Category: Sjálfstæðisflokkurinn

Birt þann

Peningaþvottur Bjarna Ben, fjármálaráðherra

Sú aðferð að keyra peninga í gegnum Dubai er þekkt peningaþvotts leið fólks sem þarf að fela uppruna peninga. Þetta er gert með því að „kaupa“ fasteign í Dubai á nákvæmlega þann hátt sem Bjarni Ben hefur verið að lýsa undanfarið í fjölmiðlum. Það að hætt hafi verið viðskiptin er líklega yfirvarp yfir þvottinn, en það er reyndar mögulegt að áætlun Bjarna Ben hafi klikkað og hann hafi hætt við þetta allt saman og komið peningum til Sviss og síðan í skattaskjólið (sem ég man ekki hvað heitir).

Það er hinsvegar ljóst að saga Bjarna Ben er vafasöm, ef hún er hreinlega ekki bara uppspuni frá rótum. Það þarf þó frekari rannsóknir á þeim hlutum áður en staðreyndirnar koma fullkomlega fram. Þær eru þarna og þær þarf að finna.

Birt þann

Þræðir Wintris Inc.

Það er alveg ljóst að félag Sigmundar Davíðs og konu hans hefur þræði. Sérstaklega í ljósi þess að það tók virkan þátt í bankabólunni árin fyrir hrun (2007 – 2008) og átti kröfur í gömlu bankana. Það er einnig ljóst af því að (miðað við gögn) hagsmunir Sigmundar Davíðs voru og hafa verið miklir varðandi uppgjörið á gömlu bönkunum.

Síðan er það staðreynd að ekki er hægt að treysta Bjarna Ben eða Sigmundi Davíð fyrir sölunni eða rekstri á nýju ríkisbönkunum eða öðrum eignum ríkisins sem fóru þangað í kjölfarið á efnahagshruninu árið 2008.

Það er ekki hægt að treysta ríkisstjórn sem gæti í reynd verið að stela miklum frámunum frá Íslendingum í gegnum leynifélög og fyrirtæki sem eru á pappír ekki í þeirra eigu, en eru það samt í raun í gegnum leynifélög.

Síðan koma allar lygarnar ofan á allar lygarnar og þær hafa ekki endað.

Í heildina þá er alveg ljóst að ríkisstjórn Sigmundar Davíðs og Bjarna Ben verður að segja af sér og það verður að boða til nýrra kosninga. Síðan verður að hefja glæparannsókn á öllu þessu máli og dæma menn fyrir brot sín.

Birt þann

Pólitísk skoðanakúgun á Íslandi

Í gær (13-Janúar-2016) fóru tveir stjórnarþingmenn niður á það plan að kúga Rúv til hlýðni vegna atriðis sem var sýnt í stundarskaupinu sem er ætlað börnum. Þeir sem hafa kvartað yfir því að þetta hafi ekki átt við börn skilja illa umhverfi sitt. Börn eru næm fyrir umræðunni í kringum sig, þó svo að skilningur sé kannski ekki alltaf á málefninu (sá skilningur kemur með tímanum). Þetta atriði átti því til fyrir börnin eins og aðra.

Það hneyksli sem kom upp í dag var að Elín Hirst þingmaður sjálfstæðisflokksins og síðan hjá Karli Garðarsinni er til háborinnar skammar. Þar sem hérna er ekki um neitt annað að ræða en skoðanakúgun af verstu gerð. Það sem verra er (en kemur kannski lítið á óvart) er að Rúv lét undan þessari skoðanakúgun og baðst afsökunar á þessu atriði. Það er gott dæmi um vitleysuna og geðveikina að Karla Garðarsson talar um „pólitísk slagsíða Rúv“ í grein sem hann skrifar inn á eyjan.is í dag. Þessi hugsunarháttur er ekkert annað en væmisýki af verri gerðinni, þar sem óvinir eru í öllum hornum, öllum sjónvarpsþáttum og umræðu. Í grein á eyjan.is skrifar Elín Hirst að þetta sé gott hjá Rúv að biðjast afsökunar, þó má alveg ljóst vera að snúið var upp á hendina í Rúv í þessu tilfelli. Síðan sakar Elín Hirst Rúv um að breiða út pólitískan áróður í umræddu barnaefni en færir ekki fyrir því nein rök að svo sé. Þetta er einnig væmisýki af verstu gerð eins og hrjáir Karl Garðarsson.

Þessi tegund hugsunarháttar er stórhættuleg. Þar sem þetta elur á því viðhorfi að þingmenn séu „þeir“ við almenningur sé „hinir“. Þessi hugsunarháttur er einnig einkennandi fyrir núverandi ríkisstjórn. Varasamur stjórnunarháttur núverandi ríkisstjórnar Íslands er ekki aðeins varasamur, heldur einnig stórhættulegur lýðræðinu á Íslandi og sjálfstæði íslendinga. Þar sem svona grefur undan þrískiptingu ríkisvaldsins, sjálfstæði fjölmiðla. Þetta leiðir hinsvegar af sér pólitískt ofríki og síðar einræði ef ekkert er gert til þess að stoppa þessa þróun.

Ég síðan krefst þess að Elín Hirst og Karl Garðarsson segi af sér þingmennsku nú þegar. Ljóst er að þau eru ekki hæf til þess að gegna því starfi.

Birt þann

Heimssýn fékk einangrað Ísland

Ef makríl-samningur Noregs, Færeyja og Evrópusambandsins sýna eitthvað. Þá sýna þeir samningar að sú einangrun Íslands sem Heimssýn hefur kallað eftir er orðin að veruleika. Þetta þýðir auðvitað að engin af nágrannaþjóðum Íslands mun svo mikið sem lyfta litla fingri til þess að athuga hvort að íslendingar hafi hagsmuna að gæta í ákveðnum málaflokkum. Sérstaklega málaflokkum sem varða fiskveiðar, en margt annað kemur einnig til að breytast í þessum efnum á næstunni. Það er mjög einföld staðreynd að ekki er hlustað eða tekið tillit til þjóða sem einangra sig. Gildir þó einu hvort að um sé að ræða stór hagsmunamál fyrir viðkomandi þjóðir. Hinn pólitíski heimur alþjóðlegra stjórnmála er mikið breyttur frá því fyrir um 20 árum síðan og breytingarnar eru ennþá meiri frá fyrir um 40 árum síðan. Það er hinsvegar eins og sumt fólk á Íslandi átti sig ekki á þessum staðreyndum og ef það sér þessar staðreyndir. Þá lifir það í afneitun um þær.

Birt þann

Uppruni núverandi laga um útlendinga á Íslandi

Lög um veru Útlendinga á Íslandi eiga sér frekar ógeðfellda sögu sem byggir á þeirri hugmyndafræði sem Björn Bjarnarsson fyrrverandi ráðherra stendur fyrir. Það er nefnilega þannig að hugmyndafræðin að íslensku útlendinga-lögum er sótt til Danmerkur og beint til stjórnmálaflokks í Danmörk sem heitir Danske Folkeparti sem byggir sína tilveru á hugsjónum rasista og útlendingahatri.

Sjálfstæðisflokkurinn átti ekki í neinum vandræðum með að taka þessa hugmyndafræði upp í heilu lagi árið 2002 og stendur ennþá fast við þessa hugmyndafræði og öllu sem henni fylgir. Útlendingalög í Danmörku eru þau ströngustu í allri Evrópu og á Íslandi er ástandið ekki mikið betra (það fer versnandi í Noregi). Ofan á þetta kemur síðan stjórnsýslubundinn rasismi hjá Útlendingastofnun Íslands varðandi afgreiðslu mála þeirra útlendinga og flóttamanna sem koma til Íslands. Jafnræðis fyrir lögum er ekki gætt eins og dæmin hafa sannað. Auk brota gegn sáttmálum og alþjóðlegum skyldum sem íslendingar hafa gengist undir á síðustu árum.

Annars eru svona lög, eins og lög um útlendinga á Íslandi og víðar dæmi um það hvernig fasistum tókst að koma því inn í umræðuna að fólk annarstaðar frá væri hættulegt og mundi jafnvel flytja í stórum hópum til viðkomandi ríkja. Ef Evrópusambandið og frjáls för fólks hefur sannað eitthvað, þá hefur það gjörsamlega afsannað slíka hugmyndafræði. Það er nauðsynlegt að gera lög um útlendinga frjálsari en nú er á Íslandi og víðar. Ég sé enga sérstaka hættu í því að útlendingar flytji til Íslands. Síðan er einnig nauðsynlegt að íslendingar fari að virða þær alþjóðlegu skuldbindingar sem varða flóttamenn sem koma til Íslands og hætti að dæma þá í fangelsi. Slíkt er nefnilega brot á flóttamanna-sáttmála Sameinuðu Þjóðanna. Annað er skömm og ekki íslendingum til sóma.

Birt þann

Kínatenging ríkisstjórnarinnar og slitin við ESB aðildarviðræðunar

Í morgun datt óvart sannleikurinn úr Frosta Sigurjónssyni í morgun á Rás 2. Það sem Frosti sagði var þetta hérna.

[…] Að Kínverjar hafi ekki viljað ræða við Íslendinga um fríverslunarsamning fyrr en það væri komin ríkisstjórn sem ætlaði sér ekki inn í Evrópusambandið. […]

Frosti Sigurjónsson á Rás 2. Viðtalið er hægt að hlusta á hérna (Morgunútvarp Rás 2). Þetta kemur fram á 65:40 mínútu (í kringum það) í þessu viðtali í Morgunútvarpi Rásar 2 þann 24-Febrúar-2014.

Birt þann

Ríkisstjórnin segi af sér án tafar

Ríkisstjórn Íslands á að segja af sér án tafar. Fólkið sem er í ríkisstjórn Íslands og viðkomandi stjórnmálaflokkum er ekki fært um að stjórna Íslandi og huga á sama tíma að hagsmunum almennings. Það hefur sýnt sig að núverandi ríkisstjórn hugsar meira um hagsmuni fárra á Íslandi frekar en alls almennings. Á þessum grundvelli hefur ríkisstjórnin brugðist hlutverki sínu og því ber henni að segja sér nú þegar. Boða ber til nýrra Alþingiskosninga eins fljótt og mögulegt er.

Birt þann

Myndir úr hungursneyðinni í Evrópu (Danmörku)

Í tilefni þess að Vigdís Hauksdóttir hélt því fram að það væri hungursneyð í Evrópu (sjá hérna). Þá ákvað ég að fara út og taka myndir af þessari hungursneyð í Danmörku. Þar sem Danmörk er í Evrópu og einnig í Evrópusambandinu. Samkvæmt Vigdísi Hauksdóttur þá ríkir í Danmörku hungursneyð hérna ásamt fleiri ríkjum sem eru í Evrópusambandinu. Ég nennti ekki að fara til Þýskalands til þess að taka myndir af hungursneyðinni þar. Mér vannst bara ekki tími til þess núna. Myndirnar eru teknar í SuperBrugsen Padborg.

2014-02-23-1035
Voðaleg fátækt í gangi í Danmörku eins og sjá má.

2014-02-23-1036
Þetta er alveg voðalegt ástand í Danmörku.

2014-02-23-1037
Ekki batnar það.

2014-02-23-1038
Það er mikill skortur á matvælum í Evrópusambandinu eins og sjá má á þessari mynd.

Eins og sjá má á þessum myndum er ástandið alveg voðalegt hérna í Danmörku. Engin matvæli til í búðum og fólk svangt og getur ekki keypt sér í matinn og gífurleg hungursneyð í gangi.

Birt þann

Íslendingar dæma sig til ævarandi fátæktar

Grunnur að hagsæld þjóða í hagkerfi heimsins eru viðskipti við aðrar þjóðir. Á þessu byggja mörg efnahags-bandalög í heiminum í dag. Enda er það svo að heimurinn er hægt og rólega að skiptast upp í efnahags-bandalög þjóða sem stunda viðskipti sín á milli og semja síðan sem ein heild við aðrar þjóðir eða önnur efnahags-bandalög í heiminum. Þessi bandalög eru eins misjöfn og þau eru mörg. Í Evrópu eru tvö slík bandalög til staðar. Það sem íslendingar tilheyra kallast EFTA og það sem 28 þjóðir eru í kallast Evrópusambandið í dag. Á Íslandi hefur alltaf verið barist gegn betri og sterkari tengslum Íslands við Evrópu af hálfu fólks sem er ekkert nema varðmenn kúgunar og verri lífskjara á Íslandi.
Það er ekki í fyrsta skipti sem Framsóknarflokkurinn stoppar aðild Íslands að Evrópusambandinu (þáverandi Kola og stálbandalag Evrópu) var það á árunum 1950 til 1960 þegar Framsóknarflokkurinn kom beint í veg fyrir aðildar umsókn Íslands að Evrópubandalaginu á þeim tíma. Síðan þá var málið í dvala til ársins 2009. Baráttan gegn EFTA er gott dæmi um slíkt á Íslandi, þá eins og í baráttunni gegn Evrópusambandinu í dag var talað um verra ástand [einnig hérna] við aðild. Jafnvel þó svo að raunveruleikinn hafi orðið allt annar. Slíkar fullyrðingar voru einnig hafðar uppi þegar aðild að Evrópska Efnahagssvæðinu var samþykkt á Alþingi árið 1993. EFTA aðild Íslands með EES samningnum hefur reynst íslendingum afskaplega vel. Enda hefur þetta gengið vel í því umhverfi sem var til staðar fyrir íslendinga að sinna sínum viðskiptum. Heimurinn hefur hinsvegar breyst hratt síðan stofnað var til EES og EFTA. Í dag eru báðir þessir samningar í raun úreltir og þjóna ekki hagsmunum almennings og varla að þeir þjóni hagsmunum fyrirtækja sem starfa innan þeirra.

Nauðsynlegt er fyrir íslendinga að ganga í Evrópusambandið til þess að tryggja áhrif sín og tryggja hagsmuni sína. Með því að draga aðildarumsókn Íslands að Evrópusambandinu til baka eru íslendingar eingöngu að tryggja varanlega fátækt íslensks almennings og fyrirtækja. Enda er ljóst að í núverandi stöðu mun EES samningurinn ekki halda. EFTA aðild Íslands mun ennfremur ekki halda vegna svipaðra ákvæða þar er varða fjármagnsflutninga til og frá Íslandi. Það er ekki víst að EFTA verði til staðar mikið lengur vegna þeirrar stöðu sem komin er upp í Sviss, en EFTA í dag er ákvæði um frjálst flæði fólks sem Sviss hefur nú hafnað í þjóðaratkvæði. Það kæmi mér ekki á óvart að EFTA einfaldlega hyrfi eftir 5 til 10 ár, jafnvel skemmri tíma ef þannig aðstæður skapast. Þeir stjórnmálaflokkar sem standa í dag gegn aðild Íslands að Evrópusambandinu eru í raun að gera íslenskri þjóð gífurlegan óleik með þessari afstöðu sinni. Sá ó-leikur mun verða íslendingum mjög dýr til lengri tíma litið. Enda er hætta á algerri einangrun Íslands ef EFTA og EES hverfa úr samskiptum Íslands við Evrópu.

Það er ljóst að í núverandi stöðu mun hagvöxtur á Íslandi stoppa, hafi hann verið einhver fyrir utan vöxt í einkaneyslu íslendinga. Ljóst er að núna er að koma að mjög erfiðu tímabili í sögu íslensku þjóðarinnar. Tímabil sem mun einkennast af fátækt og miklu atvinnuleysi á Íslandi. Þetta er það sem íslendingar kusu yfir sig og þetta er það sem koma skal.

Birt þann

Gömul kúgun íslendinga

Á Sauðárkróki hófst fundir fólks á Íslandi sem er á móti framförum hvort sem þær eru efnahagslegar eða þjóðfélagslegar. Þetta fólk gengur undir nafninu „Heimssýn“ sem er hið argasta rangnefni. Þar sem þetta fólk er hvorki víðsýnt eða skynsamlegt. Heimurinn er að breytast og gömlu reglunar gilda ekki lengur. Ef þjóðir vilja njóta hagvaxtar og framþróunar þá verða þær að taka þátt í því samstarfi sem er að finna í kringum sig. Annars dragast þær aftur úr og verða fátækar afturhaldsþjóðir sem enginn nennir að skoða eða heimsækja. Íslendingar geta á skömmum tíma aftur orðið fátækasta þjóð Evrópu og eru nú þegar langt komnir í því ferli með eintómri þjóðrembu og þrjósku sem er ekki að skila neinu af sér.

Andstaðan við Evrópusambandið og undanfara þess á Íslandi er ekkert nema hið hálf-dauða gamla íslenska bændaveldi sem kúgaði íslensku þjóðina í meira en 600 ár og neitar að sleppa krumlunni af íslendingum. Þetta sama bændaveldi neitar einnig að gefa upp öndina og drepast með skömm. Enda væri það mikil framför fyrir alla íslendinga ef þetta gamla og fúna bændaveldi færi úr íslenskri menningu í eitt skipti fyrir öll. Íslendingar kalla þetta gamla fúna og ljóta bændaveldi „elítu“, gallinn er að þetta er ekki nein elíta. Langt því frá. Allar þjóðir þurfa sína elítu til þess að stjórna hlutunum, taka ákvarðanir og koma í veg fyrir spillingu. Á Íslandi er ekki neitt slíkt til. Heldur er hérna gamalt og úldið bændaveldi sem hefur fundið sér stað í nútímanum til þess að gera íslendinga fátækari og halda þeim í viðjum efnahagslegs þrældóms um alla framtíð. Ef einhver dugur væri í íslendingum þá mundu þeira losa sig við þetta lið í eitt skipti fyrir öll. Engan dug er hinsvegar að finna í íslendingum. Þeir sætta sig við hvaða útskýringar sem er, jafnvel þó svo að þær séu tómt rugl og jafnvel skáldaðar. Það er lítið hald í íslenskum fjölmiðlum sem eru jafn ónýtir og fúlir og hin íslenska yfirstétt hins gamla bændaveldis. Enda hoppa þeir beint og óbeint eftir því sem yfirstéttin skipar þeim, þeir sem ekki hlýða eru skornir niður við nögl svo lamaðir eru á eftir [vísun í uppsagnir RÚV og niðurskurð þar].

Í dag rekur yfirstéttin allan sjávarútveg í landinu, enda uppgötvuðu íslenskir bændahöfðingjar um miðja síðustu öld að vel væri hægt að græða á fiskinum. Örfáir fórnir þyrfti að færa, eins og leyfa stofnun borga og þorpa á Íslandi. Samt voru ekki of margar fórnir færðar. Frjáls búseta er ennþá bönnuð með lögum á Íslandi [nefnt hérna]. Nútíminn kom til Íslands og örfáir bændahöfðingjar til sveita á Íslandi gátu ekki stöðvað komu nútímans til Íslands. Eins fátækasta og frumstæðasta ríkis Evrópu fram að seinni heimsstyrjöldinni [nefnt hérna (pdf skjal) ásamt fleiru].

Í dag er þetta fólk í herferð gegn Evrópusambandinu með því að halda fundi víðsvegar á Íslandi í hinum minni sjávarþorpum. Vegna þess að Evrópusambandið krefst framfara og er á móti þeirri spillingu sem þrífst á Íslandi. Það er ekkert sem mun fá þetta fólk til þess að skipta um skoðun. Vegna þess að þetta fólk vill ekki sjá framfarir, þetta fólk vill ekki sjá breytingar til góðs á Íslandi fyrir allan almenning. Hagsmunir hinna fáu á Íslandi skipta nefnilega meira máli en hagsmunir hinna mörgu í hugum þessa fólks.