Category: Íslenska efnahagskreppan

Birt þann

Upphlaup stjórnarandstöðunnar verður sýnilegt, hræðsluáróður gefin í botn

Núna er kominn hræðsla í gamla spillingar og valdaflokkinn sjálfstæðisflokkin, væntalega einnig framsóknarflokkinn. Þó svo að þeir hafi ennþá hægt um sig, en viðbrögð munu koma frá þeim fyrr en seinna.

Núna skrifar Þorgerður Katrín, varaformaður sjálfstæðisflokksins hræðslugrein á Pressan.is. Þessi hræðslugrein gengur útá að núna ætli ríkisstjórnin aftur að svíkja þjóðina og fleira í þeim dúr. Þorgerður Katrín kýs þó að gleyma þeirri staðreynd að það voru sjálfstæðismenn sjálfir, ásamt framsóknarmönnum sjálfum sem kusu að svíkja þjóðina sem mest á sínum tíma. Sérstaklega þegar þeir komu í veg fyrir lýðræðislegar breytingar á stjórnarskrá Íslands með málþófi og hótunum í garð minnihluta ríkisstjórnar Samfylkingar og Vinstri Grænna sem þá sat við völd.

Þorgerður Katrín má vissulega lýsa skoðun sinni á Icesave málinu, sem hennar stjórnmálaflokkur ber fulla og algera ábyrgð á frá upphafi. Enda er augljóst að til Icesave var stofnað þegar þeir voru við völd og stjórnuðu á Íslandi, og vinir þeirra sátu í Landsbankanum og öðrum gjaldþrota íslenskum bönkum.

Hræðsluáróðursgrein Þorgerðar Katrínar á Pressan.is.

Ríkisstjórnin gegn lögum?

Birt þann

Reiðir íslendingar klúðra sínum eigin málum

Margir íslendingar eru reiðir í dag. Þeir eru þó eingöngu reiðir útí alla aðra en sjálfa sig. Í dag eru margir Íslendingar reiðir út í ESB, sem er þó alsaklaust af hinu íslenska efnahagshruni og Icesave. Margir kenna ESB um reglunar sem íslendingar fóru sjálfir eftir, eða fóru ekki eftir þeim reglum sem lagðar voru til á EES/ESB efnahagssvæðinu. Þessar reglur eru sömu reglur og allar aðrar þjóðir fóru eftir, en engin önnur þjóð en hin íslenska lenti í þessum vandræðum vegna útibúa en íslendingar. Það segir sína sögu um siðleysið og græðinga hvernig fór hérna á landi.

Að varpa sök yfir á aðra er algengt þegar stór áföll dynja yfir. Þetta á sérstaklega við þegar fólk getur ekki sætt sig við sín eigin mistök og afleiðingar þeirra. Það er staðreynd að hrunið er íslendingum að kenna, og eingöngu íslendingum. Efnahagshrunið var íslendingum að kenna, líka Icesave og allt annað sem við kemur þessu hruni. Það er því á ábyrgð íslendinga sjálfra að taka til upp eftir sig, hinsvegar er hægt að fá hjálp frá ESB og IMF við enduruppbygginguna. Íslendingar verða þó að sýna þá hegðun að þeir séu að standa við þau skilyrði sem eru sett í hjálpinni frá þessum aðilum. Sú hjálp sem íslendingar þurfa er aldrei skilyrðislaus, og hefur aldrei verið það.

Hrunið er ekki ESB, Bretlandi, Hollandi eða IMF að kenna, og hefur aldrei verið þeim að kenna. Eins og hefur verið „vinsæl“ skoðun hjá íslendingum þessa dagana (sést best á ESB könnuni sem framkvæmd var fyrir nokkrum dögum, þar sem andstaða við ESB hefur aukist á Íslandi). Heldur er hérna eingöngu um að ræða hættulegan ásökun í garð saklausra aðilda, þessi ásökun mun á endanum eingöngu skaða íslendinga sjálfa og engan annan. Þess má geta að núna er verið að nota ásköunina sem áróðurstækni til þess að fá fólk upp á móti ESB. Þessi aðferð virðist hafa tekist mjög vel af þeim sem framkvæmdu hana, enda ódýrt og einfalt að höfða til tilfinninga fólks. Það er hinsvegar einnig þekkt að slík aðferðafræði virkar ekki til lengdar, enda sér flest fólk í gegnum hræðsluáróður á endanum, hvort sem um er að ræða hræðsluáróður sem byggir á ásköun, eða ótta.

Íslendingar eiga að líta í sinn eigin barm í dag. Enda mun ekkert breytast á Íslandi ef hugarfarið breytist ekki. Íslendingar eiga einnig að taka þátt í samstarfi Evrópuþjóðanna, þar sem það mun gefa íslendingum óháð eftirlit með stjórnsýslunni á Íslandi og aukin efnahagslegan stöðugleika til lengdar. Enda er alveg augljóst að sú kreppa sem núna gengur yfir heiminn er ekki sú síðasta, jafnvel þó svo að langt verði í næstu kreppu.

Birt þann

Skilningslausir íslendingar tjá sig um Icesave

Það er nokkuð magnað að sjá skilningslausa íslendinga tjá sig um Icesave, en þetta er fólk sem hvorki nennir, eða hefur áhuga á því að setja sig inn í Icesave málið og um hvað það snýst. Jafnvel þó svo að það gæti það mjög vel.

Þetta fólk talar mikið um óréttlæti gagnvart okkur, en hugsar ekkert útí það óréttlæti sem íslendingar beyttu erlenda borgara vegna þessa máls. Þegar íslenska ríkið ætlaði sér að stinga af frá ábyrgðinni af þessu máli.

Síðan hafa hagsmunahópar, sem settir hafa verið upp af stjórnarandstöðu stjórnmálaflokkunum blásið málið upp, tengt við ESB (sem kemur þó þetta mál ekkert við), snúið útúr því og jafnvel logið ef það hentaði þeim. Allt saman gert til þess að ná höggi á núverandi stjórnarflokka.

Icesave málið hefur einnig verið notað til þess að ná höggi á skoðanir fólks varðandi aðild Íslands að ESB, sem er þó besta leiðin fyrir íslendinga til þess að koma sér útúr þessari kreppu, og styrkja og bæta efnahagslífið á Íslandi sama tíma. Vegna áróðursins stjórnarandstöðunar í Iceave málinu, þá vilja margir íslendingar ekki sjá þessa lausn á þeim vandamálum sem uppi eru í dag.

Það ber þó allt af sama grunni, sérstaklega í ljósi þess að það voru íslendingar sem voru upphafið og endirinn að Icesave, en ekki hollendingar, og ekki bretar, og ekki ESB. Nei, þarna var um að ræða íslenskt hugvit, og íslenskar afleiðingar fyrir saklausa, jafnt sem seka íslendinga.

Það er afskaplega ódýrt að kenna öðrum um okkar eigin mistök, sérstaklega mistök eins og Iceave. Aftur á móti er það sorgleg staðreynd að íslendingar eru með ódýran hugsunarhátt, og vilja helst ekki bera ábyrgð á neinu, og hafa aldrei viljað bera ábyrgð neinu. Hvorki núna, eða í fortíðinni.

Hrunið á Íslandi hefur upphaf sitt hjá íslendingum. Það verður líka að enda hjá íslendingum, enda mun engin enda þessa efnahagskreppu á íslendingum nema íslendingar. Hinsvegar virðast íslendingar kjósa í dag, að spóla í sama farinu og kenna öllum öðrum um nema þeim sjálfum, um ástandið í efnahagsmálum Íslands.

Birt þann

Íslenska þjóðernisbólan

Á Íslandi í dag er gangi risastór og ljót þjóðernisbóla. Þessi þjóðernisbóla heimskunnar og fáfræðinar veldur því að fólk er að taka afstöðu með rotnum hálfvitum í samtökunum Heimssýn (Heimssýn er þessa dagana stutt af skattpeningum almennings í gegnum Bændasamtökin, þetta er auðvitað ekkert nema gróf misnotkun Bændasamtakana á peningum bænda), en eins og flestir ættu að átta sig á. Þá er Heimssýn ekkert annað en samtök fólks sem þola ekki útlendinga, og vilja helst loka landinu í einhverri útópíudraumsýn sem á ekkert skilt við raunveruleikan. Síðast þegar íslendingar reyndu lokuðu leiðina, þá staðnaði allt á Íslandi í marga áratugi, með innflutningshöftum, gjaldeyrishöftum og fleiri höftum og bönnum. Í þessu umhverfi spratt upp mikil spilling, þessi spilling var orðin svo mikil að í dag eru íslendingar ekki ennþá lausir við hana. Meira en 50 árum síðar.

Eftir síðasta haftatímabil, þá tók það íslendinga yfir 30 ár að komast yfir það. Hinsvegar eru ennþá til leyfar af þessu haftatímabili ennþá til staðar. Þau ummerki er að finna í vöruverði á Íslandi sem er mun hærra á Íslandi og miðað við nágrannalöndin, síðan eru vörugjöldin séríslensku leyfar þessa tíma þegar ekkert mátti flytja inn fyrr en eftir röfl og leiðindi.

Leiðin útúr þessum höftum, og til þess að ganga endanlega frá ljótum þjóðernisbólum hérna á landi er að ganga í ESB. Annars er hætt við því að einangrunarsinnar hafi betur og hreinlega loki Íslandi í tilraun til einangrunarstefnu sem þeim augljóslega dreymir um, og hefur dreymt um síðan árið 1969, þegar einangrunarstefan var lögð af á Íslandi, með inngöngu Íslands í EFTA, og síðar var dregið ennþá meira úr þeirri einangrunarstefnu með inngöngu í EES. Sem einangrunarsinnar mótmæltu hástöfum, en sem betur fer komist ekki upp með að fella málið á Alþingi á sínum tíma.

Að hafna aðild Íslands að ESB mun þýða efnahagslega stöðnun í einhvern tíma, hversu langan tíma er erfitt að segja til um. Gengisóstöðugleikinn mun ennþá vera til staðar ef Íslendingar ganga ekki í ESB, enda er alveg augljóst að krónan er mjög óstöðugur gjaldmiðill, og nýtur ekki trausts erlendis og það mun taka marga áratugi að byggja aftur upp traust á krónni sem gjaldmiðli. Á meðan mun almenningur þjást vegna óstöðugs verðlags, hárra vaxta og verðtrygginar, sem er óumflýjanleg í slíku efnahagsumhverfi, en þetta efnahagsumhverfi yrði mjög svipað og það efnahagsumhverfi og ríkir á Íslandi í dag.

Íslendingar eiga að hugsa um aðild að ESB í áratugum, ekki næstu 5 árum. Það er stöðugleiki sem mun byggja upp efnahag Íslands og gera fólki fært að búa á Íslandi svo mannsæmandi sé. Íslendingar hafa nú þegar reynt þá leið sem andstæðingar ESB vilja halda í, og sú leið hefur ekki virkað og mun ekki virka.

Birt þann

Ríksskattstjóri að loka á gögn í vafasömum tilgangi ?

Það vakna óneitanlega upp ansi áleitnar spurningar yfir þeirri ákvörðun Ríkisskattstjóra að loka á gögn sem Jón Jósep hefur verið að nota til þess að búa til yfirlit um eignartengsl aðilda sem koma að bankahruninu á Íslandi. Það yfirlit er mjög áhugavert, og mjög upplýsandi.

Ákvörðun Ríkisskattstjóra á að taka með tortryggni, enda alveg augljóst að þessi gögn eru almenn og eiga ekki að vera leyndarmál. Það vaknar einnig sú spurning hvort að Ríkisskattstjóri sé að hylma yfir þeim mönnum sem brutu af sér í undanfara bankahrunsins, árin og mánuðina áður en sjálft hrunið átti sér stað.

Frétt Rúv um þetta mál.

Lokað á aðgang að gögnum

Birt þann

Spilltir þingmenn, og tilraun til þess að þagga niður í umræðunni

Á Íslandi er mikið af spilltu fólki, bæði hugarfarslega og efnahagslega. Þetta spillta fólk vill fyrir alla muni koma í veg fyrir frjálsa umræðu á Íslandi, sérstaklega frjálsa nafnlausa umræðu um málefni dagsins. Ástæður þessa liggja í augum uppi, nafnlaus umræða bíður upp á þann möguleika á að fram komi upplýsingar sem eru beinlínis skaðlegar hagsmuni viðkomandi einstaklinga sem hérna er um að ræða. Þetta sannaðist vel þegar lánabók Kaupþings lak í upphafi Ágúst 2009, með þeim afleiðingum að lögbann var sett á fréttastofu RÚV, sem ætlaði sér að fjalla um umrædda lánabók. Umræðan um að banna nafnlausa umræðu á internetinu er sprottin upp hjá þessu fólki, aðrir taka þátt í þessari umræðu án þess að uppgötva hvaðan hún er kominn. Það eru alltaf dónar í nafnlausri umræðu, en ringningin er líka alltaf blaut, hvort sem manni líkar betur við það eða verr. Allar tilraunir til þess að þagga niður í nafnlausri umræðu er ekkert nema tilraun til ritskoðunar og þöggunar.

Þingmenn koma inn í þetta mál með beinum hætti, enda er augljóst að flestir þingmenn unnu á öðrum störfum áður en þeir komust inn á þing. Því miður er það svo að ferill margra þessara þingmanna eru beintengdir íslenska bankahruninu, annaðhvort beint eða óbeint. Ég ætla að fjalla hérna um gott dæmi um þingmann sem er beintengdur íslenska bankahruninu, og hann er svo beintengdur íslenska bankahruninu að bankinn sem hann var í forsvari fyrir á sínum tíma er núna í rannsókn hjá Sérstökum Saksóknara Bankahrunsins.

Umræddur þingmaður heitir Tryggvi Þór Herbertsson, og er einnig bloggari á fréttavefnum Eyjunni.

Tengsl hans við Íslenska bankahrunið má rekja á mjög stuttan hátt. Hann tók beinan þátt í því sem forstjóri Askar Capital, sem er núna í rannsókn hjá Sérstökum Saksóknara vegna meintra lögbrota á löggjöf bankans á lögum um íslenska banka, og góða viðskiptahætti. Sem alþingismaður þá hefur Tryggvi þinghelgi, en með réttu, þá ætti Alþingi að svipta Tryggva þessari þinghelgi svo hægt sé að rannsaka þátt hans í bankahruninu. Ennfremur þá á að krefjast þess að Tryggvi Þór gefi upp allar upplýsingar sem hann hefur um Askar Capital, og hlutverk sitt þar. Það er einnig nauðsynlegt að Tryggvi Þór var aðstoðamaður Geirs Haarde um tíma, rétt áður en allt bankakerfið hrundi á Íslandi. Í mínum huga er alveg augljóst að það er engin tilviljun að Tryggvi hætti hjá Askar Capital rétt áður en allt hrundi.

Það er því óþolandi að Tryggvi Þór skuli ekki vera sviptur þinghelgi, svo hægt að rannsaka þátt hans í bankahruninu og komast að því hvaða upplýsingar hann býr yfir sem tengjast bankahruninu beint. Þingmenn á Íslandi verða að hætta að njóta þeirrar verndar sem þeir gera í dag, annars er ekki hægt að koma í veg fyrir spillingu í viðskiptalífinu, sem hefur alltaf náin tengsl við Alþingi og þingmenn sem þar starfa á hverjum tíma. Það er til lítils að uppræta spillingu útí þjóðfélaginu, ef hún er ekki upprætt á Alþingi á sama tíma.

Afsakanir Tryggva Þórs eru því lítið annað en tilraun til þess að henda sandi í augun á fólki, svo að það sjái ekki sannleikan um hann og hans spillta feril.

Birt þann

Margir íslendingar kunna ekki að fara eftir reglunum

Margir íslendingar kunna ekki að fara eftir reglunum. Niðurstaðan af þeim hugsunarhætti er íslenska efnahagshrunið sem við horfum núna upp á.

Forpúkaðir einangrunarsinnar og afturhaldsmenn vilja loka Íslandi og valda viðvarandi fátækt á Íslandi í kjölfarið. Á meðan aðrir bjánar vilja að íslendingar afsali sér sjálfstæði sínu, og gangi annaðhvort í Bandaríkin eða Noreg til skiptis.

Í frétt á Morgunblaðsvefnum (mbl.is) er þessa myndaútskýringu að finna við frétt þar.

Verður ESB-umsókn Íslands notuð til að skapa þrýsting á Íslendinga?

Fyrir það fyrsta þá er þessi útskýring ekkert nema getgátur út í loftið, og líklega röng að öllu leiti. Enda augljóst að íslendingar verða að uppfylla skyldur sínar gagnvart EES samningum eins og aðrar þjóðir. Allar tilraunir til þess að reyna að svindla á reglunum verður auðvitað mætt af fullri hörku af þeim sem passa upp á að reglum samningsins verði fylgt, en það eru ESB ríkin. Þar á meðal Þýskaland.

Þessu kunna margir íslendingar illa, enda er heimtufrekjan og græðgin slík að maður skammast sín fyrir að vera íslendingur. Síðan bæta þeir skömmina með því að vísa í Hitler og þykjast vera sniðugir að auki. Slíkt er ekkert nema helvítis heimska, og er ekki til þess fallin að ég (og væntanlega fleira fólk) beri virðingu fyrir viðkomandi í umræðum í framtíðinni.

Það er kominn tími til þess að íslendingar beri virðingu fyrir þeim reglum sem við skrifum undir, og að við förum að framfylgja þeim eins og alvöru fólk. Þannig fæst virðing hjá öðrum þjóðum, sérstaklega ef íslendingar vilja taka þátt í alþjóðsamstarfi eins og ESB.

Fréttin á mbl.is.

Þýsk stjórnvöld fylgjast með hvort Íslendingar virði reglur

Birt þann

Bullið í Þorgerði Katrínu, sjálfstæðisflokki

Það er ótrúlegt að lesa bullið í Þorgerði Katrínu, sjálfstæðisflokki þegar hún þykist hafa efni á því að gagnrýna Jóhönnu forsætisráðherra. Staðreyndin er að verkefni núverandi forsætisráðherra er mjög erfitt, og það fer versnandi vegna þess að þingmenn sjálfstæðisflokksins kunna ekki að skammast sín.

Þegar Þorgerður Katrín talar um að núverandi Icesave samningur sé galin. Þá er augljóst að hún er viljandi búin að gleyma þeim samningi sem Geir Haarde fyrrverandi formaður sjálfstæðisflokksins var kominn með fyrir Alþingi og íslenska þjóð.

Úr frétt frá því í Mars 2009.

Samkomulag náðist milli hollenskra og íslenskra stjórnvalda í október síðastliðnum um að Hollendingar lánuðu Íslendingum til að standa undir greiðslum til hollenskra innstæðueigenda og var í því samkomulagi gert ráð fyrir vaxtakjörum upp á 6,7 prósent.

Hægt er að lesa þessa gömlu frétt hérna.

Þetta er það sem sjálfstæðisflokkurinn var tilbúinn að bjóða íslendingum upp. Því ferst Þorgerði Katrínu að gagnrýna núverandi samning sem slæman. Vegna þess að þessi samningur er ekkert svo voðalegur þegar málið er skoðað nánar. Augljóst er að eignir Landsbankans munu ganga upp í Icesave með tímanum, hversu mikið hlutafall á eftir að koma í ljós.

Þeim sem finnst slæmt að borga Icesave, ættu að hafa í huga að það er verra að borga ekki.

Þorgerður Katrín er mjög upptekin við að reyna að ná völdum aftur á Íslandi, svo að hún geti mokað yfir kúlulánið sitt og falið spillinguna, eins og virðist vera vilji sjálfstæðisflokksins og framsóknarflokksins. Til þess nota þeir Icesave núna, eftir að tilraun þeirra til þess í ESB atkvæðagreiðslunni fór út um þúfur og sprakk upp í andlitið á þeim.

Það er alveg ljóst að ef sjálfstæðisflokkurinn og framsóknarflokkurinn komast aftur til valda á Íslandi, þá verður ekkert rannsakað og ekkert gert til þess að komast að orsökum, og ábyrgð þeirra sem ollu þessu hruni á Íslandi. Hinsvegar verður Icesave samþykkt af sjálfstæðisflokknum og framsóknarflokknum ef þeir komast til valda, það er ég viss um.

[Uppfært klukkan 23:39 þann 10. Ágúst 2009. Slóð bætt inn sem gleymdist.]

Birt þann

Icesave, spillingaröflin og Vinstri Grænir

Það er búið að dreifa ótrúlegri vitleysu og hreinræktuðum lygum og Icesave. Þessar lygar ganga aðalega útá það að réttlæta höfnun á Icesave eins og það leggur sig. Jafnvel þó svo að sé á ábyrgð íslendinga, samkvæmt íslenskum lögum. Enda voru Icesave innistæðunar í íslenskum banka, þó svo að þær hafi verið í erlendum útibúum. Neyðarlögin sem sett voru í September 2008 tóku af allan vafa um ábyrgð íslendinga á Icesave.

Spillingaröflin vilja komast aftur til valda

Hægri stjórnmálaöflin (spillingaröflin) á Íslandi vilja komast aftur til valda. Ástæðan fyrir því er mjög einföld. Tengsl hægri stjórnarmálaöflin við hið spillta viðskiptalíf á Íslandi eru það mikil að ef þeir komast aftur til valda, þá verður einfaldlega ekkert rannsakað á Íslandi. Einhverjum minniháttar peðum verður fórnað, til þess að friðþægja almenning á Íslandi, en annað verður ekki gert og þeir sem voru stærstir í spillingunni munu sleppa frá því að vera dæmdir og refsað.

Áróður In Defence hópsins geng Icesave samningum

In Defence þykist vera hópur sem stendur vörð um Ísland og hagsmuni íslendinga í Icesave málinu. Fyrir mér virðist þetta þó vera pólitískt áróðurstæki núverandi formanns framsóknarflokksins. Það er nefnilega þannig að Sigmundur Davíð er einn af stofnendum In Defence hópsins og ber mikla ábyrgð á stefnu hans og pólitískum yfirlýsingum. Heimild um slíkt er að finna hérna og nánar hérna. Meðlimavefsíða In Defence hópsins er hérna.

Vinstri Grænir, Icesave ábyrgðin er ekki að fara neitt!

Þeir þingmenn Vinstri Grænna sem eru á móti Icesave samningum (sem ráðherra úr þeirra eigin flokki kom með), virðast ekki átta sig á er að Icesave mun ekki fara neitt. Jafnvel þó svo að þeir hafni því. Það liggur einnig fyrir að ef hægri flokkanir komast aftur til valda á Íslandi, þá mun Icesave verða samþykkt, jafnvel þó svo að sami samningur standi til boða, eða þá að þeir komi með nýjan samning, sem yrði þá verri en núverandi samningur. Það má þó geta þess að ef íslendingar samþykkja ekki Icesave ábyrgðina fyrir Október 2009, þá mun öll Icesave skuldin falla á íslendinga. Heildarskuldin vegna Icesave telst vera eitthvað í kringum 1200 milljarðar, eftir því sem ég kemst næst.

Icesave samningurinn er kannski slæmur, en öll Icesave skuldin er verri.

Þingmenn Vinstri Grænna munu fljótlega þurfa að gera þetta upp við sig. Eru þeir menn eða mýs, og eru þeir tilbúnir að taka ábyrgð á því að hleypa hægri stjórnmálaflokkunum aftur til valda á Íslandi. Þessa sömu flokka og eru hönnuðir og ábyrgðarmenn hrunsins á Íslandi. Þessir hægri stjórnmálaflokkar eru auðvitað sjálfstæðisflokkurinn og framsóknarflokkurinn.

[Uppfært klukkan 20:58 þann 9. Ágúst 2009. Smá lagfæring á texta.]