Category: Fjölmiðlar

Í viðtali á Speglinum á Rás 1 var áhugavert viðtal við mann sem kallast Binni í vinnslustöðinni. Þar talaði hann um ótta sinn við að Íslendingar myndu fara að snúast um sækja styrki frá ESB. Styrkjakerfi ESB virkar ekki þannig, styrkjakerfi ESB hefur þann tilgang að jafna út lífsgæði innan ESB. Ef Íslendingar ganga í ESB, þá eru góðar líkur að við fáum styrki til þess að laga og jafna lífsgæði hérna á landi, miðað við önnur ríki sem eru í ESB.

Íslendingar munu alltaf halda valdi yfir fiskveiðum hérna á landi. Enda mun fiskveiðar eingöngu tilheyra Íslendingum, enda hafa íslenskir sjómenn einir veiðireynslu við Ísland, og fiskveiðikerfi ESB byggir á veiðireynslu. Landbúnaður á Íslandi er ekki í neinni hættu við inngöngu í ESB.

Annað viðtal var einnig í þessum þætti, þar var talað um þjóðernishyggju. Staðreyndin er að þjóðerniskennd er það afl sem hefur verið að efla andstöðuna við ESB hérna á landi. Staðreyndin er hinsvegar sú þjóðerniskennd er stórhættuleg og mun eingöngu gera kreppuna verri og dýpri hérna á landi. Það er einnig sú staðreynd að frjálshyggjan á Íslandi þrífst á þessari þjóðernishyggju (Sjálfstæðisflokkurinn er aðal boðberi frjálshyggju á Íslandi). Ég ætla einnig að benda á þá staðreynd að öfl andstæð ESB nota þjóðernishyggjuna mikið þessa dagna. Eingöngu í þeim tilgangi til þess að hafa áhrif á umræðuna, eingöngu til hins verra. Enda nota andstæðingar ESB smjörklípur til þess að rugla umræðuna um ESB á Íslandi.

Kannanir Stöðvar 2 (sem mbl.is tekur síðan upp gagnrýnislaust) um hugsanlega aðild Íslands að ESB eru undarlegar. Það nefnilega vantar ákveðin atriði í þessar kannanir, úrtakið er einnig mjög lítið og skekkjumörkin virðast vera mjög mikil.

Byrjum á byrjunin. Í könnunni er hringt í 800 manns. Skipt jafnt á milli karla og kvenna, eða 400 karlar og 400 konur. Þetta eru 100%, í könnunni taka 75,4% afstöðu. Það þýðir að 24,6% taka ekki afstöðu eða neita að svara í könnun. Sú tala er ekki notuð þegar endanleg tala er fengin út um afstöðu fólks og skekkjumörk eru ekki gefin upp.

Með aðild að ESB: 46,1%
Á móti aðild að ESB: 53,9% (á móti og með eru 100% samtals)
Óákveðnir eða neita að svara: 24,6%.

Samtals eru þetta því 124,6% ef óákveðnir og neita að svara eru teknir með, það er ekki hægt að afskrifa þann hóp úr könnuni. Þetta einfalda dæmi sýnir augljóslega af hverju könnun Stöðvar 2 gengur ekki upp. Stöð 2 tekur ekki tillit til þeirra sem eru óákveðnir eða neita að svara í þessari könnun. Einnig sem að skekkjumörk í þessari könnun eru ekki gefin upp, en eftir því sem úrtakið verður minna, því meiri verða skekkjumörkin í umræddri könnun.

Ég tek ekki tillit til flokkahluta könnunarinnar, en augljóst má vera að hlutafall svarenda þar er alltof lítið svo hægt sé að taka mark á því.

Þess má einnig geta að Stöð 2 og Vísir.is hafa verið þeir fjölmiðlar sem hafa verið með mestan hræðsluáróður og lygar í garð ESB. Þannig að ég leyfi mér að efast um heiðarleika þegar það kemur að þeirra fréttaflutningi í kringum ESB.

Fjölmiðlar á Íslandi eru skrítnir, ef ekki vita gangslausir og lélegir. Helstu fjölmiðlar landsins hafa þagað yfir þessu máli og látið eins og það var ekki til. Það eina sem ég hef fundið um þetta í Íslensku fjölmiðlum var örlítið grein, sem var bæði vel falin og sett þannig upp að fólk sá hana mjög illa.

Þessi frétt fjallar um stuðnings Ungverjalands (Hungary) við inngöngu Íslands í ESB.

Hérna er fréttin í þarlendum fréttamiðlum.
Göncz says Hungary supports Iceland EU membership

AMX segir sig vera fremsti fréttaútskýringavefur landsins. Ég er ósammála, og að mjög vel athuguðu máli. Ástæðan fyrir skoðun minni er mjög einföld. Í fréttaútskýringum AMX eru ekkert nema rangfærslur, lygar og blekkingar. Þetta á sérstaklega við þær fréttaúrskýingar sem snúa að ESB. Í þann flokk virðast skrifa eingöngu helstu andstæðingar ESB á Íslandi (og þessi eini í Danmörku). Þeir halda áfram rangfærslum sínum um ESB, þó svo að margoft sé búið að fletta ofan af lygaþvælu og blekkingum þeirra annarstaðar á internetinu. Þegar fólk heldur fram rangfærslu um hluti sem viðkomandi veit að er rangur, þá er það ekkert nema lygi.

Á AMX skrifa einnig þeir sem eiga aðild að hruni Íslands, eins og t.d Styrmir sem stóð vörðin fyrir Davíð Oddsson í gegnum Morgunblaðið. Þetta fólk olli því einnig að Ísland er í dag fyrir utan ESB og lenti í þessu hruni, gjaldeyriskreppu og þeirri staðreynd að vextir á Íslandi eru í dag 18%, en ekki 2% eins og í löndum ESB (eurozone).

Styrmir (fyrrverandi ritstjóri Morgunblaðsins) er núna með grein á AMX sem snýr að ESB. Þar telur Styrmir að umræðan um ESB sé hætt í Sjálfstæðisflokknum. Augljóst má vera að umræðan um ESB er ekki búinn í Sjálfstæðisflokknum. Þessi umræða er rétt að byrja í Sjálfstæðisflokknum. Reyndar er ég viss um að umræðan um ESB í Sjálfstæðisflokknum mun fyrst verða almennileg þegar Styrmir og menn tengdir honum (Davíð Oddsson sem dæmi) hrekjast frá völdum á næstu vikum. Sem er óumflýjanleg staðreynd, þar sem að ný-frjálshyggjan sem Styrmir tilheyrir er að tapa völdunum í dag. Það mun enginn sakna þessa fólks þegar á reynir.

Andstæðingar ESB reka núna gírfurlegan áróður gegn ESB hérna á landi. Þessi áróður gegn ESB virðist vera vel fjármagnaður þessa stundina. Enda augljóst að þeir sem hafa hag á því að halda Íslandi fyrir utan ESB séu að leggja þessu fólki til fjármagn. Þeir sem hafa hag á því að halda Íslandi fyrir utan ESB eru þeir sem hafa verið að arðræna almenning á Íslandi síðustu ár. Það má enginn gleyma því.

[Uppfært 23:20 þann 25 Janúar 2009]