Category: ESB Umræðan

Birt þann

Heimssýn er einangrunar- og einokunarklúbbur

Það verður ekki sagt að Heimssýn kunni að fara með staðreyndir eða sannleikann. Reyndar kann Heimssýn ekki að fara með neitt annað en lygar, þvælu og áróður, allt saman upp á kaldastríðs veginn sem þeim gamalmennum sem stjórna og sitja í Heimssýn er svo tamur. Enda er ekki hægt að kenna þessum mönnum neitt og þeir hafa ekki tekið neinum framförum síðan árið 1970 þegar þeir stöðnuðu eins og tröllin í íslensku þjóðsögunum. Illu heilli þá hafa þessir menn því miður komist á internetið og dreifa þar þröngsýni sinni og heimsku úti um allar koppagrundir og skammast sín ekkert fyrir það. Hvorki heimskuna eða þröngsýnina.

Það sem fæstir átta sig á varðandi stjórnmálin á Íslandi í dag er sú staðreynd að allir íslensku stjórnmálaflokkanir eru þjáðir að einangrunarkenndum fyrri tíma og er Samfylkingin þar ekki undanskilinn, þó svo að minnst beri á því þar. Það hefur einnig reynst erfitt í íslenskum stjórnmálum að losna við fólk sem er þjáð af einangrunarhyggju og hreinni valdagræðgi. Alltof margir einstaklingar sem þjást af slíku sitja á Alþingi íslendinga núna í dag, og alltof margir slíkir einstaklingar sækjast inn í stjórnmálaflokkana á Íslandi. Á meðan fólk sem gæti gert eitthvað í stjórnmálum á Íslandi og hugsanlega breytt stöðu mála til hins betra er skipulega haldið fyrir utan íslensk stjórnmál.

Nýjasta grein Heimssýnar heldur því fram að baráttan um aðild Íslands að Evrópusambandinu sé ekki þessi virði. Staðreyndin er sú að Stefán Ólafsson var að fjalla um þá staðreynd að vinstri stjórnmál á Íslandi eru mjög sundurleit, enda er frelsið meira hjá vinstra fólki en hægra fólki á Íslandi. Hjá vinstri mönnum fær fólk að taka ákvarðanir eftir sinni eigin sannfæringu, það leiðir oft til átaka og sundrungar. Reyndar er kosturinn við það er að slíkt heldur hinu pólitíska kerfi hreinu og hrekur í burtu þá sem eru ónýtir í stjórnmálanum (svona oftast). Það tekst ekki alltaf, eins og Jón Bjarnarson og Ögmundur Jónasson sönnuðu á síðasta kjörtímabili.

Baráttan fyrir aðild Íslands að Evrópusambandinu er alveg þess virði og gott betur. Enda er alveg ljóst að ef íslendingar ætla sér að eiga framtíð efnahagslega þá þarf Ísland að ganga í Evrópusambandið og það er ekki víst að eftir næstu breytingar á Evrópusambandinu (15 – 25 ár) verði EES samningurinn ennþá í gildi. Það er einnig hætta á því að EFTA hætti starfsemi ef Noregur eða Sviss (og Lichtenstein) ganga útúr því. Það er lítið hægt að treysta á framtíð EFTA eins og staðan er í dag. Síðan er alveg ljóst að til framtíðar þá geta íslendingar ekki haldið áfram að nota íslensku krónuna. Þar sem bæði er vaxtastigið hátt vegna hennar, sem hamlar hagvexti og síðan er ekki raunhæft að hafa íslensku krónuna sem fljótandi gjaldmiðil, til þess er íslenska krónan einfaldlega alltof lítil. Ástæða þess að Danmörk er með gengi dönsku krónunnar fasttengt við gengi evru er einfaldlega sú staðreynd að Danir líta svo á að Danska krónan sé einfaldlega of lítil til þess að láta hana fljóta á alþjóðlegum mörkuðu og þó er danska krónan margfalt stærri en íslenska krónan.

Síðan er nauðsynlegt fyrir íslendinga að losna úr fjötrum kerfis sem hefur eingöngu þann tilgang að verja þá innlendu einokun sem hefur verið rekin á Íslandi síðan um í kringum 1950, eða í meira en hálfa öld (eftir því sem ég kemst næst). Sú einokunarstarfsemi er ekki heilbrigð og hefur eingöngu skilað hærra verðlagi og minna úrvali til íslendinga á undanförnum áratugum.

Birt þann

Lygin á Evrópuvaktinni um landbúnaðarmál innan Evrópusambandsins

Þeir eru óhemju ósvífnir mennirnir sem reka vefinn Evrópuvaktina. Enda er annar þeirra fyrrverandi stjórnmálamaður, en engu að síður gjörsneiddur öllu siðferði og siðferðiskennd. Hinn er fyrrverandi ritstjóri Morgunblaðsins og hann skortir alla sómakennd í dag. Þó svo að hann viti fullvel að það sem kemur fram á þeim vef sem hann rekur og er í ábyrgð fyrir er lygi varðandi Evrópusambandið. Í nýlegri fullyrðinu Björns Bjarnarsonar, annars eiganda og ritstjóra Evrópuvaktarinnar er þessi hérna fullyrðing sett fram.

Þegar hlustað er á málflutning ESB-aðildarsinna draga margir örugglega þá ályktun að innan Evrópusambandsins ríki frelsi í framleiðslu og sölu á landbúnaðarafurðum. Ekkert er fjær lagi eins og sést til dæmis á einkarétti einstakra héraða eða landsvæða til að framleiða vörur sem aðeins má selja með upprunamerkingum. Óttast Þjóðverjar að þessi einkaréttur verði afnuminn með fríverslunarsamningi við Bandaríkin sem nú er til umræðu. […]

Fulla grein er að finna hérna. Vitnað Björn Bjarnarson í þann 22-Febrúrar-2015 klukkan 02:34.

Þetta er lygi hjá Birni Bjarnarsyni. Það er fullt viðskiptafrelsi með landbúnaðarvörur innan Evrópusambandsins. Einkaréttur er annað og verndar eingöngu sérstakar tegundir matar undir ákveðnum nöfnum. Mjólkursamsalan á Íslandi hefur sem dæmi sótt það fast núna innan Evrópusambandsins að fá einkaleyfi á orðinu „skyr“ innan Evrópusambandsins og á þeim markaði í heild sinni. Þessi einkaréttur verður ekki afnumin og fullyrðingar um slíkt eru fáránlegar. Hvað viðskiptasamning Evrópusambandsins og Bandaríkjanna varðar. Þá er ýmislegt rætt þar og mikið sem á eftir að semja um á þessari stundu. Íslendingar eru ekki aðilar að þessum samningaviðræðum, enda ekki aðildarþjóð að Evrópusambandinu. Þó svo að íslendingar hafi reynt að sníkja sér leið inn í þessa samninga þegar þær hófust.

Þegar að því kemur að íslendingar fari að ræða landbúnaðarmál við Evrópusambandið (væntanlega eftir næstu kosningar) þá mun þetta atriði alveg örugglega koma fram. Enda hafa íslenskir framleiðsluaðilar talsverða hagsmuna að gæta varðandi einkarétt á íslenskum vörum sem eru eingöngu framleiddar á Íslandi. Ég er alveg viss um að Björn Bjarnarson mun væla eins og honum er einum lagið varðandi þær samningaviðræður, þegar þær hefjast aftur. Enda vantaði ekki vælið í manninum (og Styrmi) þegar aðildarviðræður Íslands og Evrópusambandsins voru í fullum gangi á sínum tíma. Báðir þessir menn eru komnir á ellilaun og ættu að hætta að tjá sig um og skipta sér af málum sem koma þeim í raun ekki við í dag. Enda er Evrópusambandið og aðild Íslands málefni sem skiptir ungu kynslóðina máli í dag og hún ætti að fá að ráða því hvort og hvernig Ísland gengur í Evrópusambandið.

Ekki einhverjir gamlir menn sem eru orðnir steinrunnir í hugsun eins og tröllin í íslensku þjóðsögunum.

Birt þann

Heimssýn stefnir Íslandi fram af bjargbrúninni

Það er margt sem fólkið í Heimssýn skilur ekki. Tvö af þeim hugtökum sem þetta fólk skilur ekki eru orðin „fullveldi“ og „sjálfstæði“ þýða í raun. Þessi hugtök eru engu að síður mikið notuð af Heimssýn til þess að réttlæta andstöðuna við hugsanlega aðild Íslands að Evrópusambandinu. Það er þó merkilegt að Heimssýn hefur ekki útskýrt fyrir almenningi á Íslandi hvað það þýðir ef íslendingar standa fyrir utan Evrópusambandið og evruna.

Það er kominn tími til þess að Heimssýn og aðrir andstæðingar Evrópusambandsins á Íslandi útskýri fyrir almenningi á Íslandi hvað það mun þýða fyrir almenning á Íslandi að standa fyrir utan Evrópusambandið og evruna. Það þýðir lítið að tala bara um „fullveldi“ og „sjálfstæði“, þar sem þessi orð eru gjörsamlega tilgangslaus ef ekkert stendur á bak við þau.

Þeir sem að Ísland gangi í Evrópusambandið hafa útskýrt mál og hvað það þýðir fyrir almenning á Íslandi. Þó mætti gera meira af því í dag og með skýrari hætti.

Birt þann

Ruglið í Evrópu-andstæðingum á Íslandi

Það er eins og að Evrópu-andstæðingar á Íslandi kunni ekki stjórnmál, skilji þau ekki og átti sig ekki á innihaldi hlutanna. Þetta á sérstaklega við þegar það kemur að umræðum um Evrópusambandið, sem þetta fólk er á móti, röksemdafærslur þessi, sem er reyndar of vel í gefið, standast ekki neina skoðun eða rök og hafa aldrei gert.

Þetta fólk veit fullvel að Evrópusambandið er samvinnuverkefni 28 aðildarríkja þess og allar reglur og lög sem þar eru sett eru samþykktar af öllum aðildarríkjum þess. Engin lög eða reglur sem þarna eru til staðar eru í andstöðu við eitthvað af aðildarríkjum þess. Fullyrðingar um annað eru lygi af hálfu þeirra sem setja þær fram.

Það er annað sem einkennir umræðu Evrópu-andstæðinga á Íslandi, það er tal um „bjölluat“[1] og að „kíkja í pakkann“[1]. Þetta er kjaftæði og þjónar eingöngu áróðurstilburðum þeirra að setja þetta svona fram. Íslendingar hafa alltaf vitað hvaða skyldur og reglur fylgja því að ganga í Evrópusambandið, eitthvað af þessum reglum er hægt að semja um, þar sem ekki allar reglur eða lög Evrópusambandsins ná til íslenskra aðstæðna (það er í raun óþarfi að semja um þessi atriði, það er þó hægt upp á formsatriðin að gera). Í þeim tilfellum þar sem þarf að semja um sér-reglur vegna Íslands þá verður það gert, gott dæmi um slíka þörf er innflutningur á lifandi dýrum sem þarf að njóta sérstakra reglna vegna aðstæðna lífríkis á Íslandi og þeirra dýrastofna sem eru á Íslandi. Hvort sem þeir eru náttúrulegir eða fluttir inn af mannavöldum til ræktunar matvæla.

Endalaus þvættingur í Evrópu-andstæðingum á Íslandi er orðin mjög þreytandi, sérstaklega delluna sem er að finna í Bændablaðinu um Evrópusambandið[2]. Þar sem ýmislegt sett fram um Evrópusambandið sem stenst ekki og oft á tíðum eru settir fram hlutir þar sem eru ekkert annað en uppspuni Bændablaðsins og Bændasamtaka Íslands sem reka blaðið. Hvers vegna Bændablaðið fær að komast upp með svona lyga áróður er ofar mínum skilningi, þar sem að í alvöru ríki væru aðrir fjölmiðlar búnir að taka þetta blað og rífa það sundur fyrir þann áróður sem þar er skrifaður.

Heimssýn og Evrópuvaktin hjá Birni Bjarnasyni eru gott dæmi um skipulagðan áróður sem stenst ekki neina skoðun. Þarna eru á ferðinni vefir og samtök sem standa fyrir það eitt að dreifa ranghugmyndum um Evrópusambandið á Íslandi. Heimssýn var á sínum tíma stofnuð upp úr andstöðunni við EES samninginn, samning sem hefur reynst íslendingum afskaplega vel á þeim tuttugu árum sem hann hefur verið í gildi.

Það versta sem íslendingar gera er að hlusta á þetta rugl sem er að finna hjá Evrópu-andstæðungum á Íslandi. Það hefur það sannast að þetta fólk hefur rangt fyrir sér og efnahagslega þá þýðir stefna þessa fólks að Ísland mun standa verr en það annars gerði. Heimurinn er að breytast og hefur verið að breytast síðustu 35 árin, ef íslendingar taka ekki þátt í þeim breytingum. Þá verða íslendingar einfaldlega skildir eftir, fátækir, einangraðir og með ónýtan gjaldmiðil auk þeirra láglaunastarfa sem fylgja slíkri stöðu landsins.

1: Forvitnin drap köttinn
2: http://www.bbl.is/baendabladid/

Birt þann

Ekkert dularfullt við tillögu að lögum ESB um flugelda

Núna er komið upp í umræðunni á Íslandi að tillaga Evrópusambandsins að lögum um flugelda séu eitthvað dularfull. Í Innanríkisráðuneytinu í dag kann enginn á internetið og finnur því ekki nokkurn skapaðan hlut um þessar væntanlegu lög Evrópusambandsins. Hjá Heimssýn eru allir orðnir svo gamlir að þeir hvorki tala ensku eða kunna á tölvur (þeir hafa væntanlega einhvern í vinnu hjá sér við að skrifa þennan þvætting inn á blog.is síðuna sína). Kunna samt ekki að lesa ensku og kunna ekkert á internetið heldur, finna því ekki nokkurn skapaðan hlut og vita því ekki neitt í kjölfarið.

Tillögur Evrópusambandsins að lögum um flugelda eru ekkert dularfullar og er að finna hérna.

Making fireworks in the EU safer (annar tengill hérna) (2013)
European measures for safer fireworks (2006)

Eins og þetta lítur út núna (skrifað í Janúar 2015), þá er Evrópusambandið ekki með neinar sameiginleg lög varðandi flugelda. Það er ennþá verið að semja þau lög og þar sem Ísland er bara aðili að EES samningum, þá hafa íslendingar nákvæmlega ekkert um þau lög að segja, loksins þegar þetta kemur sem samþykkt lög frá Evrópusambandinu eftir einhverja mánuði eða ár.

Birt þann

Óskynsamleg efnahagsstefna Seðlabanka Íslands

Seðlabanki Íslands rekur stefnu sem veldur því að hagvöxtur á Íslandi er lítill og eingöngu haldið upp með afskaplega óskynsamlegum aðferðum sem valda bólumyndun í hagkerfinu sem á endanum springa með tilheyrandi efnahagskreppu. Lærðu þessir menn ekkert í efnahagshruninu 2008?

Í þeirri stefnu sem Seðlabanki Íslands rekur er að halda launum á Íslandi lágum. Undir þeirri afsökun að hækkun launa valdi verðbólgu á Íslandi. Þetta er rangt að mínu áliti og stenst ekki skoðun, þar sem hækkun launa mun ekki valda verðbólgu. Hækkun á nauðsynjavöru gerir það hinsvegar og einnig óskynsamleg efnahagsstefna, eins og sú sem er rekin á Íslandi. Sú stefna að halda launum lágum hjá meirihluta almennings er eingöngu til þess fallin að viðhalda litlum hagvexti á Íslandi og verri lífsgæðum almennings. Sú fátæktarstefna sem er rekin á Íslandi verður að taka enda, þar sem hún einfaldlega gengur ekki lengur og hefur í raun aldrei virkað núna í marga áratugi.

Það eru til aðrar stefnur og betri til þess að hafa stjórn á Íslenskum efnahag. Hluti af þeirri stefnu væri að ganga í Evrópusambandið og taka upp evruna sem gjaldmiðil til þess að koma í veg fyrir öfgakennd áhrif þeirra sveiflu sem íslenska krónan hefur á íslenskan efnahag. Það er öryggi í stóru myntsvæði og í dag njóta íslendingar ekki neins öryggis á sínu örmyntsvæði sem íslenska krónan er, jafnvel þó svo að hún sé á bak við gjaldeyrishöft.

Birt þann

Matvælaöryggi þvælist fyrir Morgunblaðinu og Heimssýn

Þegar staðreyndir eru ekki athugaðar þá gerist ýmislegt. Sérstaklega þegar um er að ræða matvælaöryggi hjá Evrópusambandinu, sem er tekið mun alvarlegra en á Íslandi eins og dæmin hafa sannað. Öryggi matvæla virðist ekki vera hátt skrifað hjá Heimssýn eða Morgunblaðinu. Enda finnst þessum aðilum þessar reglur sem banna innflutning skelfisks til Evrópusambandsins og EES vera alger óþarfi, þó svo að kannanir hjá matvælaeftirliti Evrópusambandsins hafi leitt það í ljós að framleiðslu umrædds skelfisks var skortur hreinlæti og því réttlætanlegt að banna innflutning hans til Evrópusambandsins á meðan framleiðslan uppfyllti ekki kröfur Evrópusambandsins um matvælaöryggi og hreinlæti.

Bjánaleg grein Heimssýnar

Urmull af óþörfum ESB-tilskipunum (Heimssýn)

Upplýsingar um umræddan skelfisk og reglugerð Evrópusambandsins

Bivalve mollusks (e.g., clams, oysters, mussels, scallops) have an external covering that is a two-part hinged shell that contains a soft-bodied invertebrate (NOAA)
Bivalvia (Wikipedia)

REGULATIONS COMMISSION IMPLEMENTING REGULATION (EU) No 743/2013 of 31 July 2013 introducing protective measures on imports of bivalve molluscs from Turkey intended for human consumption (Text with EEA relevance) (EUR-Lex, ESB) – Ástæður innflutningsbannsins koma fram hérna.

REGLUGERÐ um verndarráðstafanir varðandi innflutning á samlokum frá Tyrklandi sem eru ætlaðar til manneldis.

Birt þann

Heimssýn og Morgunblaðið æsa sig yfir tilskipun ESB sem er ekki til

Hvorki Morgunblaðið eða Heimssýn stíga í vitið þegar það kemur að umfjöllun um Evrópusambandið. Enda hatast báðir þessir aðildar útí Evrópusambandið út frá þröngum sjónarmiðum íslenskra sérhagsmuna, sem eru til sakaða fyrir allan almenning á Íslandi. Eitt af því sem Morgunblaðið og Heimssýn gera er orðið mjög rússneskt, það er að dreifa áróðri um Evrópusambandið. Einn slíkur áróður kom fram um daginn. Þar er því haldið fram að Evrópusambandið sé að setja reglugerð eða lög um stærð sturtuhausa. Samkvæmt athugun sem ég gerði, þá er ekkert slíkt á dagskrá hjá Evrópusambandinu. Enda ráða aðildarríki Evrópusambandsins því sjálf hvernig þau haga reglum um notkun vatns innan sinna landamæra.

Það er til fullt af lögum um vatn hjá Evrópusambandinu, en allar þær reglur snúa að gæðum vatns, stjórnun á gæðum vatns og slík atriði. Íslendingar hafa tekið allar þessar reglur upp hjá sér í gegnum EES samninginn (eftir því sem ég kemst næst). Enda fellur þetta undir umhverfismál innan EES samningins að mestu leiti.

Sjá nánar hérna.

Skýrsla um notkun vatns innan ESB (pdf skjal)
Brussels rules out EU-wide water efficiency target (EurActiv)
Water Framework Directive (Wikipedia)
The EU Water Framework Directive (European Union)
Drinking Water (European Union)
Council Directive 98/83/EC of 3 November 1998 on the quality of water intended for human consumption (EUR-Lex)

Birt þann

Draugagangur í húsum Heimssýnar

Undanfarið hefur verið mikill draugagangur í húsnæði Heimssýnar víðsvegar um land. Umræddur draugur hefur komið með íslenska verðbólgu, rýrnun íslensku krónunnar og háa vexti og hátt verðlag með sér. Af þessum sökum hefur Heimssýn brugðið á það ráð að fá Evrópu-meistara í að kveða niður drauga. Verður lagt á ráðin með að kveða niður þennan draug með aðild að Evrópusambandinu, evrum, lágum stýrivöxtum og verðbólgu í húsnæði Heimssýnar.

Ef þetta tekst ekki hjá Evrópu-meistaranum. Þá hefur hann lagt til að allir sem eru með aðild að Heimssýn verði sendir til Þýskalands í fimm ár þar sem þeir geta notið lágrar verðbólgu, verðstöðugleika og ódýrs matar frá hinum ýmsu löndum heimsins í þeirri von að andsetningu þeirra verði létt. Síðan er einnig lagt til að allt ritefni Heimssýnar verði sett á þjóðminjasafnið komandi kynslóðum til viðvörunar um það hvað heimska og þröngsýni getur kostað heilu þjóðirnar í hinum hnattræna heimi sem Ísland tilheyrir í dag.

Ef enginn af þessum möguleikum er til boða eða gengur ekki upp af einhverjum ástæðum. Þá er alltaf hægt að hætta að hlusta á þessa vitleysingja í Heimssýn segir Evrópu-meistarinn í að kveða niður verðbólgu-drauga og drauga af þeirri náttúru sem hafa verið að plaga íslendinga síðustu 70 ár. Það hefur reynst mjög árangursríkt í öðrum ríkjum þar sem svipaðir draugar hafa komið upp.

Birt þann

Heimssýn eru öfgasamtök

Það er hægt að þekkja öfgasamtök hvar sem þau er að finna, reyndar einnig öfgafólk á orðræðunni sem þetta fólk stundar. Í tilfelli Heimssýnar þá aðhyllast þessi samtök (þetta er reyndar bara skel fyrir LÍÚ og Bændasamtökin í dag) þjóðrembu með verstu gerð af fasisma. Þessi fasismi gengur útá að allt sé best á Íslandi, á meðan raunveruleikinn er langt frá þessu, reyndar svo langt frá þeirri orðræðu sem þessir aðilar stunda að ekki sér til lofts hjá þeim.

Samtök eins og Heimssýn ganga bara útá áróður, ekki upplýsingar. Enda hefur það oft komið í ljós að þeim er afskaplega illa við upplýsingar og upplýsta umræðu. Eins og sést mjög vel hérna, þar sem kvartað og kveinað er yfir upplýsingaskrifstofu Evrópusambandsins á Íslandi. Sú mynd sem Heimssýn kemur með að Evrópusambandinu er röng og hefur alltaf verið röng. Enda er Heimssýn í þjónustu sérhagsmunaaðila, stórfyrirtækja á Íslandi og njóta þaðan greiðslna í formi peninga, þjónustu og annara hluta. Þetta er allt saman staðreynd þó svo að þeir hafi lengi hafnað þessu. Enda er Heimssýn oft hampað á síðum Morgunblaðsins og mbl.is sem er í eigu fiskvinnslufyrirtækis í Vestmannaeyjum núna í dag.

Sú stefna sem Heimssýn boðar er hættuleg, næg eru dæmin um slík á síðustu vikum og mánuðum um það hvernig ógöngur þannig hugsunarháttur getur leitt af sér. Helstu niðurstöður af slíkum hugsunarhætti eru einangrun, fátækt og atvinnuleysi á Íslandi. Eins og hefur orðið raunin á síðustu mánuðum, þar sem aðildarríki Evrópusambandsins eru að stinga Ísland af á öllum sviðum í efnahagslegum skilningi. Á meðan sitja íslendingar með sínar sérlausnir og velta því fyrir sér afhverju þær virka ekki. Jafnvel Írland sem lenti mjög illa í fjármálakreppunni er farið að ganga betur en Íslandi efnahagslega (sjá hérna).

Samtök Heimssýn tákna það sem var á Íslandi, enda er það í ætt við stofnanda þessara samtaka, sem er gamall og slitinn rithöfundur sem kann ekki að fylgjast með nútímanum og greinilega óttast hann. Gamall þingmaður og ráðherra sem setti allt í kaldakol á sínum tíma, stofnandi Heimssýnar var meðal annars maður að nafni Ragnar Arnalds og telst hann vera alger upphafsmaður þessara samtaka á sínum tíma. Auk þess hafði hann gefið út nokkur blöð (sjá Frjáls þjóð, Dagfari, Ný útsýn [fannst ekki á timarit.is] ) þar sem tóninn var þjóðremba eins og sú sem Heimssýn hefur erft eftir hann.

Það hefur síðan sannast í gegnum söguna að samtök og fólk eins og Ragnar Arnalds, sem boðar þessa hugmyndafræði er það fólk sem er hvað hættulegast frelsi og lýðræði viðkomandi þjóðar. Í tilfelli Ragnar Arnalds þá hefur honum tekist að skerða frelsi íslendinga umtalsvert á liðnum áratugum, en það stoppar ekki þar. Núna skal skerða lýðræði og frelsi íslendinga á nýjan leik í gegnum samtök sem heita Heimssýn.

Enda vitum við hver er formaður þar í dag.

Póstur uppfærður klukkan 15:36 CEST.