Category: Samfélagið

Birt þann

Hluti íslendinga er að tapa sér

Svo virðist sem að ákveðin hluti íslendinga sé að tapa sér. Þetta virðist vera sá hópur af fólki sem hefur hvað mesta hagsmuna að gæta í því kerfi sem hefur verið ríkjandi á Íslandi. Þetta fólk mun gera allt mögulegt til þess að halda í gamla kerfið. Þar á meðal að ljúga uppá núverandi ríkisstjórn, ráðherra og stuðningsmenn hennar.

Hinn hlutinn af þjóðinni, sem stórtapar á núvernadi kerfi má alls ekki láta gabbast af málflutningi þeirra sem hafa hag af hinu gamla kerfi á Íslandi. Þess í stað verður fólk að hafna þessum málflutningi og tryggja að það gamla kerfi sem hefur verið ríkjandi á Íslandi verði einfaldlega lagt niður, og að íslenskt samfélag verði gert betra í kjölfarið.

Það er alveg ljóst að þær breytingar sem þarf að gera á íslensku samfélagi þurfa að koma innan frá, en ekki utan frá. Það er ennfremur ljóst að ábyrgðin á því að breyta íslensku samfélagi liggur hjá íslendingum sjálfum og engum öðrum.

Birt þann

Ísland er réttarríki og reglur réttarríkisins ber að virða

Á eyjunni er núna að finna frétt sem er til skammar fyrir Eyjunna. Enda er það beinlíns verið að fara fram á það að ríkisstjórn Íslands vanvirði reglur réttarríkisins, og reynd þá gerir þessi frétt ekkert annað en að ala á múgæsingu og heimsku almennings.

Svona fréttaflutningur er til háborinnar skammar og á ekkert skylt við raunveruleikan.

Það er alveg ljóst að ríkisstjórn Íslands er hvorki dómsvald eða rannsóknarvald yfir svona málum hérna á landi. Það er hlutverk lögreglunar og dómsstóla að skera útúr svona málum, ekki ríkisstjórnarinnar. Almenningur verður að gera sér grein fyrir þessari staðreynd. Enda liggur það fyrir að það er í verkahring Sérstaks Saksóknara að koma í veg fyrir umsvif þessa fólks á meðan rannsókn stendur yfir á þeim. Þetta er ekki í verkahring ríkisstjórnar Íslands.

Þeir sem halda og trúa öðru fram eru bölvaðir asnar sem þurfa að hætta þessari heimskulegu múgæsingu sem viðkomandi eru að reyna að blása upp með svona heimskulegum fréttaflutningi.

Heimskulegasta frétt Eyjunnar hingað til.

Línan frá stjórnvöldum varðandi endurreisn útrásarvíkinga: Hægt að ná fram siðbót með veskinu

Birt þann

Viðkvæmt fólk á móti nekt, ástinni og kynlífi

Það er alveg ótrúlegt að í þjóðfélaginu skuli vera til fólk sem er á móti nekt, og vera á móti ástinni eða bara kynlífi ef fólk er til í svoleiðis án þess að vera ástfangið. Þetta sama fólk sem er á móti hinu sakleysislega og náttúruelga að vera nakinn og elska manneskjuna sér hinsvegar ekkert að því að ofbeldi sé dreyft og fólk sé drepið í kvikmyndum í því sem oft er ekkert annað en stórfelld fjöldamorð.

Ég legg því til að fólk sem sér eitthvað að nekt og líkama mannsins fari og hugsi sinn gang alvarlega.

Frétt Vísir.is af þessu.

Hætta að dreifa klámi

Birt þann

Stríðið gegn sannleikanum um Icesave málið

Það er hriklaegt að fylgjst með málflutningi andstæðinga Icesave (sem hverfur ekkert þó svo að þeir séu á móti því) þessa dagana. Í dag eru gengdarlausar árásir stundaðar á efnahagsprófessorinn Þórólf og hann sakaður um að taka málstað breta og hollendinga í Icesave málinu. Þessar fullyrðingar eru til skammar, alveg eins og þeir sem halda þessari vitleysu fram. Í þessu tilfelli er það Ögmundur Jónasson og hjörðin í kringum hann sem er núna að berjast gegn sannleikanum með öllum illum ráðum.

Það er einnig áhugavert að fylgjast með InDefence hópinn krefjast þess að Þórólfur leggi fram útreikninga, þegar augljóst er að hann hefur ekki gert neitt slíkt. Heldur var hann að vísa í útreikninga og fullyrðingar skilanefndar Landsbankans varðandi endurheimtur úr þrotabúinu. Þetta á InDefence að vita ef þeir hafa verið að fylgjast með málinu eins og þeir fullyrða að þeir hafi verið að gera. Það kemur reyndar ekkert á óvart að InDefence stundi þennan óheiðarleika, enda eru þeir komnir úr vondum félagsskap þess fólks sem vill halda Icesave málinu gagandi eins lengi og hægt er, enda þjónar slíkt sjálfstæðisflokknum og framsóknarflokknum bara ágætlega. Þar sem á meðan er ekki athyglin á spillinguna sem er að finna innan þessara tveggja flokka.

Íslendingar þurfa að borga Icesave, og það verður hlegið að kröfum íslendinga um vaxtalaust lán erlendis eins og er núna verið að ræða um í fjölmiðlum hérna á landi. Skemmdarvargar í umræðunni og aðrir slíkir þurfa að fara hugsa sinn gagn. Annaðhvort fórna þeir fáum spilltum einstaklingum í þessari umræðu, eða þá að þeir munu fórna íslensku þjóðinni ofan í skuldafangelsi þeirra sem geta ekki borgað skuldir sínar svo sómi sé að.

Frétt Vísir.is um Landsbankan og Icesave, 2009.

Skilanefnd Landsbankans mat eignir, ekki CIPFA

Fréttir af þessu máli.

Ögmundur: Undarlegt hvernig Þórólfur umgengst sannleikann
InDefence skora á Þórólf að opinbera útreikninga sína: Ekkert víst um endurheimtur eignasafns

Birt þann

Tilraunir til skoðanakúgunar vegna Icesave málsins

Í kringum Icesave málið á Íslandi er farið að boða skoðanakúgun af hendi öfga-armsins í Vinstri Grænum, og síðan í sjálfstæðisflokknum og framsóknarflokknum. Örverpin í Hreyfingunni taka einnig undir þessa skoðanakúgun.

Þessi skoðanakúgun er mjög einföld. Það má ekki taka undir þau sjónarmið, eða benda á þann sannleika að staða íslendinga verður mun verri ef Icesave verður fellt í þjóðaratkvæðagreiðslu. Eins og var bent á í grein sem birtist í Aftenposten í gær. Greinin var skrifuð af íslenska fræðimanninum Þórólfi Mattíassyni.

Það var eins og við mannin mælt að Ögmundur Jónasson fer að slá um sig stóryrðum og kjaftæði, eins og hann gerir svo oft til þess að blása ryki framan í fólk. Enda kallar Ögmundur þessa grein níðskrif, og gjaldfellir þar með sjálfan sig og þingflokkinn svo lengi sem að hann er í honum.

Þessi grein Ögmundar er ekkert annað en ósvífin tilraun til þess að þagga niður í þeim sem trúa ekki á þá þjóðrembulegu útskýringu sem kominn er á Icesave málið á Íslandi. Þessi útskýring gengur meðal annars útá það að íslendingar eigi ekki að borga. Þrátt fyrir staðreyndir um annað í þeim efnum. Þetta er einnig tilraun til þess að þagga niður í gagnrýni á fullyrðingar andstæðinga Icesave, og þeirra sem vilja ekki borga þessa skuld íslendinga.

Þessi grein Ögmundar nær langt út fyrir allt sem eðlilegt getur talist, enda er augljóst að maðurinn á ekki heima á Alþingi Íslendinga og ber því að segja af sér þingmennsku nú þegar. Sérstaklega í ljósi fyrri verka hans og núverandi tilrauna hans til þess að þagga niður í allri gagnrýni á Icesave málið, og tilraunir hans til þes að koma fyrir birtinu staðreynda vegna Icesave málsins. Fleiri þingmenn Vinstri Grænna eiga einnig að segja af sér þingmennsku af sömu ástæðu.

Fréttir Pressunar af þessu máli.

Hagfræðiprófessor: Margfalt meiri greiðslubyrði ef Íslendingar hafna Icesave-samkomulaginu
Hagfræðiprófessor ósáttur við áróður um Icesave: Það að skrökva er lélegt viðskiptalíkan

Grein Ögmundar.

NÍÐSKRIF Í NOREGI

Birt þann

Íslendingar í leita að óvinum og finna þá

Eins og ég hef áður nefnt þá eru íslendingar sjálfum sér verstir. Það sem þó verra en þjóð sem er sjálfum sér verst, er þjóð sem finnur óvini í nágrannalöndunum og samvinnu þjóðanna í Evrópu sem heitir Evrópusambandið (ESB). Það er því mikið hneyskli að Ögumdur Jónasson í Vinstri Grænum skuli fá að komast upp með það brjálæði að mála nágrannaþjóðir okkar (og ESB) sem óvini eins og hann gerir núna í fjölmiðlum á íslandi núna.

Svona hegðun er ekki sæmandi þingmanni á Alþingi íslendinga, og svona hegðun er í reynd ekki sæmandi nokkrum einasta íslendingi ef útí það er farið. Svona hegðun er ekkert annað nema snarvitlaust siðleysi og á ekkert skylt við góða hegðun, eða gott siðgæði. Það er því skýlaus krafa mín, og vonandi annara íslendinga líka að Ögmundur Jónasson og aðrir þingmenn sem haga sér svona segi af sér þingmennsku nú þegar og hætti öllu starfi í stjórnmálum á Íslandi nú þegar.

Ef íslendingar ætluðu að búa til betra Ísland eftir hrun, þá er þetta svo sannarlega ekki leiðin til þess. Það sem Ögmundur, og fleiri eru að koma með hérna er ekkert annað en útlendingahatur og grímlaus áróður fyrir því að vandamál íslendinga verði ekki leyst með beinum hætti í góðri samvinnu við nágrannaþjóðinar sem vilja ekkert annað en að íslendingar standi við orð sín sem þjóð.

Svona hegðun er ólýðandi að mínu mati, og svona hegðun gerir mig mjög reiðan sem íslending. Þar sem ég hélt að íslendingar væru orðnir betri en þessi lágkúra eftir efnahaghrunið haustið 2008.

Frétt Vísir.is af siðlausri hegðun Ögmundar Jónassonar.

Ögmundur: Svíar handrukkarar Breta og Hollendinga

Óvinaleit Pressunar. Ég tek það fram að ég kaus þarna, en ég kaus Ísland.

Netkönnun Pressunnar: Flestir telja Breta höfuðóvini Íslands, bera höfuð og herðar yfir aðra

Birt þann

Umfjöllun Kastljós um internet einelti gegn söngkonunni í Söngvakeppni Sjónvarpsins

Ég var mjög hissa að heyra þær fréttir í Kastljósinu að í stöðugt internet einelti (Cyber-bullying) á 16 ára söngkonu sem var að stíga sín fyrstu skref fyrir fram þjóðina með þátttöku í Söngvakeppni Sjónvarpsins.

Fyrir það fyrsta, þá er þessi hegðun gjörsamlega óásættanleg að öllu leiti. Það sem er ennþá meira svekkjaandi er í raun sú staðreynd að stjórendur er.is, þar sem þessi umræða fór meðal annars fram skuli ekki hafa stoppað þessa umræðu. Að loka á þessa umræðu er ekkert vandamál (og í reynd eyða þessari umræðu fyrir fullt og allt). Þetta snýst eingöngu um vilja stjórnenda að láta ekki persónulegar árásir vaða uppi á þessum vef. Augljóst er á umfjöllun Kastljósins að stjórendur vefsins er.is hafa engan vilja til þess að stoppa óheflaðar persónuárásir á fólk sem kemur fram, hvort sem það er söngvarar eða ekki.

Þessar lýsingar sem komu fram í Kastljósinu á Rúv eru lýsandi fyrir þau vandamál sem samfélagið á Íslandi þjáist af. Það vandamál er að fólki er ekki leyft að vera öðruvísi en hinn „venjulegi“ meirihluti, og öllum afbrigðum þar um er refsað grimmilega með einelti og útskúfun. Einnig sem að mistökum sem að manneskja gerir er hefnt grimmilega .Íslendingar eiga og þurfa nauðsynlega að uppræta þessa hegðun úr samfélaginu, enda er hún gjörsamlega óverjandi í samfélagi sem telur sig vera siðað. Það er ennfremur ljóst að samfélag sem leyfir ekki frávik af neinu tagi mun aðeins ala á vanlíðan fólks sem vill vera fyrir utan normið í samfélaginu, gildir þá einu hver ástæða þessa fólks er fyrir því að vilja standa fyrir utan samfélagslega normið.

Ég hvet alla þá sem stóðu að þessu einelti á internetinu gegn þessari 16 ára söngkonu að biðjast afsökunar á hegðun sinni, og þeir sem settu myndbönd á youtube að eyða þeim. Svona á einfaldlega ekki að líðast í íslensku samfélagi.

Ég tek það fram að ég horfði ekki á þessa söngvakeppni, enda er ég ekki aðdáandi Eurovision. Það stoppar mig hinsvegar ekki í að gagnrýna þessa siðlausu hegðun sem fjallað var um í Kastljósinu núna fyrr í kvöld (13. Janúar 2010).

[Texti uppfærður klukkan 03:06 þann 14. Janúar 2010]

Birt þann

Ólafur Ragnar aflar sér vinsælda

Sú ákvörðun Ólaf Ragnars að vísa Icesave til þjóðaratkvæðgreiðslu ber merki þess að hérna hafi verið um hégómlega ákvörðum að ræða, og ekkert annað. Ákvarðanir sem byggja á því að afla viðkomandi stjórnmálamanni, eða forseta Íslands í þessu tilfelli eru ekki til þess fallnar að enda vel fyrir viðkomandi. Enda er alls óvíst að málið henti til þess að fara í þjóðaratkvæði, og áhrifin af höfnun í þjóðaratkvæði gætu hreinlega leitt af sér efnahagslegar hörmunar fyrir viðkomandi þjóð. Enda er það augljóst að ákvörðun sem er tekin og byggir á vinsældum er ekki úthugsuð, eða tekur tillit til aðstæðna og staðreynda málsins. Ákvarðanir sem byggja á öðru en staðreyndum og mati á aðstæðum eru yfirleitt verstu ákvarðanir sem hægt er að taka.

Ákvörðun Ólaf Ragnars um að vísa Icesave í þjóðaratkvæði er einhver sú versta ákvörðun sem hann hefur tekið á sínum ferli. Þessi ákvörðun er eingöngu fallin til þess að auka vandræði íslendinga útá við og lengja í kreppunni hérna á landi. Það liggur ennfremur fyrir að enginn grundvöllur er fyrir því að semja aftur um Icesave, eins og margir halda fram núna í einhverju rugli.

Núna nýtur Ólafur Ragnar þess að vera í sviðsljósinu, með mikið fylgi í skoðanakönnunum. Hinsvegar er það þannig að máltakið segir að Adam var ekki lengi í paradís, eða ætti maður frekar að segja. Ólafur Ragnar verður ekki lengi í paradís.

Frétt af vinsældaraukningu Ólaf Ragnars.

Meirihluti ánægður með forsetann

Birt þann

Efnahagslegur frostavetur eða efnahagslegt sumar, valið er íslendinga

Eftir rúman mánuð þá munu íslendingar ganga að kjörborðinu og ráða úrslitum í Icesave málinu. Það er þó einnig fleira sem íslendingar munu ráða úrslitum í. Þessi atkvæðagreiðsla mun ákvarða hvernig samskiptum okkar við nágrannaþjóðinar næstu árin, jafnvel áratugina munu verða. Hvort að okkur verði treyst, eða ekki treyst. Þessi atkvæðagreiðsla mun einnig ráða lífi núverandi ríkisstjórnar, og hvort að ríkisstjórnin mun halda velli eða fara frá völdum.

Íslendingar munu einnig hafa valið um það í þessari atkvæðagreiðslu hvort að hérna á landi muni rísa nýtt haftasamfélag, með þeim efnahagslegu takmörkunum sem það mun þýða fyrir almenning allan. Efnahagslega þýðir þetta einfaldlega að valið mun standa á milli þess að viðhalda frjálsum viðskiptum hérna á landi, laus við höft og takmarkanir, eða fara þá leið þar sem efnahagur íslendinga mun byggja á höftum og innflutningstakmörkunum. Ekkert ósvipað því sem gerðist á skömmtunarárunum eftir seinna stríð á Íslandi.

Ástæðan fyrir þessu vali er mjög einföld. Ef íslendingar segja nei við Icesave þá mun okkur ekki verða treyst erlendis, lán munu ekki fást greidd og gjaldeyrir mun verða af skornum skammti á Íslandi í kjölfarið. Ef íslendingar hinsvegar samþykkja að standa við skuldbindingar sínar, þá verður þetta ekkert vandamál. Það munu visslega verða vandamál vegna mikillar greiðslubyrði af þeim lánum sem íslendingar hafa tekið undanfarið (þó ekki vegna Icesave). Hinsvegar mun þetta ganga mun betur fyrir sig í sátt við nágrannaþjóðinar, IMF og ESB, sem eru að hjálpa íslendingum að komast í gegnum þessa kreppu sem íslendingar eru staddir í þessa dagana.

Vegna þess að ég vil hvorki haftasamfélag eða þjóðfélag sem er í deilum við nágrannaþjóðfélögum. Þá mun ég kjósa já í komandi kosningum um Icesave málið.

Birt þann

Skelfileg skilaboð InDefence til heimsins

InDefence menn tala núna um skýr skilaboð. Þetta væri allt í lagi, ef skilaboðin væru ekki þau að íslendingar vildu ekki borga. Allt krafs í bakkan um annað er einfaldlega merkingalaust blaður útí loftið. Íslendingar eru nefnilega komnir í þá stöðu að það sem þeir segja skiptir litlu málið. Það sem íslendingar framkvæma skiptir orðið meira máli en það sem íslendingar segja. Enda er vantraustið orðið slíkt í garð íslendinga þessa síðustu mánuði, enda vel skiljanlegt. Þar sem það stefnir í að íslendingar ætli sér að hlaupa frá skuldbindingum sínum, eftir efnahagsbóluáratugarins í Evrópu, og þó víðar væri leitað.

Hvað ætla InDefence menn að segja ef skilaboðin verða sú að íslendingar borga ekki, og landið verður einfaldlega sett í efnahagslega sóttkví í kjölfarið.

Frétt Vísir.is um þetta bull InDefence manna.

Þjóðaratkvæðagreiðsla sendir skýr skilaboð