Ég er einstaklingur með Aspeger heilkenni. Reyndar mjög vægt tilfelli af aspeger heilkenninu en samt sem áður þá er það samt til staðar hjá mér. Aspeger heilkenni er ákveðin tegund af einhverfu, sumt fólk með aspeger heilkenni verður mjög einangrað frá umhverfi sínu á meðan aðrir geta blandast inní það án vandræða. Annað einkenni aspegers heilkennis, eins og kemur fram í þessari frétt er sú staðreynd að einstaklingar með aspeger eiga í vandræðum með að tengjast félagslegum böndum við fólk. Sumum gengur betur en öðrum að tengjast félagslegum böndum við einstaklinga og hópa. Mín reynsla er að mér gengur oftast ágætlega að kynnast fólki, en á öðrum tímum er það bara ein hörmungin eftir aðra. Einnig sem að fólki með aspeger heilkenni gengur yfirleitt mjög illa á ná sér í kærustu eða kærasta og er ég engin undantekning á því og er búinn að vera einn alla mína tíð á því sviði. Ég hef ekki hugmynd hvort að það breytist hjá mér á næstunni, maður getur svo sem vonað.
Í dag leigi ég bara sjálfur og hefur það gengið vel hjá mér, sá aðili sem fréttin fjallar um hefur kannski önnur vandamál og á hugsanlega erfiðara með að sjá um sig sjálfur en ég, þó svo að við séum báðir með aspeger heilkenni. Ég vona bara að viðkomandi geti flutt að heiman og farið að búa sjálfur, það eiga allir nefnilegarétt á því, fatlaðir sem ófatlaðir.
Tengist frétt: Vill sjá soninn búa einan