Category: ESB aðildarviðræður

Það er mjög alvarlegt í mínum huga að þingmenn skuli viljandi vera að tefja málin á nefndum Alþingis. Sérstaklega þegar viðkomandi töf er gerð á jafn viljandi hátt og raun ber vitni. Ég á hérna við forkastanlegt útspil þingmanns Vinstri Grænna, hana Guðfríði Lilju Gestsdóttir sem hagar sér eins og smákrakki í frekjukasti. Þetta er einnig afskaplega lélegt af henni að gera þetta, þar sem hún hafði allan Júní til þess að koma fram með spurninguna um kostað vegna aðilarviðræðna. Það er alveg augljóst að Guðfríður þurfti ekki að bíða fram á síðustu stundu til þess að koma fram með þessa spurningu.

Þetta eru auðvitað ekkert nema skemmdarverk á meðförum málsins hjá Utanríkismálanefnd, sérstaklega hönnuð til þess að tefja málið eins lengi og hægt er. Slík hegðun er ekkert nema óheiðarleiki að mínu mati, enda finnst mér afskaplega ólíklegt að Guðfríður geti rökstutt sína afstöðu með nokkru móti. Enda er hérna ekkert nema yfirveguð tilraun til þess að koma í veg fyrir aðildarumsókn Íslands að ESB, með því að tryggja að málið komist ekki á dagskrá Alþingis fyrir sumarfrí.

Það má efast um hæfni Guðfríði Lilju sem þingsmanns, miðað við hegðun hennar. Þessi hegðun hennar í kvöld bendir til þess að Guðfríður Lilja hafi ekki mikla virðingu fyrir lýðræðinu á Íslandi.

Tengist fréttum.

Fundi utanríkismálanefndar aflýst eftir kröfu Guðfríðar Lilju

Sú krafa að hafa tvær þjóðaratkvæðagreiðslur er ekkert nema ófyrirleitin leið andstæðinga ESB til þess að koma í veg fyrir upplýsta umræðu um ESB á Íslandi. Þegar talað er um tvöfalda þjóðartkvæðagreiðslu um aðild að ESB, þá er í raun ekki verið að gera neitt nema að tefja og þæfa umræðuna.
Þetta er sú aðferðarfræði sem andstæðingar ESB hafa tileinkað sér, þeir vilja nefnilega hafa það af þjóðinni að fá að kjósa um það hvort að Íslendingar ganga í ESB á grundvelli aðildarsamnings, sem hægt er að lesa og fjalla um í fjölmiðlum, og í þjóðfélaginu.

Þetta er það sem sjálfstæðisflokkurinn (sérhagsmunapot á móti ESB) og framsóknarflokkurinn (sem þykist styðja aðild Íslands að ESB) vilja að verði gert á Íslandi. Koma í veg fyrir alvöru aðildarsamning og kosningu á grundvelli hans. Vinstri Grænir hafa sem betur fer breytt afstöðu sinni, þannig að núna fara þeir ekki fram á tvöfalt þjóðaratkvæði. Því miður eru Vinstri Grænir ennþá svo þröngsýnir að þeir eru á móti ESB og aðild Íslands að ESB.

Orð Bjarna, formanns sjálfstæðisflokksins. Úr frétt Morgunblaðsins.

Að sögn Bjarna var á fundinum hreyft við ólíkum áherslum flokkanna til málsins en enn sé óljóst hvernig málum lykti í meðförum nefndarinnar.

„Við ítrekuðum fyrri afstöðu okkar og ályktun landsfundar Sjálfstæðisflokksins um að rétt væri að láta fara fram þjóðaratkvæðagreiðslu um það hvort hefja ætti aðildarviðræður og eins að ekki komi annað til greina en að þjóðin eigi síðasta orðið í málinu.“

Tengist frétt.

Fundað fram á kvöld um ESB

Það er ekki að spurja af fíflaganginum á Alþingi þessa daga. Núna síðast þá hagar einn þingmaður Vinstri Grænna sér eins og bjáni og segir að það sé best að standa fyrir utan ESB. Jafnvel þó svo að viðkomandi geti ekki með nokkru móti fært trúverðug rök fyrir þeirri skoðun sinni. Sama gildir svo sem um aðra andstæðinga ESB. Ef þjarmað er af þeim, þá kemur í ljós að hin meintu mótrök þeirra gegn aðild að ESB eru ekkert nema innantóm þvæla, með slettum af hræðsluáróðri inn á milli.

Umræddur þingmaður Vinstri Grænna heitir Ásmundur Einar Daðason, er bóndi og veit ekki einu sinni hvað ESB stendur fyrir, hvað það gerir fyrir Evrópubúa og bændur í Evrópu. Ég mæli með því að Ásmundur hringi í Sænsku Bændasamtökin og athugi afhverju þau studdu inngöngu Svíþjóðs í ESB á sínum tíma. Svarið mundi kannski fá hann til þess að skipta um skoðun á ESB.

Hinsvegar reikna ég ekki með því að það gerist, enda ekki stíll bjána að skipta um skoðun, eða rannsaka málin og komast að skynsamlegri niðurstöðu. Þeir frekar vilja handa í sína eigin fáfræði, jafnvel þó svo að kosti þá húsið, efnahaginn og skynsemina.

Frétt mbl.is um þetta mál.

Hvatti þingheim við að slá ESB út af borðinu