafa undan efnahag Íslands og stjórnkerfinu nema að þessu verði breytt.

Það þýðir lítið að tala um efnahagsmál við íslendinga. Til þess eru þeir of stoltir til þess að hlusta, og láta hagsmunaaðila sem berjast gegn aðild Íslands að Evrópusambandinu hafa of mikil áhrif á sig. Á meðan svo er munu íslendingar vera með ónýtan gjaldmiðil og síðan sveiflukennt efnahagslíf með tilheyrandi vandamálum. Mér þykir ljóst að íslendingar þurf að fara alveg á botninn áður en það verður breyting hjá Íslensku þjóðinni. Íslendingar munu þurfa að fara svipað á botninn og Grikkir hafa verið gera undanfarið. Það sem mun lærast verður bæði erfitt og dýrt fyrir íslendinga, en alveg þess virði þegar fram líða stundir fyrir íslenska þjóð.

Samkvæmt nýjustu skoðanakönnun Gallup þá er sjálfstæðisflokkurinn kominn með 33% fylgi, og framsóknarflokkurinn 13% fylgi. Það er því ekki langt að bíða þangað til að nýr botn næst á Íslandi í efnahagsmálum og vandræðum þeim tengdum.

Áfram heldur hrunið…

Hrun Íslands heldur áfram, misskunarlaust og án hiks. Áframhald á hruninu bitnar eðli málsins samkvæmt verst á fólkinu sem hafði ekkert með það að gera. Launamanninum sem vinnur sína vinnu frá klukkan 8 til 17 og hefur hvorki fjárfest í hlutabréfum eða tekið þátt í „gróðærinu“.

Vonlausir og vanhæfir stjórnmálamenn Íslands keppast við að bjarga ríkum vinum sínum frá því að bera ábyrgð. Nota til þess margar aðferðir, eins og þá að ferð að kenna öllum öðrum (Bretlandi, Hollandi osfrv) um heldur en þeim sjálfum hvernig fyrir Íslandi er komið. Síðan neita þessir sömu stjórnamálamenn að bera ábyrgð á sínum mistökum. Uppá Seðlabankann er ekkert að hafa, enda orðin gjaldþrota eins og Íslenska ríkið. Allt vegna þess að siðleysingjar og ræningjar komust í völd hérna á landi eitt vorkvöldið árið 1991 (Sjálfstæðismenn) og hafa síðan verið við völd allan þann tíma, frá 20 öldinni yfir þá 21 öld.

Minnismerki þessara manna verða ekki gullhallir, heldur brunarústir og merki um það siðleysi og þá græðgi sem hefur ríkt hérna á landi síðustu ár.

Þessir menn vilja ekki gera gott við almenning, skráu niður í þjónustu við almenning. Reyndu að einkavæða heilbrigðiskrefið, tókst ekki. Tókst að selja bankana til vina sinna, einnig Símann. Allt saman er þetta að enda með ósköpum.

Ofan þá þetta þá drápu þessir menn niður alla gagnrýni á Íslandi. Kölluðu réttmæta gagnrýni öfundsýki, hatur, vanþekkingu og fleiri innistæðulaus orð. Gagnrýnin reyndist vera á rökum reist og í dag borgar almenningur fyrir hroka þessara manna.

Ef að Geir Haarde og hans undirsátar vilja halda snefil af virðingu í sögubókum framtíðar þá boðar hann til kosninga í þessari viku. Annars er hætt við því að sögubækur framtíðar muni tala um Geir og Davíð á sama hátt og menn erlendis tala um einvalda sem myrtu þjóðir sínar í köldu blóði. Einvaldar sem voru settir af í byltingum. Margar af þessum byltingum voru blóðugar, en gáfu fólkinu frelsi sem það á svo sannarlega rétt á.

Ísland er í dag kúgað land. Kúgað af lygum manna sem eru siðleysingjar og aumyngjar sem fela sig á bak við lög sem þeir hafa sjálfir sett. Heigulhátt sem kostar þjóðina gífurlega mikið dag hvern, atvinnuleysi, gjaldþrota fyrirtækja og hrun í lífsgæðum fólks.

Tími Sjálfstæðisflokksins er liðinn. Sveitamennskan á Íslandi er liðinn. Núna á að boða til kosninga um nýtt Alþingi sem sátt er um og nýja ríkisstjórn. Síðan á að taka til í Seðlabankanum og henda út ónýtum stjórnmálamönnum sem hafa ekkert vit á efnahagsmálum og þeirra mistök eiga þátt í gjaldþroti íslendinga.

Ég minni fólk á kjosa.is, þar sem Íslenska þjóðin fer fram á að lýðræðislegur réttur þeirra verði virtur og boðað verði til kosninga án tafar. Það er kominn tími til þess að Ísland gangi í EB og setji mark sitt á evrópu í sátt við aðrar þjóðir.

Ef Íslendingar ætla að komast uppúr þeirri holu sem við erum í. Þá verðum við að hætta að hugsa svona mikið um sérhagsmuni okkar (það er samt í lagi að passa uppá hag okkar) og ganga í EB.

Fjölmiðlar Íslands eru í dag kúgaðir af stjórnmálamönnum, einkafjölmiðlar eru kúgaðir af eigendum sínum. Öll gagnrýni er drepin áður en hún nær til fjöldans. Spillingin fær að þrífast í skjóli þöggunar fjölmiðlanna. Sem sjá ekkert að því að vera góðir við spillta stjórnmálamenn eða spillta eigendur sína.

Skömm að þessu og það er komið nóg.

Góðar stundir.

Forseti Íslands á að boða til kosninga án tafar

Miðað við það ástand sem er í þjóðfélaginu þá á forseti Íslands að boða til kosninga án tafar. Forseti Íslands á einnig að leysa Geir Haarde frá störfum sem Forsætisráðherra án tafar, enda er augljóst að hann er ekki fær um að gegna þeirri stöðu.

Forsetinn hefur þennan rétt samkvæmt Stjórnarskrá Íslands. Hérna eru þær greinar í stjórnarskránni sem eiga við núna.

15. gr. Forsetinn skipar ráðherra og veitir þeim lausn. Hann ákveður tölu þeirra og skiptir störfum með þeim.

24. gr. Forseti lýðveldisins getur rofið Alþingi, og skal þá stofnað til nýrra kosninga, [áður en 45 dagar eru liðnir frá því er gert var kunnugt um þingrofið],1) enda komi Alþingi saman eigi síðar en [tíu vikum]1) eftir, að það var rofið. [Alþingismenn skulu halda umboði sínu til kjördags.]1)
1)L. 56/1991, 5. gr.

Tengist frétt: Eggjum kastað í Alþingishúsið

Kosningar núna strax!

Þegar þjóðin er búin að lýsa yfir vantrausti á Forsætisráðherra (Geir Haarde) þá er ekki neitt annað að gera en að boða til kosninga hérna á landi. Stór meirihluti almennings lítur nú svo á að Geir Haarde sé ekkert nema raðlygari í jakkafötum og engu að treysta sem hann segir. Það er því augljóst að ríkisstjórnin hefur sjálfkrafa misst umboð kjósenda að vera við völd.

Það er ekkert nema dónaskapur og yfirgangur að hunsa vilja kjósenda í þessum efnum. Fólkið í landinu hefur rétt á kosningum nú þegar og án tafar. Það ennfremur gengur ekki að þeir sem voru og eru á kafi í þeirri spillingu sem tengist bankahruninu rannsaki sjálfan sig. Slíkt er bara ávísun á hvítþvott og samsæri gegn þjóðinni af hálfu stjórnvalda.

Ef að Geir Haarde vill ekki rjúfa þing, þá á almenningur á Íslandi að krefjast þess Forseti Íslands (Ólafur Ragnar) að rjúfa þing og boða til kosninga að kröfu almennings. Enda er það hans hlutverk að passa uppá lýðræðið hérna á landi þegar ríkisstjórnarflokkurinn neitar að taka ábyrgð á gjörðum sínum.

Ég minni á kjosa.is, en þar eru verið að safna undirskriftum svo að hægt verði að boða til kosninga.

Tengist frétt: Vaxandi krafa um kosningar

Samfylkingunni ber skilda til þess að slíta ríkisstjórnarsamstarfinu

Ég ætla að hafa þetta einfalt.

Samfylkingunni ber lýðræðisleg og siðferðisleg skilda til þess slíta ríkisstjórnarsamstarfinu nú þegar. Það gengur ekki að Sjálfstæðisflokkurinn skipuleggi og komist undan með gögn sem geta leitt fólk til ábyrgðar. Fólk sem ber ábyrgð á þessu hruni hérna á landi. Það er orðið augljóst að spillinging nær langt inní Sjálfstæðisflokkin, þar sem menn verja hvern annan hægri vinstri þessa dagana. Þetta er ekki bara um gengdarlausa spillingu sem þrífst í ríkisstjórninni og þingflokki Sjálfstæðisflokks. Þetta snýst líka um að koma á fót ríkisstjórn sem hefur ekki logið endalaust að fólkinu í landinu og hafa Forsætisráðherra sem nýtur trausts. Geir Haarde nýtur ekki neins trausts í dag meðal þjóðarinnar og hann er ennfremur að verja Seðlabankastjóra sem er óhæfur til þess að vera Seðlabankastjóri.

Það ber að virða óskir fólksins í landinu um kosningar og umsókn í EB (ESB). Annað er vanvirðing við lýðræðið og fólkið í landinu. Þess vegna á að boða til kosninga á morgun, Geir Haarde heldur starfinu þangað til að búið að er að kjósa (einnig aðrir ráðherrar í ríkisstjórn) og ólíkt því sem logið hefur verið að fólki. Þá verður engin stjórnarkreppa hérna á landi þó svo að boðað sé til kosninga hérna á landi. Það er betra að boða til kosninga núna og koma í veg fyrir að þeir spilltu menn sem núna sitja verji sína hagsmuni, heldur en að í kosningum 2011 sé fyrst hægt að byrja að taka til ósóman og spillinguna eftir þetta fólk. Einnig sem að þá verði raunveruleg hætta á því að sönnunargögnin verði löngu týnd og slóðin horfin.

Samfylkingin á að sýna það að þetta er raunverulegur stjórnmálaflokkur, ekki flokkur sem lætur ólýðræðislegan Sjálfstæðisflokk valta yfir sig í ákvarðantökum.

Ef að stjórnmálamenn landsins hafa ekki fattað það. Þá eru hérna skilaðboð til ykkar. Fólkið í landinu er búið að fá nóg af lygum og blekkingum. Fólkið í landinu vill sjá þá sem eru ábyrgir fyrir þessu ástandi dregna til ábyrgðar. Fólk vill sjá langtímalausnir. Þessi langatímalausn er innganga í EB (ESB) og upptaka evru þegar það verður hægt (eftir 2 til 5 ár eða svo). Tími skyndilausna er liðinn og kemur ekki aftur. Núna er kominn tími ábyrgrar stjórnsýslu og ábyrgra alþingismanna. Það sem þjóðin hefur upplifað núna hefur kostað okkur alltof mikið og mun halda að kosta okkur alltof mikið þangað til að Sjálfstæðisflokknum verður hent útúr ríkisstjórn og Alþingi. Og málin rannsökuð af fullri alvöru með hjálp EB (ESB).

Það er komið nóg!

Það verður engin stjórnarkreppa

Margir eru hræddir við að boðað sé til kosninga í því efnahagsumhverfi sem er ríkjandi þessa stundina. Ástæðan virðist vera sú að það er ranghugmynd á ferðinni um hvað mundi gerast ef það yrði kosið hérna á landi.

Því hefur nefnilega verið haldið fram að ef yrði kosið núna, þá yrði stjórarkreppa. Þetta er rangt, þetta er ekki aðeins rangt, þetta er kolrangt. Stjórnarkreppur eru til í tveim gerðum, fyrsta gerðin er þegar þeir flokkar sem fá mesta fylgið í kosningum geta ekki samið og myndað starfshæfa ríkisstjórn. Síðast gerðist þetta í Belgíu og varði í rúmlega 9 mánuði. Hin gerðin af stjórnarkreppu er það þegar samstarfsflokkar í ríkisstjórn geta ekki unnið saman að sameiginlegum málefnum, eins og t.d hagstjórn Íslands. Að mínu álti þá er komin væg útgáfa af þessari gerð af stjórarkreppu hérna á landi. Þar sem að Sjálfstæðisflokkurinn neitar að verða við óskum samstarfsflokksins og virðist fara sínar eigin leiðir þegar það kemur að „lausnum“ á efnahagsvanda þjóðarinnar (sem hann kom þjóðinni sjálfur í). Einnig sem að Sjálfstæðisflokkurinn er að verja vanhæfan Seðlabankastjóra, þvert á óskir samstarfsflokksins. Í mínum huga hefur þarna orðið ekkert nema trúnaðarbrestur á milli flokkana og þess vegna sé í raun ríkjandi stjórnarkreppa hérna á landi.

Ef að þing er rofið, eins og almenningur á rétt á í dag. Þá halda bæði alþingismenn og ráðherrar stöðum sínum þangað til að búið er að kjósa nýtt þing og skipa nýja ráðherra til starfa. Þannig að ríkisstjórnin mun ekki hætta að starfa þó svo að boðað væri til kosninga hérna á landi.

Kosningar eru nauðsynlegar á Íslandi, vegna þess að Sjálfstæðisflokkurinn hefur brugðist trausti þjóðarinnar og hefur í raun svikið hana blákalt. Sérstaklega með því verja Seðlabankastjóra sem er gjörsamlega vanhæfur til starfans og hefur hvorki þekkingu eða getu til þess að sinna því embætti sem hann er í. Ennfremur er það orðið augljóst að ríkisstjórnin er ekki fær um að valda því verki að rétta við efnahag landsins. Sérstaklega þar sem að ríkisstjórnin lokar á langtímalausnir, svo sem EB (ESB) og upptöku evru.

Í græðgi sinni, þá hafa ráðherrar Sjálfstæðisflokksins ákveðið að almenningur á Íslandi skuli borga fyrir þeirra vanhæfni og græðgi. Þeir sem núna sitja við völd eru nefnilega ekki hluti af lausninni, þeir eru hluti af vandamálinu og sem slíkir þá verður að fjarlægja þá. Helst sem fyrst.

Ég skora á alla að skrifa undir á kjosa.is, það liggur á að koma núverandi ríkisstjórn frá völdum og boða nýjar kosningar. Þar sem að núverandi stjórnvöld gera ástandið stöðugt verra með vanhæfni og heimsku sinni.