Category: Skoðun

Birt þann

Sigríður Á. Andersen brýtur mannréttindi, alþjóðalög og útlendingalög á flóttamönnum

Dómsmálaráðherra, Sigríður Á. Andersen er núna kerfisbundin farið að brjóta mannréttindi, alþjóðalög og útlendingalög á flóttamönnum sem koma til Íslands. Af þeim sökum á Sigríður Á. Andersen að segja af sér embætti án tafar. Þetta er auðvitað ekkert annað en ný-nasista háttur sem er viðhafður af Sigríði Á. Andersen og þeim reglum sem hún er að smygla í gengum kerfið í formi reglugerða sem eru ekki löglegar og hafa aldrei verið löglegar þar sem þær eru andstæðar íslenskum lögum og þeim alþjóðasáttmálum sem íslendingar hafa skrifað undir.

Þetta er hegðun hjá stjórnmálamanni og ráðherra sem á ekki að líðast og er ekkert nema skilyrðislaus brottrekstrarsök af Alþingi og úr ríkisstjórn. Það er ekkert annað í boði í þessu tilfelli. Það þarf einnig lögreglurannsókn á embættisverkum Sigríðar Á. Andersen þar sem hérna er augljóslega verið að brjóta íslensk lög og alþjóðlega sáttmála sem Ísland hefur samþykkt eins og ég nefni fyrr í þessari grein.

Vinstri Grænir eru einnig samsekir í þessu lögbroti. Það á að vísa þeim öllum eins og þingflokki sjálfstæðisflokksins og framsóknarflokksins af Alþingi vegna þessa máls og fleiri mála sem hafa verið að koma upp undanfarið.

Fréttir af þessu máli

Sigríður þrengdi að réttindum hælisleitenda sama dag og hún fékk stuðning frá þingmönnum Vinstri grænna (Stundin.is)

Grein uppfærð klukkan 13:44. Leiðrétting á nafni dómsmálaráðherra.

Birt þann

Framsóknarflokkurinn, Sjálfstæðisflokkurinn og Heimssýn eru á móti Orkustofnun Evrópusambandsins

Evrópusambandið [opinber vefsíða er hérna] hefur stofnun sem á samræma og vinna með aðildarríkjum um orkustefnu viðkomandi ríkis. Bæði Framsóknarflokkurinn og Heimssýn eru á móti þessari stofnun vegna þess að hvorki Heimssýn eða Framsóknarflokkurinn skilja hvað er um að ræða hérna.

Þessari stofnun sem kallast Agency for the Cooperation of Energy Regulators (ACER) [sjá einnig hérna] er einnig ætla að passa upp á það að lögum og reglum á fylgt á raforkumarkaðinum. Það er alveg ljóst að hvorki Framsóknarflokkurinn eða Heimssýn vilja slíkt eftirlit og mig grunar að þetta nái einnig til Sjálfstæðisflokksins og Vinstri Grænna.

Sú fullyrðing sem Heimssýn og Framsóknarflokkurinn setja fram í grein hérna um að þetta sé að ræða stjórnun Evrópusambandsins á raforkumálum íslendinga er lygi frá upphafi til enda. Það er hinsvegar ekkert nýtt að bæði Heimssýn og Framsóknarflokkurinn vilji gefa svindlurum frjálsan aðgang að markaðinum þar sem þeir geta okrað á fólki án þess að nokkurt yfirvald geri við það athugasemdir. Þessu er síðan slegið í áróður þar sem bullað er um fullveldi og það verði að hafa stjórnunina á Íslandi. Staðreyndin er reyndar sú að stjórnun íslendinga orkumálum fer aldrei neitt en Orkustofnun Evrópusambandsins mun koma í veg fyrir svindl á íslenskum orkumarkaði og að lög séu brotin.

Íslendingar hafa síðan ekkert val í því að taka upp þessi lög frá Evrópusambandinu. Þetta er hluti af EES samningum og ef íslendingar vilja ekki fella EES samninginn úr gildi þá verður að taka þessi lög upp í íslenskan lagarétt. Það eru engar undantekningar í boði.

Uppfært þann 19-Mars-2018 klukkan 00:51.

Sjálfstæðisflokkurinn hefur bæst við þá stjórnmálaflokka sem eru á móti Orkumálastofnun Evrópusambandsins án þess þó að hafa nokkra hugmynd um hvað málið snýst eða hvað það varðar. Þessu hafa heimskingjarnir hjá Heimssýn fagnað í nýrri grein sem var birt í kvöld. Það er ekkert hægt að rökræða við þetta fólk þar sem það er bæði heimskt, hrokafullt og neitar að skilja um hvað málið snýst. Þetta hinsvegar breytir ekki neinu um þá staðreynd að íslendingar verða að taka þetta upp í landslög Íslands vegna EES samningins.

Birt þann

Evran er bara fyrir moldríka vini Sjálfstæðisflokksins á Íslandi

Það er alveg ljóst að Sjálfstæðisflokkurinn lítur svo á að evran og Evrópusambandið sé eingöngu fyrir hina ríku vini Sjálfstæðisflokksins og þar er helst að nefna Samtök fyrirtækja í sjávarútvegi (SFS) og síðan aðra sem eru ríkir og eru vinir valdamanna í Sjálfstæðisflokknum. Með því að halda evrunni og aðild Íslands að Evrópusambandinu frá almenningi á getur Sjálfstæðisflokkurinn haldið um alla þræði spillingarinnar sem er núna ríkjandi á Íslandi. Þannig er einnig hægt að spila með gengi krónunnar, kaupa evrur þegar gengið er hagstætt og selja þegar gengið versnar eins og gerist reglulega á Íslandi vegna lélegar efnahagstjórnar af hálfu vanhæfra ráðamanna úr röðum Sjálfstæðisflokksins.

Það væri besta og öflugasta efnahaglegasta stefna fyrir íslendinga að ganga í Evrópusambandið og taka upp evruna sem gjaldmiðil. Fyrir utan þá kosti þá yrði vegakerfið á Íslandi uppfært í upp í þá staðla sem Evrópusambandið hefur varðandi vegakerfi aðildarríkja sinna. Almenningur mundi stórgræða á aðild Íslands að Evrópusambandinu. Að auki yrðu verðtryggð húsnæðislán úr sögunni með upptöku evrunar á Íslandi.

Þegar formenn Sjálfstæðisflokksins tala um að hafa stjórnina á Íslandi þá eru þeir um að tala stjórn Sjálfstæðisflokksins yfir Íslandi á sama hátt og glæpasamtök stjórna hagsmunum sínum. Stjórnmálaflokkar og glæpasamtök eru ekki alltaf óaðskilin fyrirbæri.

Birt þann

Heimssýn bryður samsæriskenningapillur um stjórnmálaflokkinn Viðreisn

Það er alveg ljóst á síðustu færslu Heimssýnar að fólkið þar gengur ekki heilt til skógar og er á kafi í heimasmíðum samsæriskenningum um hina og þessa. Allt saman sem er auðvitað tómt bull og stenst ekki neina skoðun eða staðreyndir.

Það er hinsvegar ekki ljóst hvort að Heimssýn brjóti lög með því að taka stöðugt undir áróður Rússlands um Evrópusambandið enda er leyndarhyggjan slík í Heimssýn að ekkert skín þar í gegn og enginn veit nema útvaldir hverjir eru að borga fyrir þessa áróðursstarfsemi á Íslandi gegn Evrópusambandinu. Það er hinsvegar alveg ljóst að Heimssýn mun hverfa á endanum enda er meðalaldurinn í þessum einangrunarklúbbi slíkur að næsti aðalfundur verður haldinn á einhverju elliheimilinu í Reykjavík (eða úti á landi).

Birt þann

Þegar Bashar al-Assad skipaði hernum gegn almenningi í Sýrlandi

Þegar Arabíska vorið gekk yfir miðaustur lönd þá risu upp mótmæli í Sýrlandi. Þetta voru lítil mótmæli vegna nokkura handtekinna unglingsdrengja. Þessi mótmæli í Sýrlandi snérust fljótlega upp í mótmæli gegn Bashar al-Assad og stjórn hans en þessi fjölskylda hefur verið einráð í Sýrlandi undanfarna áratugi og stjórnað með harðri hendi. Þegar mótmæli gegn Bashar al-Assad fóru af stað þá skipaði Bashar al-Assad hernum einfaldlega að taka þetta fólki af lífi án dóms og laga. Auk þess sem skipun var gefin um að bæla niður mótmælin með harðri hendi eins fljótt og hægt væri. Það mistókst hjá Bashar al-Assad og ríkisstjórn hans og borgarastríð braust út í kjölfarið.

Síðan hafa ýmsir hópar uppreisnarmanna (sem berjast stundum innbyrðis um landsvæði) verið í þessum átökum. Ásamt hryllingnum sem isis (hryðjuverkasamtök) komu fram með á því landsvæði sem þau stjórnuðu til lengri tíma. Ég ætla ekki að skrifa sérstaklega um þátt Kúrda, þar sem það er bara einn hópurinn af mörgum sem tekur þátt í borgarastyrjöldinni í Sýrlandi. Innrás Tyrklands inn í Sýrland og Írak á landsvæði Kúrda er ólögleg samkvæmt alþjóðlegum lögum, þar sem þar er brotið gegn fullveldi Sýrland og Íraks á grófan hátt.

Á síðustu árum hafa Rússar blandað sér í átökin af fullum krafti og núna er hafin áróðursherferð sem málar grimmdarverk og stríðsglæpi ríkisstjórnar Bashar al-Assad í jákvæðu ljósi. Það er að sjá á skýrslum og fréttum að allir uppreisnarhópar í Sýrlandi (með undantekningu fyrir Kúrdum eins og stendur) hafi framið grimmdarverk og stríðsglæpi gegn almennum borgurum í þessari borgarastyrjöld. Það mun taka marga áratugi að komast að því hverjir frömdu hvaða glæpi þegar þessu loksins líkur ef það verðu einhverntímann hægt, sem er langt frá því að það sé hægt.

Rússland hefur tekið þá afstöðu að styðja af fullum krafti ríkisstjórn Bashar al-Assad og það þýðir að dreifa áróðri um hans ríkisstjórn og stöðu hans í þessu borgarastríði. Bandaríkin hafa lítið skipt sér af þessu eftir slæma reynslu í Afganistan. Ríkisstjórn Obama ákvað að eingöngu skyldi þjálfa Kúrda til þess að berjast á móti isis, her Sýrlands og uppreisnarhópum sem voru að reyna koma á sínu eigin einveldi. Það var ekki fyrr en Bashar al-Assad fór að nota efnavopn gegn almennum borgurum og uppreisnarmönnum að Bandaríkin gerðu loftárásir á valin skotmörk hjá Sýrlenska hernum. Hvað ríkisstjórn Donald Trump gerir er ekki ljóst en það sem hefur gerst er að Bandaríkin hafa dregið svo til allan stuðning frá Kúrdum opinberlega að skipun Donald Trump.

Upphaf borgarastríðsins í Sýrlandi

Syria: Defectors Describe Orders to Shoot Unarmed Protesters (2011, hrw)
Syria: The story of the conflict (2016, BBC News)
When did protest against the Assad government turn to war in Syria? (The Independent, 2017)

Birt þann

Bændasamtök Íslands eru gjörspillt og handónýt samtök

Það er að sjá á lestri nýjasta Bændablaðsins að Bændasamtök Íslands ætla sér að fara í áróðursherferð gegn innflutningi á kjöti, mjólk og eggjum til Íslands. Þar sem Bændasamtök Íslands eru eingöngu borguð með skattpenginum íslenskra skattgreiðanda þá er ljóst að íslenskir skattgreiðendur munu borga fyrir þennan lyga-áróður sem Bændasamtök Íslands ætla sér að fara að dreifa til íslendinga.

Bændasamtök Íslands eru gjörspillt samtök sem þjóna ekki hagsmunum íslenskra bænda að neinu leiti. Þetta er klúbbur örfárra ríkra einstaklinga sem hafa náð þar völdum og fara með alla bændur eins og leiguliða á 19 öldinni.

Það á að leggja niður alla tolla á innflutning á matvöru. Enda kosta íslenskir matvælatollar íslenskan almenning milljarða króna árlega og þessi verndarstefna kostar íslenska bændur ennþá hærri upphæðir. Ólíkt því sem lygin segir frá Bændasamtökum Íslands þá er matvælaframleiðsla á Íslandi sáralítil og mun aldrei framleiða nóg ofan í alla þá ferðmenn sem munu koma til Íslands árið 2018 en sú talað er áætluð 2,8 milljónir manna. Íslenskir bændur rétt svo framleiða ofan í 348.000 manns eins og staðan er í dag og í sumri framleiðslu er ekki framleitt nóg. Helst er skortur í svínakjöti, kjúklingi og nautakjöti. Það er alveg ljóst að lambakjöt verður seint flutt til Íslands enda er lítið framleitt af lambakjöti í ríkjum á meginlandi Evrópu.

Bændasamtök Íslands í núverandi mynd á að leggja niður. Íslenska ríkið á að taka þennan málaflokk af þessum sérhagsmunastamtökum enda er núverandi fyrirkomulag þannig að það getur eingöngu boðið upp á spillingu og sóun almannafjár. Skýrsla Ríkisendurskoðunar frá árinu 2011 um þetta mál er að finna hérna. Það á einnig að afnema lög 130/1994 um Bændasamtök Íslands. Þetta geta verið frjáls félagsamtök og það krefst ekki sérstakrar lagasetningar af hálfu Alþingis.

Þess má einnig geta (víst að þessi auglýsing er í Bændablaðinu). Þá er ekki gott að gefa kanínum gulrætur þar sem slíkt veldur þeim tannskemmdum og er vont fæði fyrir þær. Fái kanínur að velja þá borða þær græna sem er á gulrótum fyrst og hafi þær ekkert annað þá borða þær sjálfa gulrótina. Best er að gefa kanínum grænfóður (gras, kál og annað slíkt) og sleppa gulrótum algerlega.

Birt þann

Heimssýn gengur fram í heimsku og einangrunarstefnu

Samtök einangrunarsinna, þjóðernissinna og annara vitleysingja sem kalla sig Heimssýn (sem er rangnefni, vegna þess að þetta eru þjóðernissinnuð samtök sem eru rekin af öfgafólki) hélt aðalfund sinn, þar var drukkið mikið kaffi, nýr formaður kosinn og samþykktar samþykktir um það hvernig skuli gera líf hins almenna Íslendings eins ömurlegt og leiðinlegt og hægt er.

Þar á meðal vilja Heimssýn segja upp EES samningum [sjá hérna] og þar með öllum þeim viðskipta tækifærum sem þar er að finna. Auk frjálsri för fólk. Ég sé ekki að hinn almenni Íslendingur geti ekki lengur keypt húsnæði á Spáni sem er eingöngu heimilt vegna EES samningins. Ég veit ekki hversu margir í Heimsýn eiga húsnæði á Spáni í krafti EES samningins en miðað við í Heimssýn er mikið af fólki sem er komið á elliheimili þá er alveg ljóst að fjöldi þeirra sem eru í Heimssýn og hata Evrópusambandið eiga húsnæði á Spáni sem er aðildarríki að Evrópusambandinu og notar evruna sem gjaldmiðil.

Síðan bullar Heimssýn eitthvað um orkumál og Ísland. Þar sem Ísland er ekki hluti af sameiginlegu orkuneti Evrópusambandsins þá skiptir aðild Íslands að orkustjórnun á hinum Evrópska raforkumarkaði engu máli. Síðan er alveg ljóst á því sem Heimssýn ályktar að þeir skilja hvorki upp eða niður í tilgangi Agency for the Cooperation of Energy Regulators (ACER) [heimasíðan þeirra er hérna]. Þegar Heimssýn fjallar um eitthvað sem þeir skilja ekki þá er notað það bragð að fullyrða án nokkura sannana að Evrópusambandið ætli sér að stjórna hinu og þessu á Íslandi. Það sama gildir um rugludallana og öfgafólkið frá Noregi í Nej til EU. Það fólk er alveg jafn heimskt og takmarkað og fólkið sem er í Heimssýn.

Á meðan Ísland er ekki aðili að Evrópusambandinu er EES samningurinn það skásta sem íslendingar hafa ásamt hinni takmörkuðu EFTA aðild. Íslendingar eiga hinsvegar að ganga í Evrópusambandið til þess að hafa áhrif á lagasetningar og koma sínum sjónarmiðum á framfæri innan Evrópu. Án slíkra áhrifa skiptir íslenska þjóðin engu innan Evrópu þar sem sjónarmið íslendinga verða útundan (eins og sjónarmið Noregs og Bretlands þegar þeir yfirgefa Evrópusambandið árið 2019).

Birt þann

Bændasamtökin ljúga kerfisbundið um hættuna af innflutning á matvælum

Bændasamtök Íslands ljúga kerfisbundið um stöðu mála á Íslandi. Staðreyndin er sú að Ísland er með sömu matvælalög og gilda annarstaðar í Evrópusambandinu og á Evrópska Efnahagssvæðinu. Líkunar á því að smitað kjöt berist til Íslands eru engar, enda lifa umræddar bakteríur og veirur ekki í dauðum vef. Þessar sýkingar þurfa lifandi dýr til þess að geta smitað áfram og það er ennfremur engar líkur því að beljur eða svín komist í tæri við kjöt af slátruðum beljum eða svínum í útihúsum þar sem þau eru hýst.

Það yrði enginn innflutningur á lambakjöti til Íslands. Vegna þess að á meginlandi Evrópu er svo til ekkert framleitt af lambakjöti til útflutnings og það sem er framleitt fer allt á innanlandsmarkað í viðkomandi ríkjum eða til nágrannaríkjanna. Ógerilsneydda mjólk þarf að gerilsneyða áður en hægt er að vinna úr henni vöru eins og osta og aðrar mjólkurvörur. Sýkingarhætta þar er því engin.

Það eru afskaplega lítil hætta á smiti í fuglum vegna eggja, þar sem farfuglar koma til Íslands árlega og það sem þrífst í þeim (sjúkdómar) getur einnig þrifist í hænsnum ef hænunnar komast nærri veikum fugli.

Bændasamtökin geta ekki fengið dómi EFTA breytt og Evrópusambandið mun ekki samþykkja neinar undanþágur fyrir íslendinga. Enda hefur Evrópusambandið sína eigin sérfræðinga sem eru margfalt betri og óháðari en spillingaröflin sem er að finna innan Bændasamtaka Íslands. Það á að svipta Bændasamtök Íslands öllu fjármálavaldi sem samtökin hafa yfir íslenskum bændum enda er hérna um að ræða alvarlega hagsmunarárekstra sem ekki er hægt að sætta sig við. Síðan á að afnema með öllu þá einokun sem er á sölu mjólkurvara á Íslandi og er varin með lögum. Mjólkursamsalan getur verið á frjálsum markaði eins og önnur fyrirtæki á Íslandi. Það er ekki réttlætanlegt að þetta fyrirtæki sé varið með lögum sem eru hugsanlega brot á stjórnarskrá en örugglega brot á Samningum um Evrópskt Efnahagsvæði.

Frétt Rúv

Óttast áhrif hráakjötsdóms og tollasamnings

Birt þann

Starfsgetumat er kerfi til að viðhalda öryrkjum í sultarfátækt

Núna á að koma á starfsgetumati á íslenska öryrkja. Þetta kerfi á uppruna sinn í Bretlandi þar sem það var sett á til þess að spara Breska ríkinu peninga og þar er reglulega fólk dæmt hæft til vinnu þó svo að það sé á grafarbakkanum.

Íslenska kerfið yrði ekkert betra enda er hérna verið fara í það að spara íslenska ríkinu peninga með því að halda öryrkjum í sultarfátækt. Það er ekki í lagi að koma á slíku kerfi og ég fordæmi allar slíkar tilraunir gagnvart öryrkjum. Öll lög sem eru byggð á hugmyndafræði starfsgetumats eru og verða skelfileg og ber að koma í veg fyrir að slíkt verði að lögum á Íslandi. Enda er skilyrðislaus krafa í stjórnarskrá Íslands um stuðning við fólk sem er ekki fært um að stunda atvinnu til þess að hafa í sig og á. Örorkubætur eru hluti af velferðarkerfinu og það á ekki að skerða slíkar bætur með neinum hætti eins og gert er í dag.

76. gr.
[Öllum, sem þess þurfa, skal tryggður í lögum réttur til aðstoðar vegna sjúkleika, örorku, elli, atvinnuleysis, örbirgðar og sambærilegra atvika.
Öllum skal tryggður í lögum réttur til almennrar menntunar og fræðslu við sitt hæfi.
Börnum skal tryggð í lögum sú vernd og umönnun sem velferð þeirra krefst.] 1)

Stjórnarskrá Íslands

Birt þann

Hið hættulega og öfgafulla íhald og afturhald í Vinstri Grænum

Ögmundur Jónasson [Wikipedia grein hérna] er einn af áhrifamönnum í Vinstri Grænum. Vegna hans eru Vinstri Grænir öfgafullur vinstri íhaldsflokkur sem er með efnahags og alþjóðastefnu sem er hættuleg íslenska ríkinu. Þetta þýðir einnig að Vinstri Grænir eru ekkert betri heldur sjálfstæðisflokkurinn, framsóknarflokkurinn og miðflokkurinn hvað þetta varðar.

Hugmyndafræði Ögmundar og fleiri sem eru á nákvæmlega sömu skoðun og hann er mjög einföld. Það á að einangra Ísland með öllum tiltækum ráðum. Vinsæl aðferð hjá þessum fávitum er að vitna alltaf til hina „vondu“ reglugerða og laga sem koma frá Evrópusambandinu (ESB) í gegnum Evrópska Efnahagssvæðið (EES). Það er talað um að Evrópusambandið og lög þess séu alltaf til vandræða og vond. Evrópusambandið er eingöngu vont ef að þú ert gjörspilltur stjórnmálamaður og ofan á það gjörsamlega vanhæfur einstaklingur til þess að vera í stjórnmálum almennt. Þökk sé Evrópusambandinu þá njóta íslendingar meira frelsis í dag en nokkurntímann eftir stofnun íslenska ríkisins (1918) og eftir að sjálfstæði fékkst frá Konungsríkinu Danmörku árið 1945. Árin sem Ísland var utan EFTA og EES voru þau ár þegar íslendingar þurftu að sæta gífurlegum takmörkunum á frelsi, hvort sem um var að ræða frelsi til þess að flytja inn vörur eða ferðast um Evrópu ásamt réttinum til þess að búa og starfa í Evrópu án þess að þurfa að sæta vegabréfatakmörkunum.

Ögmundur Jónasson kvart mikið undan áhrifaleysi gagnvart Evrópusambandinu (eins gera fleiri andstæðingar Evrópusambandsins). Ástæðan fyrir þessu er auðvitað sú að Ísland er ekki aðili að Evrópusambandinu. Ísland fær eingöngu aðgang að innri markaði Evrópusambandsins ásamt ferðafrelsi í gegnum tvíhliðasamninginn sem Evrópska Efnahagssvæðið er. Einhverjar athugasemdir geta EES ríkin gert í upphafi lagasetningarferlinu hjá Evrópusambandinu en það er mjög takmarkað ferli og ekki víst að þær athugasemdir lifi allt lagasetningaferlið hjá Evrópusambandinu vegna þess að Ísland á ekki neina fulltrúa sem koma að því ferli.

Önnur vinsæl þvæla hjá andstæðingum Evrópusambandsins er að halda því fram að landbúnaðarvara sem seld er innan Evrópusambandsins sé sýkt og samkvæmt nýjustu grein frá Ögmundi (sem er ástæðan fyrir þessum skrifum mínum) þá heldur Ögmundur fram þessum lygum í nýlegri grein í Morgunblaðinu (sem var víst birt í dag 26-Febrúar-2018). Þetta er allt saman haugalygi í Ögmundi og fleiri ESB andstæðingum um stöðu landbúnaðarvara innan ESB. Allur lagabálki Íslands um heilbrigði matvæla á Íslandi er kominn frá ESB. Ef íslendingar hefðu ekki tekið þau lög upp í íslenskum lagarétti þá hefði Evrópusambandið einfaldlega bannað innflutning á matvöru frá Ísland til Evrópusambandsins (fiskur, kjöt osfrv).

Það er alveg ljóst að Ögmundur Jónasson er öfgafullur íhaldsmaður þegar öfgafyllsta fólkið í sjálfstæðisflokknum tekur undir það sem Ögmundur Jónasson skrifar. Það þarf að verja Ísland gegn öfgafullum einstaklingum eins og Ögmundi Jónassyni. Menn og konur eins og Ögmundur Jónasson koma í veg fyrir framfarir og skerða réttindi almennings á Íslandi, fyrir utan alla þá spillingu sem þrífst í skjóli svona fólks og hugsunarháttar.