Það er komin fram enn ein hótunin fram í New York, í þetta skiptið gagnvart neðanjarðarlestarkerfinu og almenningsamgöngum. Síðan árið 2001, eftir árásinar á Turnana tvo í New York þá hafa Bandarísk stjórnvöld gefið út reglulegar viðvaranir um svona árásir, en raunin hefur alltaf verið sú að ekkert hefur gerst í hvert einasta skipti. Að mínu mati er þetta ekkert nema hræðsluáróður af verstu gerð.
Viðbúnaður hertur í New York
Öryggisviðbúnaður hefur verið snarhertur við allar neðanjarðarlestarstöðvar í New York eftir að yfirvöldum þar barst hótun um hryðjuverkaárás á næstu dögum. Michael Bloomberg, borgarstjóri í New York, segir hótunina þá nákvæmustu sem yfirvöldum í borginni hafi borist hingað til og auk þess bendi upplýsingar leyniþjónustunnar til að fótur sé fyrir henni.
Bloomberg segir hótunina frá erlendum aðilum en játar því hvorki né neitar að hún komi frá íslömskum öfgamönnum. Bæði einkennis- og óeinkennisklæddum lögreglumönnum hefur verið stórlega fjölgað á götum úti og þjóðvarðliðar og lögreglumenn frá nærliggjandi borgum hafa verið fengnir til aðstoðar. Farþegum lestarkerfisins í New York hefur verið ráðlagt að ferðast hvorki með bakpoka né skjalatöskur.
Fréttin er fegin af Vísir.is. Hérna er frétt BBC News um þetta.