Category: Kjaftæði

Birt þann

Kjaftæðið nær nýjum hæðum í Bændablaðinu

Í grein núna sem er í Bændablaðinu er skrifað um gervivísindi og rafmagn. Það er einnig mjög hættulegt sem þessi maður virðist mæla með. Fyrsti hluti greinarinnar er svona meiri og minna réttur og þá eingöngu þeir hlutar sem snúna að jarðtengingum húsa þar sem rafmagn er tekið inn. Þessar tengingar eru alltaf til staðar alveg óháð því hvort að um er að ræða þriggja fasa rafmagn eða eins fasta rafmagn. Þarna er líka talað um rafmagn í lofthjúpnum sem er rétt hugtak en útskýring viðkomandi er röng. Vandamálið við greinina er það að hún blandar saman raunverulegum vísindum ofan í bull til þess að réttlæta kjaftæðið sem viðkomandi er að selja fólki.

Um rafmagn í lofthjúpnum þá stendur þetta hérna í Wikipedia. Þetta eru alvöru kraftar en fólk verður ekki veikt af þeim nema það fái eldingu í sig. Ástæðan er sú að mótstaða í lofthjúpnum er svo mikil að þessi straumur getur ekki haft áhrif á fólk, dýr og plöntur. Áður en það gerist þarf rafmagnið að komast yfir mótstöðu lofthjúpsins.

The voltages involved in the Earth’s circuit are significant. At sea level, the typical potential gradient in fair weather is 120 V/m. Nonetheless, since the conductivity of air is limited, the associated currents are also limited. A typical value is 1800 A over the entire planet.

Global atmospheric electrical circuit (Wikipedia), Atmospheric electricity (Wikipedia)

Fullyrðingar um jarðstraum eru einnig ruglandi og ekki endilega alltaf staðreyndalega réttar. Þetta er straumur sem er alltaf til staðar og er almennt ekki hættulegur og svo sannarlega gerir fólk ekki veikt. Vandamálið með jarðstrauminn og strauminn í lofthjúpnum kemur mest fram þegar mikil sólarvirkni á sér stað sem þrýstir á segulsvið jarðar. Slíkt getur valdið straumsveiflum og slegið út rafmagnskerfum og brennt yfir spennustöðvar í stórum rafkerfum.

Í greininni er talað um mínusjónir og annað slíkt eins og það hafi áhrif á heilsu fólk. Þetta er allt saman kjaftæði og stenst ekki neina skoðun. Hús tapa ennfremur ekki rafeindum vegna þess að ekkert í náttúrunni getur tapað rafeindum. Það er ekki þannig sem þær virka. Þarna byrjar kjaftæðið og það er mikið af því. Þarna er talað um að hús missi lausar rafeindir en það gerist ekki, þar sem það er ekki vísindalega hægt að slíkt gerist. Þetta einfaldlega virkar ekki þannig. Síðan eru flökkustraumar ekki til, þetta orð er skáldskapur og allt sem tengist því er skáldskapur. Ef að það væri 2A straumur í blöndunartækjum húsa þá væru margir sem hefðu látist af slíku, þar sem það þarf eingöngu 100mA til þess að valda hjartaáfalli í fullorðinni manneskju.

Orðið „Galvanó áhrif“ er uppspuni. Það er svipað orð á ensku en það hefur með tannviðgerðir að gera. Í greininni eru nokkrar myndir, þar er straummælir notaður rangt þar sem hann á að sýna meintan rafstraum í blöndunartæki (01.2A eða 1,2mA) og síðan við jarðtengingu (sem enginn straumur fer um) og þar sést 09.9A eða 9,9mA. Stillingin á mælinum er 200A sem þýðir að hann sýnir eingöngu straum upp að 200 Amaper. Síðan virðist sem að húsasótt sé uppskáldaður sjúkdómur til þess að geta selt fólki kjaftæðislausnir sem hafa aldrei virkað og munu aldrei virka.

Sé flett upp á Valdemar Gísli Valdemarsson á internetinu þá kemur í ljós að maðurinn er að selja fleira ný-aldarkjaftæði til fólks með rándýrum kostnaði (gott dæmi er að finna hérna). Lausnir sem virka ekki og munu aldrei virka. Ef fólk heldur að eitthvað sé að rafmagninu hjá sér þá á það að fá alvöru rafmagnsfræðing til þess að komast að því hvað er að gerst. Segulsvið hafa ennfremur engin áhrif á fólk og hefur aldrei haft áhrif á fólk. Síðan kemur einnig í ljós að maðurinn er skólastjóri fyrir skóla þar sem kennd er rafmagnsfræði fyrir framtíðar rafvirkja. Það er ekki hægt að samþykkja slíka stöðu á meðan þessi maður er að svindla á fólki með þessum hætti sem hann augljóslega gerir. Svona fólk á heima í fangelsi fyrir svindl og blekkingar.

Hérna er greinin á vefsíðu Bændablaðsins. Ég set tengill á greinina sem heimild, flest allt sem kemur fram í þessari grein er kjaftæði eins og fer yfir hérna að ofan. Fyrir utan nokkur atriði sem eru bara grunn atriði í rafmagnsfræðum.

Birt þann

Hæpnar fullyrðingar Höllu Gunnarsdóttur

Feministar á Íslandi eru þekktir fyrir að fullyrða allan fjandan án þess að hafa nokkuð fyrir sér með þessum fullyrðingum. Enda geta þær hvorki vísað í rannsóknir eða almennilegar heimildir fyrir þeim fullyrðingum sem eru settar fram í umræðunni.

Hérna eru dæmi.

[…]

Vændi, nektardans og klám eru af sama meiði. Höfðað er til kynhvatarinnar, og þá aðallega kynhvatar karla en konur – og einnig börn – eru viðföng, hlutir sem má nota til að uppfylla þarfir annarra. Að baki býr sú hugmynd að kynlíf sé hægt að kaupa. Manneskja sem selji kynlíf geri það ánægjunnar vegna og að kaupandinn eigi rétt á því að njóta þess frelsis sem peningar veita honum.
En raunveruleikinn er allt annar. Rannsóknir og reynslusögur sýna að klám- og vændisiðnaðurinn er langt frá því að vera heimur hamingjunnar. Skaðsemi þessara „starfa“ er ekki á neinn hátt sambærileg við skaðsemi annarra starfa og verður því ekki borinn saman við líkamlega erfiða vinnu, svo dæmi séu tekin. Klámiðnaðurinn gengur fyrir ofbeldi og kúgun. Hamingjusama hóra dagsins í dag stígur kannski fram á morgun og segir aðra sögu. Og þeir sem kaupa, þeir geta aldrei vitað hvaðan manneskjan kemur, hvort hún var seld milli landa eða misnotuð til hlýðni. Vegabréfslaus í ókunnugu landi, háð þeim sem gera hana út. […]

[…]

Klámiðnaðurinn skaðar ekki aðeins þá sem lenda í klóm hans heldur einnig samfélagið í heild sinni. Þótt til séu karlar sem geta farið inn á nektardansstaði eða horft á gróft klám og komist frá því með sömu viðhorf til kvenna og þeir höfðu áður þá er það ekki þannig með alla. Klámiðnaðurinn ýtir undir kvenfyrirlitningu og kvenfyrirlitning elur af sér ofbeldi gegn konum. Þannig getur klám beinlínis leitt til nauðgana og annars ofbeldis.

[…]

Nektardansstaðir þrífast á skaðlegum staðalmyndum og á því ójafnvægi sem ríkir milli kynjanna í heiminum í dag. Í heimi þar sem tekst ekki einu sinni að tryggja að konur og karlar fái sömu laun fyrir sömu vinnu er fjarstæðukennt að ætla að halda því fram að hægt sé að reka nektardansstaði þar sem konur eru frjálsar.
Klámiðnaðurinn skaðar ekki aðeins þá sem lenda í klóm hans heldur einnig samfélagið í heild sinni. Þótt til séu karlar sem geta farið inn á nektardansstaði eða horft á gróft klám og komist frá því með sömu viðhorf til kvenna og þeir höfðu áður þá er það ekki þannig með alla. Klámiðnaðurinn ýtir undir kvenfyrirlitningu og kvenfyrirlitning elur af sér ofbeldi gegn konum. Þannig getur klám beinlínis leitt til nauðgana og annars ofbeldis.

[…]

Karlarnir sem kaupa aðgang að konum eru tæplega frjálsir. Þvert á móti geta þeir verið fastir í viðjum skaðlegrar karlmennskuímyndar, ímyndar sem setur þá í þá stöðu að telja sig þurfa að vinna öllum stundum til að eignast peninga en að á sama tíma sé eðlilegt að eyða þeim peningum á einu bretti inni á nektardansstað. Og þótt þeir reyni að fylla í tómarúmið innra með sér með því að kaupa sér aðgang að konum þá ber það sennilega sjaldnast, ef nokkurn tímann, árangur. Sumir þeirra verða jafnvel háðir nektardansstöðum. Háðir skömminni og kynferðislegri fullægju. Vandinn er hins vegar sá að þegar kynlíf er tengt saman við skömm þá hverfur ánægjan fljótt. Kynlífsbyltingin, sem sum hér muna eflaust eftir, gekk einmitt út á það að frelsa kynlífið undan skömminni, svo við mættum öll vera frjáls. Klámvæðingin er bakslagið, byltingin sem étur börnin sín.

[…]

Bann við nektardansstöðum er aðeins eitt lítið skref á langri vegferð. Þrátt fyrir bannið hér á landi eru enn starfræktir tveir staðir sem virðast bjóða upp á nektardans eða gera út á nekt með öðrum hætti. Enn hefur ekki reynt á túlkun laganna hvað þetta varðar. En þótt ekki hafi enn tekist að framfylgja banninu fyllilega dregur það ekki úr gildi laganna, ekki frekar en að það dragi úr gildi laga gegn ölvunarakstri að enn aki menn ölvaðir eða laga geng nauðgunum að enn sé nauðgað.
Bann við starsfemi nektardannstaða er liður í að afnormalisera kaup karla á líkömum kvenna. Ef Norðurlöndin ætla að halda áfram á vegferð sinni að kynjajafnrétti verður að stöðva hlutgervingu á konum. Annars næst aldrei jafnrétti.

Allar tilvitnanir eru teknar úr þessum hérna pistli Höllu.

Þrátt fyrir að margir aðildar hafi margspurt femininsta á Íslandi um gögn máli sínu til stuðnings (viðurkenndar rannsóknir). Þá hafa engin gögn verið færð fram sem styðja fullyrðingar feminsta. Tengingar feminsta við barnaníð og glæpi eru ennfremur siðleysi í sjálfu sér. Þar sem að réttlætingu fyrir þessum fullyrðingum er að finna í þessum tengingum. Það er ennfremur ljóst að bannið við nektardansi og vændi á Íslandi er fáránlegt og á sér afskaplega fáar stoðir í raunveruleikanum.

Bloggfærsla uppfærð klukkan 23:26 UTC þann 23.03.2012. Málfarsvillur lagaðar.
Bloggfærsla uppfærð klukkan 00:37 UTC þann 24.03.2012. Málfarsvillur lagaðar.

Birt þann

Nýjasti brandarinn frá Heimssýn

Í Heimssýn er fólk sem heldur að það sé voðalega alþjóðlegt, en er það í raun ekki og hefur aldrei verið það. Af þessum sökum koma stundum ekkert nema greinar sem teljast ekki neitt annað en bara brandarar. Hérna er dæmi um eina slíka grein.

Heimssýn eru víðsýn samtök. Þess vegna gerði tíðindamaður samtakanna sér far um það þegar hann átti þess kost að fara um nokkrar borgir í Mið-Evrópu að hlusta á rök heimamanna. Það sem kom á óvart var að þau voru flest á einn veg og það var viss beygur í fólki. Myntsamstarfið hefur leikið lönd Evrópu með misblíðum hætti. Sum hafa blómstrað eins og Þýskaland. Önnur hafa ekki komist almennilega á skrið, eins og Slóvakía. […]

Raddir Evrópu, Heimssýn þann 14. Nóvember 2011.

Það er staðreynd að Heimssýn eru allt annað en víðsýn samtök. Heimssýn sem samtök vinna að og hafa alltaf unnið að einangrun Íslands. Þetta sést núna best á því að margir af þeim sem taka þátt í starfi Heimssýnar hafa alltaf verið á móti alþjóðlegu samtarfi. Gildir þá einu hvað það heitir. Þetta fólk var á móti EFTA á sínum tíma, síðan var það á móti EES samningum á sínum tíma. Í dag er það síðan á móti aðild Íslands að Evrópusambandinu. Það er einfaldlega ekki hægt að taka mark á fólk sem hefur það eitt að markmiði að draga úr lífskjörum og tækifærum íslendinga. Slíkt er að vinna gegn sínum eigin hagsmunum, og það telst ekki vera skynsamlegt.

Birt þann

Heimskir andstæðingar Evrópusambandsins

Það verður að segjast eins og er að andstæðingar Evrópusambandsins á Íslands eru ekki snjallasta fólkið á Íslandi. Enda virðist andstæðingar Evrópusambandsins á Íslandi, og erlendis vera fólk sem virðist vera einstaklega trúgjarnt og vitlaust. Þetta sást mjög vel í dag þar sem ein sú allra vitlausta frétt (í boði DV) um Evrópusambandið leit dagsins ljós á Íslandi. Þar sem því var haldið fram sem sannleika og staðreynd að Evrópusambandið væri að banna börnum að blása í blöðrur og leika sér með leikföng. Önnur eins vitleysa verður seint vandfundin, ég er þó hinsvegar ekki í neinum vafa um að andstæðingar Evrópusambandsins á Íslandi mun takast að toppa þessa heimsku með einhverju öðru fljótlega.

Enda er þetta fólk afskaplega trúgjarnt á heimskulega hluti eins og augljóst má vera. Einnig sem að andstæðingar Evrópusambandsins virðast lifa í heimi samsæriskenninga og annara heimskulegra hluta. Andstæðingar Evrópusambandsins á Íslandi taka mark á götublöðum eins og Daily Mail, Daily Express, The Telegraph og fleiri breskum blöðum sem eru ekki þekkt fyrir það að segja sannleikan um Evrópusambandið.

Það er hinsvegar staðreynd að ekki er nein bönn að finna sem banna leikföng barna eins og andstæðingar Evrópusambandsins halda fram í bloggfærslum fullum fetum. Þetta gera andstæðingar Evrópusambandsins án þess að svo sem mikið að kanna sannleiksgildi viðkomandi frétta.

Þeir sem hafa áhuga á að kynna sér hvað Reglugerð Evrópusambandsins um leikfangaöryggi hefur að segja geta gert það hérna fyrir neðan.

Toy Safety Directives – EU
The General Product Safety Directive (GPSD) – EU

Birt þann

Óbirt fréttatilkynning Heimssýnar um byggingu veggs í kringum Ísland

Ég hef komist yfir óbirta fréttatilkynningu frá Heimssýn sem hljómar svona.

Heimssýn 20. Ágúst 2011

Stjórn Heimssýnar tilkynnir hér með stolti fyrir öllum íslendingum áætlun sína að byggja vegg í kringum Ísland. Verður þessi veggur byggður á 200 mílna landhelginni út fyrir ströndum Íslands. Áætlað er að byggingu þessar veggjar verði lokið í árið 2040. Þegar þessi veggur verður kominn í kringum Ísland þá verður loksins hægt að koma í veg fyrir öll erlend áhrif á Íslandi. Enda mun Heimssýn einnig fara fram á allt erlent sjónvarpsefni verði bannað á Íslandi þegar bygging þessa veggs hefst núna þann 1. Október næstkomandi. Heimssýn hefur einnig krafist þess að allur innflutningur á erlendum spólum, kvikmyndadiskum og erlendri tónlist verði bannaður á sama tíma.

Heimssýn hefur einnig krafið ríkisstjórnina um að banna allan innflutning á öllum erlendum vörum til Íslands. Enda hefur það sannast að íslenskar vörur eru alltaf bestar fyrir íslenska neytendur. Heimssýn reiknar með að verðlag á Íslandi muni lækka um 50 til 200% við þessar aðgerðir og að verðbólga verði í kjölfarið ekki nema 0.5% á Íslandi í kjölfarið.

Heimssýn hefur einnig krafist þess að allt verðlag á Íslandi verði ákveðið af verðlagsnefnd. Síðan fór Heimssýn einnig fram á það íslendingum verði bannað að ferðast erlendis. Enda vita allir íslendingar að Ísland er langbest og íslendingar hafa ekkert að gera erlendis. Þar sem útlönd eru skítug og allir útlendingar eru vondir við saklausa íslendinga sem skilja útlönd hvort sem er ekki. Það er einnig skoðun Heimssýnar að allir þeir sem fara erlendis séu föðurlandssvikarar sem skuli fangelsa strax við komuna til Íslands. Enda skilja þessir föðurlandssvikarar ekki að Ísland er langbest í öllu og mun alltaf verða það.

Formaður Heimssýnar, Osmundur Einas Dottasson

Þar hafið það það fólk. Heimssýn er gengið af göflunum.

Birt þann

Andríki lýgur til um starfsemi ESB

Ég sé núna í morgunsárið að ný-frjálshyggjufólkið í Andríki er komið á fullt að gera það sem það gerir best. Að ljúga og blekkja fólk og koma með rangar upplýsingar um ESB meðal annars. Núna í dag eru ný-frjálshyggju vitleysinganir í Andríki farnir að saka ESB um spillingu í grein á vefnum Andríki. Sem er eiginlega áhugavert. Þar sem þetta ný-frjálshyggjulið sem Andríki tilheyrir hefur verið vaðandi í spillingu upp að hársverði, enda er þetta hluti af því fólki sem ber ábyrgð á efnahagshruninu sem varð á Íslandi árið 2008.

Öll greinin eins og hún leggur sig er röng og uppfull af lygum og rangfærslum. Það er ekkert flóknara en það. Þær fullyrðingar sem þetta ný-frjálshyggjulið á Andríki setur fram um bókhald ESB eru ekkert nema tómar lygar. Í frétt BBC News frá árinu 2006 um þessar bókhaldsfullyrðingar andstæðinga ESB þá kemur skýrt fram að endurskoðendur ESB samþykkja bókhald ESB og skrifa uppá það og hafa gert frá upphafi. Það eru auðvitað vandamál í bókhaldinu eins og gjarnan vill vera í svona stórri og flókinni starfi eins og ESB er. Flest af þessum villum er hinsvegar leiðrétt og það sem ekki er hægt að leiðrétta er sent til frekari rannsóknar. Enda endurheimtir ESB milljarða evra á hverju ári í gengum þetta ferli og kemur þannig á sama tíma í veg fyrir spillingu innan ESB og tap á fjármunum sem tengist spillingu sem alltaf er hætta á í svona stórri starfsemi.

Hérna er hægt að lesa frétt BBC News um bókhald ESB. Þessi frétt er frá árinu 2006.

Why the EU’s audit is bad news

Það er hinsvegar alveg ljóst að Andríki hefur ekki efni á að saka ESB um spillingu. Enda er sú hugmyndafræði sem Andríki boðar ekkert nema uppskrift að spillingu og sukki. Eins og íslendingar hafa fengið að sjá í kjölfarið á efnahagshruninu á Íslandi árið 2008.

Það eina sem er ennfremur leiðinlegt hérna er þvælan og vitleysan sem kemur frá Andríki.

Birt þann

Kjaftæði í Katrínu Önnu öfga-feminista

Öfgafemininstar á Íslandi virðast ætla seint að gefast upp á því að boða út lygar og rangfærslur um klám, klám efni og notkun þess hjá almenningi. Núna í dag kemur Katrín Anna öfga-feministi með nýtt sett af rangfræslum og staðhæfingum um klám sem hvorki standast nánari skoðun eða vísindalegar rannsóknar aðferðir.

„Klámvæðing er heiti á því menningarferli þegar klám og hlutverk, myndmál, táknmyndir og orðfæri úr kláminu smeygja sér inn í okkar daglega líf sem normaliserað, samþykkt og jafnvel dáð menningarlegt fyrirbæri.“

Klámvæðing er ekki til. Hinsvegar varð umræðan og sýnileiki kynferðis og kynferðislegra atburða mun sýnilegra í kjölfarið á kynlífsbyltingunni á sjötta og sjöunda áratug tuttugustu aldarinnar. Afleiðinganar af þeirri byltingu sjáum við í dag. Þau viðhorf sem Katrín Anna og fólk sem aðhyllist hennar skoðun til kynlífs og kynferðis er af mjög íhaldssömum og öfgafullum toga. Þar sem allt gengur útá að gera kynlíf óhreint, ósiðlegt og hreint og beint banna það út úr allri almennri umræðu. Kynlíf er hluti af reynslu flest allra í þjóðfélaginu. Það er því fullkomnlega eðlilegt að þetta hafi mikla vigt í umræðunni á hverjum tíma fyrir sig.

Katrín Anna tók dæmi af umfjöllun fjölmiðla um alþjóðlegu klámráðstefnuna sem halda átti á Hótel Sögu árið 2007 og vakti gríðarleg viðbrögð. „Þá var jafnvel gengið svo langt, í að minnsta kosti einum fjölmiðli, að segja að um væri að ræða skemmtiferð fólks en ekki ráðstefnu – þrátt fyrir að skýrt kæmi fram á heimasíðu hópsins að þetta væri business-to-business tengslanetsferð. Jákvæð umfjöllun fjölmiðla er athyglisverð í ljósi þess að margar skilgreiningar á klámi vísa til þess að það byggi á niðurlægingu, og þá sérstaklega kvenna. Í tilfelli umræddrar klámstefnu þá var efnið sem henni tengdist það ofbeldisfyllsta sem ég hef séð,“ segir Katrín Anna.

Þetta var funda og skemmtiferð hjá þessu fólki. Þessi fullyrðing sem þú setur hérna fram er ekkert nema lygi og ósvífin tilraun til þess að blekkja almenning og umræðuna.

Til stóð að klámmynd yrði tekin hér á landi af þeim sem sóttu ráðstefnuna en hún var á endanum slegin af vegna mikillar gagnrýni, þar á meðal borgaryfirvalda sem lýstu sig andsnúin því að klámráðstefna væri haldin í Reykjavík.

Þessi skemmtiferð var slegin af vegna öfgafullra viðbragða fólks eins og Katrínar Önnu, Sólareyjar Tómasdóttur og fleiri öfgafulls fólks á Íslandi sem gat ekki hugsað sér fólk sem væri frjálslynt í kynlífsmálum væri á Íslandi að gera það sem því líkar best. Að stunda kynlíf, jafnvel þó svo að það sé fyrir framan myndavélar.

Samkvæmt íslenskum hegningalögum er ólöglegt að birta klám, búa það til og dreifa því. Viðurlögin eru sektargreiðslur eða fangelsisvist í allt að sex mánuði.

Þessi lög eru úrelt og ber að afnema. Íslendingar eiga að lögvæða klámið eins og danir gerðu á sínum tíma, og fleiri þjóðir í Evrópu hafa einnig gert hægt og rólega.

Katrín benti á að bandaríska sálfræðifélagið metur það svo að klámvæðing eigi eftir að leiða af sér aukna kvenfyrirlitningu, aukna eftirspurn eftir barnaklámi, aukna kynferðislega áreitni og aukið kynferðisofbeldi.

Þetta er staðreyndaleysa og tómt bull. Klám og barnaklám eiga ekkert sameiginlegt og þessi tilraun til þess að tengja þetta tvennt saman er ekkert nema tilraun til þess að blekkja og ljúga að fólki. Þetta er ennfremur ekkert nema ósvífin tilraun til þess að ljúga að fólki og fela fyrir þeim raunveruleikann. Klám er ekki hættulegt og gerir ekkert að því sem hérna er haldið fram. Eins og ég nefni hérna að ofan, þá er klám löglegt í Danmörku, Þýskalandi og fleiri löndum. Engu að síður hefur þessi raunveruleiki sem hérna er búinn til af öfgafeminstum á Íslandi ekki komið fram í þessum löndum. Ástæðan er mjög einföld. Þetta er nefnilega ekkert nema lygi í öfgafeminstum á Íslandi, eins og svo margt annað sem frá þeim kemur.

„Þetta ætti, hvert fyrir sig, að vera nóg fyrir fólk að staldra við og hugsa sig um tvisvar áður en það tekur klámvæðingunni fagnandi eða tekur þátt í henni. Afleiðingarnar eru skelfilegar fyrir börn og konur sem verða fyrir misréttinu. Afleiðingarnar eru ekki síður alvarlegar fyrir karlmenn – í raun þýðir það sem fram kom hér á undan að klámvæðingin geti búið til kynferðisbrotamenn. Það ætti að vera alvarlegt umhugsunarefni fyrir karla og í mínum huga er það stórt umhugsunarefni af hverju karlar setja sig ekki á móti klámvæðingunni í meira mæli en þeir gera. Ef til vill stafar það af því að hinar stjórnandi ímyndir klámvæðingarinnar hafa þegar haft þau áhrif að fólki finnst hlutverkin sem birtast í klámvæðingunni vera eðlilegur hluti hversdagslífsins – að svona eigi þetta að vera,“ segir Katrín Anna.

Hverjar verða afleiðinganar af því að kúga niður eðlilega kynkvöt fólks ? Hvort sem viðkomandi er karl eða kona. Það er ennfremur algerlega ósönnuð fullyrðing hjá öfga-feminstum að klám búi til kynferðisafbrotarmenn. Í raun þá geta öfga-femininstar ekki vísað í neina einustu rannsókn máli sínu til stuðnings.

Afleiðinganar eru ekki neinar fyrir börn. Þar sem þeim er bannaður aðgangur að þessu efni samkvæmt lögum og það er á ábyrgð foreldra að tryggja það að börn komist ekki í svona efni á meðan þau hafa ekki andlegan þroska til þess að skilja útá hvað kynlíf gengur. Það er ekkert misrétti fólgið í klámi og hefur aldrei verið. Reyndar er það þannig að hallar helst til mikið á karlmenn sem vinna í þessu, enda fá þeir illa borgað við framleiðslu klámmynda. Á meðan konur fá vel borgað þegar klámmynd er framleidd. Hvort að það er átak til þess að breyta þessu veit ég ekki.

Kynlíf er hluti af lífi allra. Það þýðir einnig að klám er það líka. Enda er klám ekkert annað en kynlíf á filmu.

Allar tilvitnanir eru úr frétt Vísir.is.

Klámvæðing hefur alvarlegar afleiðingar fyrir karlmenn