Það er nepotism-ismi í gangi á Rúv og hefur verið í gangi þar mjög lengi. Sérstaklega finnst mér það mikið stökk að fara úr því að vinna á Safnadeild Rúv yfir í það að vera íþróttafréttamaður Rúv í einu stökki. Sérstaklega þar sem að ekki virðist vera nein eða mikil reynsla á bak við umrædda ráðningu dóttur Páls í þessa stöðu íþróttafréttamanns. Sérstaklega þegar gengið er fram hjá fólki með mun meiri reynslu sem fréttamenn heldur en Edda Sif.
Myndin er tekin af bloggsíðu Eddu Sif Pálsdóttur. Smellið til þess að fá læsilega stærð.
Í þessu ljósi eru yfirlýsingar Óðins Jónssonar fréttastjóra Rúv ómarktækar. Enda er hérna ekki um að ræða ráðningu sem byggir á hæfileikum viðkomandi sem íþróttafréttamaður. Heldur er hérna um að ræða ráðningu á grundvelli ættartengsla viðkomandi. Slíkt er gjörsamlega ólýðandi. Enda er slíkt ekkert nema spilling og ýtir undir það að vanhæft fólk sé ráðið í stöður sem það ræður ekkert við þegar á reynir. Enda hefur það sannað sig að þegar fólk er ráðið útá ættartengsl þá skiptir meira máli hverjum þú ert skyldur en hvort að þú hafir hæfnina til þess að vera í viðkomandi starfi hjá viðkomandi fyrirtæki eða stofnun.
Yfirlýsing Óðins Jóssonar fréttastjóra Rúv
Óðinn: Páll kom ekki nálægt þessu. Faglegt mat réð ráðningunni (eyjan.is)