Birt þann eftir Jón Frímann

Spillti sjálfstæðisþingmaðurinn Guðlaugur Þór og styrkir uppá 25 milljónir

Hinn spillti þingmaður sjálfstæðisflokksins hann Guðlaugur Þór hótar núna fólki dómsmálum vegna þess að það segir skoðun sína á siðspilltri hegðun hans. Það er staðreynd að Guðlaugur Þór er gjörspilltur þingmaður, og var á sínum tíma gjörspilltur ráðherra í ríkisstjórn Geirs Haarde (sem líka er gjörspilltur). Það er alveg ljóst að með réttu þá hefði þetta mál og önnur lík þessu átt að fara til rannsóknar hjá lögreglunni á Íslandi, eftir að það væri búið að svipta Guðlaug Þór þinghelgi sem og öðrum þingmönnum sem hafa gerst sekir um þessa sömu spillingu.

Það er alveg ljóst að Guðlaugur Þór hefur nákvæmlega ekkert mál að fara fyrir til dómstóla. Enda er hérna um að ræða eingöngu væl í manni sem óttast sannleikan um hann og hans spillingu. Þetta er ennfremur tilraun til þess að þagga niður í fólki með hótunum um dómsmál.

Fréttir af styrkjamálum Guðlaugs Þórs.

Sjálfstæðisflokkur hlaut langhæstu styrkina. Guðlaugur Þór og Steinunn Valdís í hásætinu (Eyjan.is, 2009)
Bjarni um 25 milljóna styrki til Guðlaugs Þórs: Fór úr böndunum en engar reglur voru brotnar (Eyjan.is, 2010)
Guðlaugur Þór gefur upp styrki (Rúv, 2010)
Guðlaugur Þór opinberar styrki: Enginn styrkur yfir tveimur milljónum (Pressan.is, 2010)
Guðlaugur Þór fékk 1,5 milljón frá Hreini (DV, 2010)

Fréttir af lögfræðihótunum Guðlaugs Þórs

Ærumeiðandi og tilgangslaus árás: Hér er bréfið sem lögmaður Guðlaugs Þórs sendi Birni Vali (Pressan.is, 2011)
Guðlaugur Þór hótar Birni Val málaferlum. Vill afsökunarbeiðni (Eyjan.is, 2011)

8 Replies to “Spillti sjálfstæðisþingmaðurinn Guðlaugur Þór og styrkir uppá 25 milljónir”

  1. Er einhver eðlismunur þegar litið er til heildarupphæða á þessum styrkjum og t.a.m styrkjum sem runnu frá sömu aðilum til Samfylkingarinnar?

    Spyr sá sem ekki veit?

    1. Mér er alveg sama úr hvaða þingflokki viðkomandi þingmaður kemur. Svona háir styrkir eru óeðlilegir. Það á bæði að rannsaka þetta mál og önnur af svipaðri gerð.

      Það á ennfremur að banna svona styrki frá fyrirtækjum til þingmanna og ráðherra. Styrkir frá einstaklingum gætu verið í lagi, svo lengi sem ákveðnum skilyrðum er fylgt.

  2. Það væri nú dálítið merkilegt ef farið væri í saumana á því hve miklar „mútur“ hafi streymt frá Evrópusambandinu til þeirra sem tala fallegast um það hérlendis. Þú, sem sérstakur áhugamaður um það, getur kannski grafist fyrir um það og látið okkur vita.

    1. Evrópusambandið kemur þessu máli ekkert við. Það eru ennfremur engar mútur frá Evrópusambandinu eins og þú heldur fram. Slíkar fullyrðingar eru ekkert nema lygi. Þeir styrkir sem ESB leggur til umsóknarríkja sinna eru samkvæmt ákveðnu kerfi og það njóta öll umsóknarríki ESB þessara styrkja.

      Þessir styrkir fylgja einnig ströngu bókhaldskerfi ESB og eru gagnsægir í fjármálum ESB og í bókhaldi þess.

      Sú della að saka stuðningsmenn ESB aðildar að hafa fengið fjármagn frá ESB er fáránleg. Ég gæti alveg eins fullyrt að þú tækir við peningum frá LÍÚ og Bændasamtökum Íslands í hvert skipti sem þú talar á móti ESB aðild Íslands.

      Ég bara geri það ekki nema að ég hafi raunverulegar grunsemdir að viðkomandi sé meira og annað en hann þykist vera.

      1. Ég setti „mútur“ innan gæsalappa enda held ég ekki að um eiginlegar mútur sé að ræða. Ekki frekar en í tilfelli GÞG. Þar var líka farið eftir kerfi. Skítlélegu kerfi – en kerfi sem snérist um að „fjármagna“ framboð stjórnmálamanna með fáránlega háum upphæðum í von um eitthvað óskilgreint í staðinn.

        ESB beitir allskyns styrkjum og bitlingum (m.a. boðsferðum) og veitir af þeim til þeirra sem taka málstað þess eða þeir telja öfluga talsmenn. Þeir skipta á peningum og velvilja.

        Sem er einmitt það sem óvinir GÞG vilja kalla mútur.

        Og fyrst þetta er nú allt svona opinbert og skýrt þá væri frábært ef þú tækir þig til og bentir mér á hvar ég get séð á einum stað hve mikið fé ESB hefur með einum eða öðrum hætti lagt til Íslendinga síðustu misserin (og boðsferðirnar þar inni).

        Ég skal svo koma og afsaka mig opinberlega ef ég finn engin tengsl á milli „málsvara“ ESB á Íslandi og evruflæðis frá Brussel.

        1. Listi yfir styrki ársins 2011 og 2010 er að finna hérna. Annars kemur þetta fram í skýrslum Evrópuþingsins, sem hefur meðal annars það hlutverk að fara yfir verk Framkvæmdastjórnar ESB og Ráðherraráðs ESB (eftirlitshlutverk). Ég reikna þó ekki með að þær skýrslur verði til fyrr en á næsta ári 2012 fyrir árið 2011.

          http://ec.europa.eu/enlargement/how-does-it-work/grants-tenders/grants/index_en.htm

          Þó svo að þú sjáir það ekki. Þá er mikill munur á styrkjum ESB og þeim „styrkjum“ sem Guðlaugur Þór fékk. Það er ennfremur rangt hjá þér að ESB skipti á peningum og velvilja. Í reynd er það ekkert nema bölvuð lygi í þér að halda slíku fram hérna.

          Ísland er með skráð einn styrk þarna í þessu 75 blaðsíðna skjali frá Framkvæmdastjórn ESB. Þetta er á blaðsíðu 69.

          Síðan eru það íslensku ráðuneytin sem sækja um þessa styrki eftir því sem þau þurfa. Þessir styrkir þurfa síðan að fá samþykki ESB áður en þeir eru veittir. Þannig að þar er mikill munur á því sem Guðlaugur Þór var að gera og ESB styrkjum sem þú ranglega kallar mútur hérna og gerir slíkt án þess að skammast þín.

          Hérna er síðan vefsíða þar sem að ESB auglýsir styrk sem stendur íslendingum til boða (stofnunum).

          http://ec.europa.eu/enlargement/how-does-it-work/grants-tenders/tenders/index_en.htm

          Síðan eru ýmis skjöl tengd aðildarviðræðum Íslands og ESB að finna á vef Utanríkisráðuneytisins.

          http://esb.utn.is/hlidarval/skjol-og-tenglar/skjol-fra-esb/

    1. Það er mikill munur. Það er ábyrgð á þessum styrkjum. Þeir eru samþykktir af báðum aðilum og bókhaldi er skilað til endurskoðenda.

      Þú getur kynnt þér styrki ESB hérna, http://ec.europa.eu/enlargement/how-does-it-work/financial-assistance/instrument-pre-accession_en.htm

      Þessar fréttir frá árunum 2004 og 2008 sem þú vísar þarna í eru í upphafi þessa máls sem þú vísar í. Í dag hefur ESB stofnun sem heitir OLAF sem rannsakar svindl og fjármálamisferli innan ESB.

      Annars er þessi færsla um spillingu þingmannsins Guðlaugs Ólafs. Ef að fólk fer ekki að halda sig við umræðuefnið þá fer ég að ritstýra umræðunni harkalega hérna.

      Þeir sjálfstæðismenn sem þola ekki gagnrýna umræðu á þessa spillingu eru vinsamlegast beðnir um að drulla sér eitthvert annað. Enda hafa þeir ekkert í mína gagnrýni nema útúrsnúninga og lygar.

Lokað er fyrir athugasemdir.