Category: Stjórnmál

Það er allt með það sama hjá Vinstri Grænum, mikið talað um lausnir sem eru í raun ekki neinar launsir þegar nánar er skoðað. Það er sem dæmi engin lausn að frysta verðtrygginguna í 2 til 3 mánuði, vegna þess að lánin munu hvort sem er halda áfram að hækka vegna aukinnar verðbólgu hérna á landi.

Að boða til kosninga er gott og gilt, en það er engin lausn á efnahagsvamálunum. Þó svo að slíkt mundi líklega leysa þann stjórendavanda sem ríkisstjórn Íslands þjáist af þessa dagana.

Hjá Vinstri Grænum er lítið um lausnir. Allt saman eru þetta skammtíma lausnir sem redda aðeins verstu vandamálunum í næstu 6 til 12 mánuðina. Ekkert sem raunverulegt hald er í.

Ennfremur þá setja Vinstri Grænir sig upp á móti alvöru langtímalausn sem mundi styrkja efnahag Íslands, koma með stöðugt efnahagslíf, færa almenningi á Íslandi lága vexti og á endanum færa okkur gjaldmiðil sem er tekin gildur allstaðar í heiminum. Ég er að taka um aðild að ESB og upptöku evru. Því miður eru Vinstri Grænir á móti ESB og þessum langtímalausnum fyrir almenning á Íslandi.

Ég vona að fylgistoppur Vinstri Grænna hverfi uppúr þessu, enda eru Vinstri Grænir með andstöðu sinni við ESB að ræna almenning á Íslandi stöðugleika og efnahagslegum framförum sem eru alger nauðsyn hérna á landi.

Tengist frétt: Vilja þak á verðtryggð lán og frystingu uppboða

Ég hef tekið eftir því að andstæðingar ESB eru oftar en ekki fólkið sem vill að Ísland gangi inní ríkjasamband Bandaríkjanna, eða taki upp dollar. Sem er gjaldmiðill Bandaríkjanna. Það er misjafnt hversu fólk vill ganga í þessu, en þó á það allt saman sameiginlegt að vera andstætt Evrópusambandinu en vill hinsvegar frekar tengja Ísland við annað ríkjasamband, nefnilega Bandaríkin. Þeir sem ekki vita, þá eru Bandaríkin ríkjasamband, svipað og Evrópusambandið. Þó er munurinn sá að Bandaríkin hafa aðeins einn forseta og eitt þing. Í Evrópusambandinu þá eru öll ríkin sjálfstæð og geta tekið ákvarðanir sjálfar, en geta einnig á sama tíma komið með skoðanir á ákvarðanir á grundvelli ESB, sem hefur áhrif á öll ríkin.

Mér þykir það afskaplega mikil hræsni hjá fólki sem er á móti ESB skuli halda svona mikið uppá BNA og vill jafnvel ganga svo langt að ganga inní BNA, eða taka upp dollar sem gjaldmiðil hérna á landi.

Hérna er dæmi um hræsnara á blog.is, sem lokaði á athugasemdir og afsakaði það með tímaleysi.

Ef taka ætti upp annan gjaldmiðil væri nær að kanna með bandaríska dollarann, það hefur nánast ekkert verið gert til þess að rannsaka þann möguleika. Það hefur varla mátt kalla eftir skoðun á neinu öðru en evru og Evrópusambandsaðild án þess að Evrópusambandssinnar hafi kvartað sáran yfir því. Og svo þykjast þeir vilja umræðu um þessi mál. Bandaríkjamenn eru ólíklegir til þess að heimta að Ísland afsali sér sjálfstæði sínu og gangi í Bandaríkin til þess að taka upp gjaldmiðilinn þeirra. Það er bara Evrópusambandið sem er í slíkri gamaldags útþenslustefnu.

Feitletrun er mín. Þessi skoðun er glórulaus, ef ekki hreinlega heimskuleg. Ég fer nánar í það í annari grein afhverju einhliða upptaka dollars er ekkert nema heimskupör og lausn sem mun ekki skila neinu. Þarna aftur á móti kristallast annað, gífurleg aðdáun á Bandaríkjunum og allt sem Bandarískt er. Sérstaklega gjaldmiðlinum. Þessi aðdáun er ekkert nema innihaldslaus og blind.

Þessi aðdáun á Bandaríkjunum er gífurlega sterk í andstæðingum Evrópusambandsins. Hvaðan þetta kemur veit ég ekki, en aftur á móti veit ég að þessi glamúr mynd sem þetta fólk hefur af Bandaríkjunum er alröng og á ekki við rök að styðjast.

Menningarlega og hagfræðilega þá eiga Íslendingar svo miklu meira sameiginlegt með Evrópu heldur en Bandaríkjunum nokkurntímann.

Innganga Íslands í Bandaríkin væri draumur þeirra ný-frjálshyggjumanna sem hafa síðustu árin verið að breyta Íslensku þjóðfélagi hægt og rólega í litla útgáfu af Bandaríkjunum, sérstaklega með því að standa í einkavæðingum hér og þar. Eins og t.d í heilsugæslu, bankastarfsemi, fjarskiptastarfsemi og fleiru.

Bandaríkin eru ekkert nema önnur gerð af ríkjasambandi, eins og ég hef nefnt áður. Mín skoðun er sú að Íslendingar eigi tengjast Evrópusambandinu (sem er önnur gerð af ríkjasambandi, ESB er pólitískt og efnahagslegt ríkjasamband með aðildarríkjum) miklu sterkari böndum heldur en gert hefur verið í dag. Íslendingar munu eingöngu græða á því að ganga inní ESB og taka upp evru. Hræðsluáróður andstæðinga ESB og evrunar er ekkert nema innantómt rugl þegar nánar er skoðað.

Svo virðist sem að andstæðingar ESB vilji ekki halda Íslandi fyrir utan ríkjasambönd. Þeir virðast bara líta sem svo á að ESB sé rangt ríkjasamband, en Bandaríkin rétta ríkjasambandið og valdið í Washington, D.C.

Íslendingar eiga ekki að láta bullið um bandaríkjadollar rugla sig í ríminu. ESB og upptaka evru eru skynsamasta leiðin fyrir Íslendinga í dag. Í raun hefðu Íslendingar átt að ganga í ESB árið 1995, með Svíþjóð og Finnlandi. Aftur á móti er seint betra en aldrei.

Tengist frétt: Höft eða Evrópusambandið

Ríkisstjórn Íslands reyndi að brjóta EES samningin. ESB og ráðherraráðið sló hendinni í borðinni og sagði að þetta yrði ekki liðið. Niðurstaðan á endanum varð sú að ríkisstjórn Íslands varð að bakka, enda búið að loka öllum hurðum á Íslandi, hvort sem um var að ræða IMF, ESB eða norðurlöndin. Ísland hefur verið að einangrast mjög hratt á alþjóðavettfangi og viðskipti við útlönd orðin mjög erfið (og eru ennþá) vegna gjaldeyrisskorts.

Það er mjög ánægjulegt að Sjálfstæðisflokkurinn skuli hafa ákveðið að breyta um stefnu í Evrópumálum, þó svo að þessi stefnubreyting sé ekki ennþá orðin opinber í flokkum. Það er hinsvegar þannig að Sjálfstæðisflokkurinn mun þurfa að bera ábyrgð á þessu hruni í næstu kosningum og í mun sæta refsingu af höndum þjóðarinnar næstu árin vegna þessa hrun. Þetta er refsing sem mun hæfa Sjálfstæðisflokknum fyrir þann hroka sem hann hefur sýnt þjóðinni undanfarin 17 ár eða svo.

Tengist frétt: Skipuð verði Evrópunefnd

Útskýringar ríkisstjórnarinnar af hverju IMF aðstoðin kemur ekki til gengur ekki upp. Ríkisstjórnin (Geir Haarde) hefur einnig komið með margar misvísandi útgáfur af því afhverju lánið frá IMF tefst svona. Þær geta ekki allar verið réttar, en þær geta allar verið rangar.

Mig fastlega grunar að ríkisstjórn Íslands hafi bara gefið út yfirlýsingu um lán frá IMF, en hafi síðan aðhafst ekkert meira í málinu. Þetta lítur allavegana þannig út. Það er mjög hentugt fyrir ríkisstjórnina að kenna Bretum og Hollendingum um tafir á málinu, þó svo að augljóst ætti að vera að þeir geta hvorki tafið málið hjá IMF eða stoppað það þar.

Samfylkingin tekur undir þetta, því að þau vita einfaldlega ekki betur. Það er einn maður sem heldur á öllum spilunum og það er Geir Haarde. Hann getur þessvegna komið með hvaða útskýringu sem er. Sem Samfylkingin kaupir síðan, vegna þess að hún virðist ekki hafa burði eða áhuga á því að kanna málið nánar sjálf. Sem eru stór mistök í sjálfu sér og það mun koma Samfylkingunni illa í framtíðinni.

Það er alveg augljóst hver ábyrgð Íslendinga er samkvæmt EES samningum. Íslenskum stjónvöldum ber að semja um þessi útibú, með því væri kannski hægt að færa hluta ábyrgðarinnar yfir á Bresk og Hollensk stjórnvöld. Því miður virðist vera afskaplega lítill áhugi á samningaleiðinni hjá ríkisstjórn Íslands. Það hentar þeim betur að blása út þjóðernisbólu í fjölmiðlum og kenna Bretum og Hollendingum um það sem aflaga hefur farið hérna á landi. Þjóðernisbólan mun springa fljótlega og þá getur Geir Haarde og Sjálfstæðisflokkurinn afskaplega lítið gert til þess að beina reiðinni annað.

Það er ekki bara bankakerfið sem er hrunið hérna á landi. Stjórnmálakerfi og valdakerfið hérna á landi er einnig að hruni komið vegna spillingar og óheiðarleika. Ég reikna með að næstu dagar verði örlagaríkir fyrir Íslendinga í stjórnmálum og efnahagsmálum. Þetta á einnig eftir að verða mjög dýrkeyptur lærdómur fyrir Íslendinga og mjög dýrt tímabil.

Ég vona þó að endurreisnin hefjist á því að Ísland sæki um í ESB og við sem þjóð getum farið að takast á við heiminn eins og hann er. Ekki eins og við viljum hafa hann.

Tengist frétt: Ólíklegt að Bretar komi – utanríkisráðuneytið sparar