Það er gott mál að Síminn og Vodafone séu farin að þetta gsm kerfin hjá sér á þennan hátt. Þó ber að benda á þá staðreynd að langdrægt gsm kerfi eru mjög næm fyrir skuggasvæðum, sérstaklega langt í burtu frá sendinum. Þegar komið er að jaðar sendisvæðisins, sem getur verið allt að 80 til 100 km frá sendinum eftir veðri og aðstæðum. Þó ber einnig að nefna að móttaka á merki frá langdrægu gsm kerfi veltur einnig á gsm símtækinu, en venjulegir gsm símar vinna á 2W á 900Mhz sem þessi langdrægu gsm kerfi keyra á. Hættan er nefnilega sú að þó svo að gsm merki sé til staðar og komi inn að ekki sé hægt að hringja, vegna þess að merki gsm símans nær ekki til sendisins. Þetta vandamál hefur verið þekkt í mörg ár og er augljósast uppá fjöllum, þar sem er gsm merki en ekki hægt að hringja.
Þetta er minna vandamál í NMT kerfinu og væntanlegu langdrægu 3G kerfi (CDMA450, byggir á CDMA2000 staðlinum 3G útgáfu), sem bæði munu vinna á mun lægri tíðni. Sú tíðni er 450Mhz og er talsvert lægri en 900Mhz sem er notað í gsm á Íslandi. Hægt er að fá GSM 400, sem vinnur á 450Mhz og 480Mhz en sú tækni hefur ekki verið tekin í notkun hérna á Íslandi eða annarstaðar á norðurlöndum. Sú tækni hefði einfaldlega getað tekið við af NMT kerfinu fyrir mörgum árum síðan, en ekkert var gert og þessvegna er í dag verið að taka upp langdrægt kerfi til þess að taka við af NMT sem er ekki samhæft GSM staðlinum. Að mínu mati þá hefði verið hægt að leggja NMT kerfið niður fyrir hátt í 10 árum síðan ef að GSM400 hefði verið látið taka við af því kerfi, frekar en CDMA450 kerfið eins og raunin er í dag. Helsti kostur þess er að notendur hefðu aðeins þurft að vera með eitt símtæki, en þá hefði verið hægt að framleiða símtæki sem mundi vinna á GSM400/850/900/1800/1900 og 3G850/900/1700/1900/2100, allt í sama tækinu. Einnig sem að farsímanotendur hefðu getað notað eitt númer, en ekki tvö eins og raunin er í dag.
GSM 900 er einnig notað þar sem venjulegt gsm samband er til staðar, þó með minni sendistyrk en þeir gsm sendar sem drífa hátt í 100 km.
Tengist frétt: Síminn fjölgar sendum