Morgunblaðið tekur afstöðu gegn ESB

Það er augljóst að Morgunblaðið tekur afstöðu gegn ESB þegar nýr greinarflokkur er skoðaður hjá þeim. Þar virðist eingöngu vera höfð uppi skrif andstæðinga ESB. Mörg af þessum skrifum andstæðinga ESB eru langt frá því að vera rétt, í raun er mikið af þessum skrifum svo vafasöm að réttara væri að kalla mikið af þessum greinum ekkert annað en hreinræktaðan lygaþvætting.

Hérna er nýr greinarflokkur Morgunblaðsins, en hann heitir Ísland og ESB.
Ísland og ESB

Morgunblaðið er óvinur frjálsa skoðanaskipta á Íslandi

Morgunblaðið, sem á og rekur blog.is er óvinur lýðræðis og frjálsra skoðannaskipta á Íslandi. Þetta varð ljóst eftir síðustu ákvörðun Morgunblaðsins að takmarka nafnlausa bloggara á blog.is, meðal annars með því að koma í veg fyrir að blogg þeirra birtist á vefsíðum mbl.is og blog.is. Enda er þetta ekkert nema ritskoðun, það skiptir engu hvað fólk kallar þetta. Rétt nafn á þetta er ritskoðun. Morgunblaðið er núna örstutt frá því að banna alla nafnlausa bloggara á blog.is, enda er svona þöggun alltaf tekin í smáum skrefum. Fyrst takmarka þeir nafnlausa bloggara, næst banna þeir þá.

Morgunblaðið er núna orðið blað ritskoðunar og skoðanakúgunar, ekki frelsis og lýðræðis sem það þóttist vera hérna í eina tíðina. Blog.is er orðin ómarktækur vefur, enda birtir hann ekki alla þá bloggara sem eru þar, enda er nafnlausum bloggurum bannað að birta sínar skoðanir opinberlega. Með því að taka nafnlaus blogg út af blog.is, þá er Morgunblaðið í raun að banna og ritskoða nafnlausa bloggara.

Morgunblaðinu ber skilda til þess að afturkalla þessa ákvörðun hjá sér nú þegar, ef þeir vilja njóta einhverrar virðingar í þjóðfélaginu í framtíðinni. Annars eiga þeir það skilið að fara á hausinn að mínu mati. Enda eiga dagblöð og fyrirtæki sem stunda ritskoðun ekki að fá að þrífast hérna á landi, enda á Ísland að vera lýðræðisríki. Ekki fasistaríki þar sem að ritskoðun er stunduð af fjölmiðlum til þess að þóknast eigendum þeirra (Björgólfur kemur inní þessa umræðu hérna).

Ég hvet alla þá sem eru með áskrift hjá Morgunblaðinu að segja henni upp. Ennfremur hvet ég fólk til þess að hætta á blog.is þangað til að Morgunblaðið hættir að ritskoða nafnlausa bloggara.

Ég hér með lýsi því yfir að Morgunblaðið sé óvinur lýðræðis og frjálsra skoðanaskipta á Íslandi.

Þöggun fjölmiðla

Það er ótrúlegt til þess að vita að fjölmiðlar á Íslandi skuli þagga svona atvik niður. Erlendis hefði viðkomandi ráðamaður verið tekinn á beinið af fjölmiðlum og umrætt atvik stanslaust sýnt í sjónvarpi og fjallað um það í blöðunum.

Hérna á landi er þagað um svona og síðan verða fjölmiðlar hissa þegar upp kemst um spillingu stjórnvalda og ráðamanna hérna á landi. Þessi spilling ríkir hérna vegna þess að fjölmiðlar sinna ekki eftirlitshlutverki sínu og birta ekki þau atvik sem þeir lenda í hjá ráðamönnum þjóðarinnar. Enda er ófært að Forsætisráðherra skuli getað hagað sér svona í garð fréttamanna sem eru að afla svara og upplýsinga fyrir almenning.

Stöð 2 er alveg jafn sek í þessu máli eins og Rúv, þeirra fréttamenn hefðu getað fjallað um þetta mál einnig, en gerðu ekki.

Það þarf að birta fleiri svona atvik sem hafa komið upp þegar ráðamenn þjóðarinnar neita að svara og eru með hroka í garð fjölmiðlamanna og alls almennings. Enda á það ekki að líðast að ráðherrar, þingmenn og aðrir yfirmenn almannastofnana hagi sér svona.

Það er kannski kominn tími til þess að henda eggjum og súrmjólk í fjölmiðla landsins. Það lítur út fyrir að þeir eigi það fullkomnlega skilið miðað við þá vanhæfni sem þeir hafa sýnt af sér síðustu ár og áratugina.

Fjölmiðlar sem gangrýna ekki eru ónýtir og gagnslausir með öllu.

Tengist frétt: Krafa um að viðtali við Geir verði skilað

Áfram heldur hrunið…

Hrun Íslands heldur áfram, misskunarlaust og án hiks. Áframhald á hruninu bitnar eðli málsins samkvæmt verst á fólkinu sem hafði ekkert með það að gera. Launamanninum sem vinnur sína vinnu frá klukkan 8 til 17 og hefur hvorki fjárfest í hlutabréfum eða tekið þátt í “gróðærinu”.

Vonlausir og vanhæfir stjórnmálamenn Íslands keppast við að bjarga ríkum vinum sínum frá því að bera ábyrgð. Nota til þess margar aðferðir, eins og þá að ferð að kenna öllum öðrum (Bretlandi, Hollandi osfrv) um heldur en þeim sjálfum hvernig fyrir Íslandi er komið. Síðan neita þessir sömu stjórnamálamenn að bera ábyrgð á sínum mistökum. Uppá Seðlabankann er ekkert að hafa, enda orðin gjaldþrota eins og Íslenska ríkið. Allt vegna þess að siðleysingjar og ræningjar komust í völd hérna á landi eitt vorkvöldið árið 1991 (Sjálfstæðismenn) og hafa síðan verið við völd allan þann tíma, frá 20 öldinni yfir þá 21 öld.

Minnismerki þessara manna verða ekki gullhallir, heldur brunarústir og merki um það siðleysi og þá græðgi sem hefur ríkt hérna á landi síðustu ár.

Þessir menn vilja ekki gera gott við almenning, skráu niður í þjónustu við almenning. Reyndu að einkavæða heilbrigðiskrefið, tókst ekki. Tókst að selja bankana til vina sinna, einnig Símann. Allt saman er þetta að enda með ósköpum.

Ofan þá þetta þá drápu þessir menn niður alla gagnrýni á Íslandi. Kölluðu réttmæta gagnrýni öfundsýki, hatur, vanþekkingu og fleiri innistæðulaus orð. Gagnrýnin reyndist vera á rökum reist og í dag borgar almenningur fyrir hroka þessara manna.

Ef að Geir Haarde og hans undirsátar vilja halda snefil af virðingu í sögubókum framtíðar þá boðar hann til kosninga í þessari viku. Annars er hætt við því að sögubækur framtíðar muni tala um Geir og Davíð á sama hátt og menn erlendis tala um einvalda sem myrtu þjóðir sínar í köldu blóði. Einvaldar sem voru settir af í byltingum. Margar af þessum byltingum voru blóðugar, en gáfu fólkinu frelsi sem það á svo sannarlega rétt á.

Ísland er í dag kúgað land. Kúgað af lygum manna sem eru siðleysingjar og aumyngjar sem fela sig á bak við lög sem þeir hafa sjálfir sett. Heigulhátt sem kostar þjóðina gífurlega mikið dag hvern, atvinnuleysi, gjaldþrota fyrirtækja og hrun í lífsgæðum fólks.

Tími Sjálfstæðisflokksins er liðinn. Sveitamennskan á Íslandi er liðinn. Núna á að boða til kosninga um nýtt Alþingi sem sátt er um og nýja ríkisstjórn. Síðan á að taka til í Seðlabankanum og henda út ónýtum stjórnmálamönnum sem hafa ekkert vit á efnahagsmálum og þeirra mistök eiga þátt í gjaldþroti íslendinga.

Ég minni fólk á kjosa.is, þar sem Íslenska þjóðin fer fram á að lýðræðislegur réttur þeirra verði virtur og boðað verði til kosninga án tafar. Það er kominn tími til þess að Ísland gangi í EB og setji mark sitt á evrópu í sátt við aðrar þjóðir.

Ef Íslendingar ætla að komast uppúr þeirri holu sem við erum í. Þá verðum við að hætta að hugsa svona mikið um sérhagsmuni okkar (það er samt í lagi að passa uppá hag okkar) og ganga í EB.

Fjölmiðlar Íslands eru í dag kúgaðir af stjórnmálamönnum, einkafjölmiðlar eru kúgaðir af eigendum sínum. Öll gagnrýni er drepin áður en hún nær til fjöldans. Spillingin fær að þrífast í skjóli þöggunar fjölmiðlanna. Sem sjá ekkert að því að vera góðir við spillta stjórnmálamenn eða spillta eigendur sína.

Skömm að þessu og það er komið nóg.

Góðar stundir.

Fjölmiðlar eiga að gera uppreisn gegn valdhöfum!

Fjölmiðlar á Íslandi þurfa nauðsynlega að gera uppreisn gegn stjórnvöldum hérna á landi. Þetta er ekki eingöngu nauðsynlegt, heldur lífsnauðsynlegt fyrir Íslensku þjóðina. Íslenskir stjórnmálamenn hafa komist upp með það alltof lengi að ráðskast með umræðuna eins og hentar þeim. Einnig sem að stjórnmálamenn eiga ekki að hafa heljartök á fjölmiðlum hérna á landi og umfjöllun þeirra um málefni líðandi stundar. Slíkt er ekki lýðræðislegt og hefur aldrei verið.

Eigendur einkafjölmiðla eiga ekki að koma nálægt umfjöllun þeirra á málefnum líðandi stundar, frekar en stjórnmálamenn.

Undirgefni allra helstu fjölmiðla á Íslandi er valdandi því að í dag eru Íslendingar með stjórnvöld sem enginn treystir á alþjóðavettvangi. Ónýta Seðlabankastjórn sem hefur sýnt það í verki að hún er óhæf til starfans, enda samansett úr fólki sem hefur enga þekkingu á starfinu.

Fjölmiðlamenn eiga að reka hnefann í borðið og segja hingað og ekki lengra. Ég læt ekki fara svona með mig!

Tengist frétt: Sameinast gegn Kaupþingi

Þöggun fjölmiðla

Það er eitthvað undarlegt í gangi með stærstu fjölmiðla landsins. Umfjöllun þeirra um bankahrunið og afleiðingar þess hefur stórbreyst núna á síðustu dögum.

Það er lítið talað um ábyrgð ríkisstjórinnar og lítið tekið á þeim sem settu Ísland á hausinn. Verið að eltast við einhver smámál hér og til þess að draga athyglinga frá stóru málunum. Umfjöllun um þá spillingu sem er hérna uppi ætti að vera meiri og grimmari. Einnig vantar algerlega umfjöllun um vanhæfni Seðlabankastjóranna, sérstaklega Davíðs Oddssonar. Ennfremur vantar gagnrýna umfjöllun á Seðlabankaráð, þar sem vanhæfnin og spillingin virðist ríkja.

Á meðan umfjöllun fjölmiðla er svona geld hérna á landi, þá breytist ekki neitt.

Umfjöllun fjölmiðla um vikuleg mótmæli fyrir framan Alþingishúsið hefur verið til skammar. Þar virðist hafa verið vísvitandi dregið úr fjölda þáttakanenda í fréttaflutningi. Þannig að mótmælin virðast vera minni en þau raunverulega eru.

Fjölmiðlar á Íslandi eiga að gera uppreisn gegn valdinu og taka á málunum með festu og ákveðni. Valdhafanir komast eingöngu eins langt og þeim er leyft að komast og í dag er þeim leyft alltof mikið af fjölmiðlum og fólkinu í landinu. Því verður að breyta nú þegar.

Það er hlutverk fjölmiðla að gagnrýna, enda eiga þeir að vera rödd almennings. Ekki valdhafana og sérvalinna auðmanna sem nota þá til þess að mýkja ímynd sína. Almenningur á Íslandi á að krefjast þess að fjölmiðlar láti valdhafana ekki valta yfir sig. Ég allavegana krefst þess.

Þjóðernishyggja er heimskuleg

Sú þjóðernishyggja sem kemur fram í þessari frétt hjá Morgunblaðinu er ekki bara heimskuleg, heldur er hún virkilega heimskuleg. Ef ég væri ekki svona viss, þá mundi ég halda að þessi frétt væri einfaldur þvættingur frá upphafi til enda.

Rökfærslan fyrir því er einhvernvegin svona.

Bretar færðu Landsbankan yfir á sér lista, eignir bankans eru ennþá frystar í Bretlandi og ennþá er ósamið við Breta um IceSave útibú Landsbankans.

Þessi frétt hefur því hefur eingöngu þann tilgangi að ýta undir órökræna þjóðerniskennd hjá Íslendingum (sbr lagið í fréttinni) og er tilgangurinn að gera þá stolta að hafa “sigrað” hið “illa heimsveldi”. Þetta er ekkert nema áróður sem Sjálfstæðisflokkurinn (þarna flokkurinn sem gerði Ísland gjaldþrota) hefur notað undanfarin ár með ágætum niðurstöðum.

Síðan er fólk hissa á því að allt sé farið til fjandans hérna á landi. Íslendingar eru að gleypa svona rugl áróður hrátt uppúr fjölmiðlum eins og Morgunblaðinu og halda að allt sé í góðu. Þessi áróður hefur verið notaður á allt frá ESB yfir á “útrásina”. Þess vegna fór sem fór hérna á landi. Núna þurfa Íslendingar að borga fyrir heimsku sína, sérstaklega fyrir þá heimsku að trúa því sem ráðamenn og toppar Sjálfstæðisflokksins og Framsóknarflokksins hafa sagt undanfarin 17/12 ár.

Ef Íslendingar vilja bæta ástandið hérna á landi, þá þarf að byrja á því að hætta að hlusta á þann áróður sem er að finna í Íslenskum fjölmiðlum. Almenningur á að gera þá kröfu til Íslenskra fjölmiðla að fjallað sé um málin frá grundvelli staðreynda og gagnrýninnar hugsunar. Það er eina leiðin til þess að koma í veg fyrir að logið sé að fólki í stórum stíl eins og er búið að gera hérna á landi í mörg ár.

Tengist frétt: Breska heimsveldið hörfaði

Skjár einn og auglýsingar

Hvað hefur skjár einn mörg auglýsingahlé í einum 40 mínóta þætti ? Ég er búinn að horfa á uþb 35 mín af þættinum House á Skjá einum og ég er búinn að telja sex auglýsingahlé, þar af tvö sem eru uþb 4m30sec að lengd, hin eru uþb 3 mín að lengd og eitt sem er innan við tvær mín að lengd. En ég tek það fram að ég sá ekki þáttin frá byrjun, en góðan hlut af honum. Og auglýsinganar á milli þátta virðast vera einstaklega löng (lengri en 10 mín).

Þær erlendu sjónvarpstöðvar (ég er með gervihnattadiska) sem ég næ og eru ókeypis og þar eru ekki svona gífurlega mörg auglýsingahlé inní þáttum. Og þar eru ekki svona löng auglýsingahlé á milli þátta.

Þetta gerir það að verkum að það er einstaklega leiðinlegt að horfa á Skjá einn, þar sem maður sér meira af auglýsingum en sjónvarpsþáttunum á Skjá einum.

No Plan, No Peace, þáttur á BBC One

Í kvöld mun BBC One sýna seinni hluta þáttarins No Plan, No Peace, en þessi þáttur fjallar um hið algera skipulagsleysi sem einkenndi innrásina í Írak og hvernig Bandaríkjamenn höfðu alls ekki hugsað innrásina til enda og hvað ætti að gera eftir innrásina til þess að koma í veg fyrir óstöðuleika í Írak. Fyrri hlutinn var sýndur í gær á BBC One.

Hérna er frétt sem er beintengd þættinum.

UK and US play Iraq ‘blame game’