Það er alveg augljóst að málflutningur andstæðinga ESB á Íslandi er gjörsamlega útúr öllum raunveruleika og hefur alltaf verið það. Staðreyndin er nefnilega sú að andstæðingar ESB á Íslandi komast upp með það að ljúga, blekkja og snúa útúr staðreyndum um ESB í umræðunni á Íslandi. Það er heill fjölmiðill á Íslandi sem lýgur að fólki um ESB. Sá fjölmiðill heitir Morgunblaðið og er ritstýrt af óreiðu og hrun manninum Davíð Oddssyni sem er fyrir margt síðan kominn úr öllu sem heitir samband við raunveruleikann.
Það er alveg augljóst hvað vakir fyrir öfga-hægri öflunum á Íslandi. Þau ætla sér að loka Íslandi og blóðmjólka síðan almenning á Íslandi með gengisfellingum og vaxtahækkunum í kjölfarið. Enda eru þetta fólk sem ræður meira og minna öllu viðskiptalífi á Íslandi. Á Íslandi eru það bændasamtök sem ráða öllu í málefnum íslenskra bænda. Það eina sem Landbúnaðarráðherra gerir er að taka á móti því sem kemur frá þeim og stimpla það beint inná Alþingi Íslendinga. Í Morgunblaðinu er farið með rangfærslur daglega um ESB og þau málefni sem ESB sinnir á hverjum degi. Slíkt kemur ekki á óvart, þegar þekktur útlendingahatari og hægri öfgamaður starfar þar sem blaðamaður. Undir vitund og vilja annars hægri öfgamanns að nafni Davíð Oddsson.
Málflutningur andstæðinga ESB á Íslandi byggir á því að hræða fólk til fylgis við sig. Staðreyndir skipta litlu máli í þessu tilfelli. Núna heimtar þetta fólk að Ísland fari úr Schengen landamærasamstarfinu vegna hættu á miklum innflutningi glæpamanna og flóttamanna til Íslands. Þó svo að augljóst sé að þetta fólk sé eingöngu að mjólka og dreifa goðsögnum um Schengen landamærasamstarfið til þess að hræða íslendinga til fylgis við sinn málflutning. Slíkur málflutningur á ekki að koma á óvart þegar hann kemur frá fólki sem stundar útlendingahatur og öfga-hægri mönnum. Það er lítil hætta á auknum fjölda glæpamanna eða flóttamanna til Íslands. Gildir þá einu hvað kemur frá þessu fólki og dramatískum fréttum í íslenskum fjölmiðlum sem halda öðru fram.
Það er staðreynd að ESB aðild mun bæta kjör íslendinga til mikilla muna. Enda er mikil hagræðing og mikið að græða á efnahagslegum stöðugleika. Það er eitthvað sem íslendingar hafa ekki í dag, og hafa ekki haft núna í marga áratugi.
Hinsvegar er ljóst að meðan láta hræða sig eins og rollur á leið í réttir þá mun ekkert breytast í þessum efnum á Íslandi. Niðurstaðan verður alltaf sú á meðan þetta er svona að það er almenningur sem tapar. Á meðan sérhagsmunahópanir græða.