Category: Íslenska efnahagskreppan

Birt þann

Bjarni Ben laug í kvöldfréttum Rúv

Það var afskaplega áhugavert að fylgjast með kvöldfréttum Rúv núna í kvöld (31. Júlí 2010, þessi linkur verður óvirkur eftir tvær vikur þegar þetta er skrifað). Nefnilega í kvöldfréttum Rúv núna í kvöld var umfjöllun um Icesave málið, og þá það álit Framkvæmdastjórnar ESB að íslendingum beri að borga Icesave skuldina vegna ríkisábyrgðar sem á henni hvílir. Eins og margoft hefur verið bent á af lögfræðingum og fleirum. Bendi ég þá sérstaklega á umfjöllun Baldurs McQueen um Icesave í því efni.

Í fréttum Rúv var rætt við formann sjálfstæðisflokksins, hann Bjarna Benediktsson. Þar sem þetta hérna er haft eftir honum.

Bjarni Benediktsson, formaður Sjálfstæðisflokksins segir þessa skoðun óumdeilanlega styrkja stöðu Íslands. Hann segir að stjórnarandstaðan geti ekki unnið með ríkisstjórninni í Icesave-málinu ef hún ætlar ekki að nýta sé þá sterku stöðu sem komin er í deilunni með ummælum fulltrúa í framkvæmdastjórn Evrópusambandsins.

Þetta er rangt. Umrætt álit styrkir ekki stöðu Íslands, sérstaklega ef litið er til jafnræðisreglu ESB, sem kveður á um það að bannað sé að mismuna fólki eftir þjóðerni og búsetu. Það er nefnilega einmitt það sem íslensk stjórnvöld hafa verið að gera undanfarin ár, og það er algerlega óháð álitum Framkvæmdastjórnar ESB á því hvort að ríkisábyrgð sé á Tryggingarsjóðum banka eða ekki. Eingöngu á grundvelli jafnréttisákvæða ESB þurfa íslendingar að borga Icesave, enda var Icesave rekið sem útibú í Bretlandi og Hollandi. Það þýðir einfaldlega að innistæður sem voru tryggðar á Íslandi í Landsbankanum eru jafnframt tryggðar í erlendum útibúum Landsbankans af íslenskum stjórnvöldum. Þegar Bjarni Benediktsson heldur því fram að þetta hafi styrkt stöðu íslendinga í Icesave málinu, þá er hann einfaldlega að ljúga og blekkja fólk. Þar sem að staða íslendinga í Iceasve málinu hefur ekkert styrkt, reyndar er það þannig að Icesave málið hefur veikst gagnvart íslenskum stjórnvöldum undanfarna mánuði.

Það er ennfremur undarleg fullyrðing hjá formanni sjálfstæðisflokksins um að hann geti ekki unnið með ríkisstjórninni við að leysa þetta Icesave mál vegna ágreinings sem er ekki til staðar. Staðreynd er mjög einföld, sjálfstæðisflokkurinn var tilbúinn til þess að leysa Icesave málið á mun verri vaxtakjörum og með mun verri afborgunarkostum heldur en þeir samningar sem núna liggja fyrir og var hafnað í þjóðaratkvæðagreiðslu á Íslandi í Mars á þessu ári. Afstaða sjálfstæðisflokksins í Icesave málinu er því ekkert nema hrein tækifærismennska, og hefur alltaf verið það síðan þeir fóru í stjórnarandstöðu.

Það má ennfremur benda Bjarna Benediktssyni á það að ESA er ekki stofnun ESB, heldur er ESA stofnun EFTA sem íslendingar eru búnir að vera aðildar að síðan árið 1970

Frétt Rúv.

Staða Íslands sterkari í Icesave

Birt þann

Munu íslendingar fella sjálfa sig á sínu eigin bragði

Íslendingar í dag neita að borga það sem þeim ber. Það er Icesave skuldina, og þá væntanlega aðrar skuldir sem íslendingum ber að borga í kjölfarið á efnahagshruninu. Staðreyndin er sú að íslendingar stofnuðu til þessara skulda með glannalegri hegðun sinni hérna fyrir nokkrum árum síðan, tóku ekki mark á viðvörunum og gerðu lítið úr þeim sem vöruðu við hegðun þeirra erlendis og innanlands.

Þessi undanskot og brögð íslendinga til þess að forðast að borga réttmætar skuldir munu á endanum eingöngu koma niður á einum aðila. Íslendingum.

Birt þann

Glæpamaðurinn Davíð Oddsson

Á Morgunblaðinu er ritstjóri að nafni Davíð Oddsson. Þessi maður er glæpamaður samkvæmt Rannsóknarskýrslu Alþingis, glæpi Davíðs Oddsonar má lesa í Rannsóknarskýrslu Alþingis og vegna þess ætla ég ekki að útlista þeim nánar hérna.

Núna er þessi glæpamaður ritstjóri Morgunblaðsins vegna þess það hentaði hans glæpastarfsemi að stjórna fjölmiðli til þess að getað hótað fólki og samtökum sem Davíð Oddsyni er illa við. Sérstaklega er Davíð að beita sér gegn núverandi stjórnvöldum, sem eru þó ekki að gera annað en að þrífa upp klúðrið og skemmdarverk Davíðs eftir stjórnmálasetu hans undanfarna áratugi.

Íslendingar verða að átta sig á því að svo lengi sem þeir láta glæpamannin Davíð Oddsson stjórna sér, þá mun ekkert breytast á Íslandi. Þessi stjórnun kom augljóslega í ljós þegar Davíð sagði að íslendingar ættu ekki að borga erlendar skuldir „óreiðumanna“ sem hann studdi sjálfur og kom til áhrifa á Íslandi. Undir þessi orð Davíð var tekið í þjóðfélaginu með þeim afleiðingum að kreppan hefur lengst og heldur áfram að lengjast.þessa dagana.

Davíð er glæpamaður. Gallin er það er bara ekki búið að dæma Davíð fyrir þá glæpi sem hann hefur framið gegn íslensku þjóðinni undanfarin ár. Það er kominn tími á það að Davíð verði handtekinn og dæmur eins og hver annar glæpmaður hérna á landi.

Ég veit að margir íslendingar hugsa þetta, en enginn þorir að segja þetta. Ég ákvað að breyta því núna um alla framtíð.

Birt þann

Raunveruleikinn og Steingrímur J.

Það er alveg augljóst að Steingrímur J, þarf að komast í samband við raunveruleikann. Sérstaklega í ljósi þess að hann heldur að íslenska krónan sé betri en Evran. Hinsvegar í ljósi þessar skoðunar hjá Steingrími J, þá skora ég á hann að gera eitt nú þegar og án tafar.

Að fella nú þegar gjaldeyrishöftin úr gildi án nokkurar tafar og fara þess á leit við Seðlabanka Íslands að vextir verði lækkaðir niður í 1% (sama og á evrusvæðinu), og á sama tíma reyna að lækka verðbólguna niður í 1.5% eins og hún er á Evrusvæðinu. Hinsvegar veit ég að Steingrímur J. mun ekki gera neitt af þessu þar sem að hann veit alveg jafnvel og allir aðrir að krónan er ónýtur gjaldmiðill sem kemst ekki af án þess að vera í höftum, og almenningur blæðir fyrir þennan smánarlega gjaldmiðil með skertum kjörum, hærri vöxtum og hærri verðbólgu.

Steingrímur J, er í reynd að ljúga í þessu viðtali á Bloomberg þegar hann segir að krónan hafi bjargað íslendingum. Þetta er rangt, krónan er að sökkva íslendingum hægt en örugglega þessa dagna og hefur í reynd verið að gera það síðan 2008 og ekkert stoppar það ferli á næstunni. Þessar þjóðrómantísku hugmyndir Steingríms J, um krónuna eru ekkert nema bölvuð della sem eiga engan sinn líkan og eiga ekkert skylt við raunveruleikann hérna á Íslandi.

Steingrími J, og öðrum í Vinstri Grænum sem eru að deyja úr aðdáun á afrekum íslensku krónunnar væri og er hollast að viðurkenna hörmulegar staðreyndir um íslensku krónuna og kostnaðinn sem af henni hlýst. Svona áður en krónan sekkur íslenskum efnahag endanlega og varanlega á þeirri staðreynd að þetta er og hefur alltaf verið ónýtur gjaldmiðill.

Enda er staða íslensku króunar best lýst á því sem kemur fram á vefsíðu Seðlabanka Evrópu.

„Icelandic krona – The last rate was published on 3 Dec 2008.“

Tekið héðan.

Viðtalið við Steingrím J.

Iceland Better Off Than Greece Thanks to Krona, Sigfusson Says

Af Evrusvæðinu.

Eurozone inflation stays at 1.5 percent in April
Vefsíða Seðlabanka Evrópu

Birt þann

Þörf á rannsókn á Sérstökum Saksóknara ?

Það er orðið ljóst að það þarf að rannsaka embættisverk Sérstaks Saksóknara. Sérstaklega í ljósi þess að hann er farinn að hafna tilboðum um aðstoð frá rannsóknarsérfræðingum í fjárglæpum, sem er einmitt það svið sem Sérstakur Saksóknari á að vera rannsaka um þessar mundir.

Úr Morgunblaðinu (mbl.is).

Áður en Black kom í viðtal við Egil í dag var Þorvaldur Gylfason gestur Egils Helgasonar í Silfrinu. Hann sagðist vilja fá Black til þess að aðstoða við rannsókn sérstaks saksóknara líkt og Eva Joly gerir. Egill spurði Black út í þetta og sagðist Black vera meira en reiðubúinn til þess en sagði jafnframt að óvíst væri að hjálp hans yrði þegin vegna þess hve hart hann gagnrýni hluti hér.

Tekið héðan. Feitletrun er mín.

Á þessu má ráða að Sérstakur Saksóknari virðist vera sérstaklega vera að þvælast fyrir þeim rannsóknum á þeim málum sem viðkoma bankahruninu. Ef ekkert breytist, þá á að setja embættisverk Sérstaks Saksóknara í rannsókn og láta öðrum hæfnum einstaklingum eftir rannsókn þeirra mála sem tengjast bankahruninu.

Birt þann

Formaður framsóknarflokksins úti að aka

Formaður framsóknarflokksins, Sigmundur Davíð heldur því fram að íslenska Rannsóknarskýrslan eigi erindi við allan heiminn. Það sem Sigmundur Davíð fattar ekki, eða hreinlega veit ekki er að heimurinn hefur verið að semja svona rannsóknarskýrslur síðan efnahagskreppan hófst á sínum tíma, og í reynd verið að dæma þjófa og fjárhagsglæpamenn síðan efnahagskreppan skall á.

Sigmundur Davíð veit því ekkert um hvað hann talar þegar hann setur svona fram í fjölmiðlum, og það er augljóst að hann ætlar sér ekki að breyta neinu miðað við þessi orð hans. Enda er hérna á ferðinni sama þjóðernishyggja og felldi Ísland og íslendinga haustið 2008 og var spilað inná af gráðugum bankamönnum og stjórnmálamönnum.

Viðtal Morgunblaðið við formann framsóknarflokksins.

Skýrslan á erindi um allan heim

Birt þann

Sjálfstæðisflokkurinn og framsóknarflokkurinn búnir að vera á Íslandi

Miðað við efnisinnihald og það sem kemur fram í Rannsóknarskýrslunni þá er augljóst að sjálfstæðisflokkurinn og framsóknarflokkurinn eru búnir að vera sem stjórnmálaafl á Íslandi. Það er ennfremur ljóst að Davíð Oddsson á ekki afturkvæmt í íslenska umræðu, eða aðrir stjórnmálamenn sem skýrslan fjallar um. Gildir þá einu í hvaða stjórnmálaflokki viðkomandi aðili er í.

Birt þann

Fylgi sjálfstæðisflokksins á að vera 0 til 10%

Fylgi sjálfstæðisflokksins á í raun að vera 0 til 10%. Sérstaklega í ljósi þeirra glæpa sem margir flokksmenn sjálfstæðisflokksins hafa stundað gegn þjóðinni í mörg ár núna. Íslenska þjóðin kýs hinsvegar að gefa honum 40% stuðning (óákveðnir dregnir frá, sem eru 40% í dag) í könnunum.

Í góðri líkingu, þá má í raun segja að þjóðin sé tilbúinn að bjóða innbrotsþjófunum í kaffi á meðan þeir tæma húsið af öllu verðmætu.

Þetta er hinsvegar þó það sem rúmlega helmingur íslendinga vill í dag. Íslendingar ættu þó að fara varlega í það sem þeir vilja, þar sem þeim gæti orðið að ósk sinni einn daginn.

Birt þann

Íslendingar styðja spillinguna, glæpamennina og þjófana

Íslendingar virðast upp til hópa styðja glæpamennina, spillinguna og þjóðana ef eitthvað er að marka skoðanakönnun Fréttablaðins á fylgi stjórnmálaflokkana.

Þessi niðurstaða skoðanakönnunarinnar er auðvitað óþolandi að öllu leiti fyrir alla íslendinga sem vilja breytingar hérna á landi. Sérstaklega í ljósi þess að með sjálfstæðisflokkin við völd þá mun nákvæmlega ekkert breytast á Íslandi um aldur og æfi. Það er ennfremur ljóst með sjálfstæðisflokkin við völd þá verður ríkjandi hérna á landi spilling, óráðssíja og einkavinakerfi sem ýtir undir nýtt hrun í framtíðinni. Einnig sem að hagkerfið yrði óstöðugt vegna óstjórnar sjálfstæðisflokksins á efnahagsmálum Íslands eins og hefur verið síðustu ár.

Íslendingar tala mikið um að vilja nýtt Ísland. Staðreyndin er hinsvegar sú að flestir íslendingar kunnu vel við gamla Ísland, og alla spillinguna sem þar var að finna. Á meðan svo er, þá mun nákvæmlega ekkert breytast á Íslandi og engin vandamál munu verða leyst á meðan svoleiðs ástand ríkir.

Frétt Fréttablaðsins.

Fylgi stjórnarflokka fellur
Sjálfstæðisflokkur stærstur á ný með yfir 40% fylgi

Birt þann

Er Alex Jurshevski trúverðugur ?

Maður að nafni Alex Jurshevski hélt því fram í Silfri Egils núna í dag að íslendingar ættu ekki að taka fleiri lán til þess að endurfjármagna skuldir sínar. Það er nauðsynlegt að benda á að þessi maður vinnur hjá inniheimtufyrirtæki fyrir kröfuhafa. Þetta fyrirtæki heitir Recovery Partners. Þeir eru meðal annars með þá þjónustu að endurskipuleggja skuldir þjóða og fyrirtækja. Ásamt því að kaupa upp skuldir og fyrirtæki ódýrt, síðan endurskipuleggja þeir fyrirtækin og skuldirnar. Síðan endurselja þeir fyrirtækin og græða á öllu saman.

Það er einnig áhugaverð staðreynd að þessi sami maður kallaði eftir því að íslenska þjóðin segði nei við Icesave samningum (sem hún svo gerði). Við það lá að íslendingar færu í greiðsluþrot vegna þess að neitað var að borga skuldbindingar sínar. Sem betur fer tókst ríkisstjórn Íslands að bjarga því fyrir horn. Ef það hefði gerst, þá hefði fyrirtækið hans örugglega boðið fram þjónustu sína við að koma skuldum Íslands undir stjórn og leysa úr tengdum vandamálum.

Það er ennfremur nauðsynlegt að fyrirtækið sem þessi maður stjórnar (hann er CEO) stundar það að kaupa upp skuldir fyrirtækja og þjóða. Á þessu lifir síðan hann og fyrirtæki hans þegar farið er að innheimta skuldina.

Eins og segir í Kandadískri grein.

„It’s getting brutal out there. The meltdown in the subprime mortgage sector, with its no-down-payment loans to high-risk homebuyers, could cause 1.7 million Americans to lose their homes, sending shock waves through the housing sector. Several multi-billion-dollar investment funds have either collapsed or are struggling to survive. And stock markets the world over have been in free fall. Four years of optimism have suddenly given way to fear. Finally, things are starting to look up for Toronto money manager Alex Jurshevski.

If that sounds at all odd, it’s not. Jurshevski is CEO of Recovery Partners, an investment firm he launched in 2005 to pursue the risky strategy of buying portfolios of underperforming corporate loans from banks in North America and Europe. By snatching up the debt of struggling companies, he aims to take over the businesses, turn their fortunes around, and resell them. It’s a precarious strategy, akin, he says, to safely catching a falling knife, but it’s one that promises huge returns.

[…]

In short, these are the scavengers of the capitalist eco-system, a kettle of vultures circling the corporate carrion below. And the smell of blood is long overdue. Low interest rates and a flood of cash have helped many troubled companies skirt certain demise in recent years, which has led to an era of record low defaults and put a strain on the entire sector. „The whole industry has been depressed because of the default rate,“ says Jurshevski, who, despite having $500 million at his disposal, has yet to put any of it to work. Now, as the subprime mortgage collapse sends ripples beyond the housing sector, some foresee a credit crunch spreading to other sectors. „I hope so,“ he says. „All the bad loans have already been made. They’re just waiting to turn bad, like fruit left out on the counter.““

Credit Crisis Good for Liquidators (2007)

Þegar spurt er hvort að Alex Jurshevski sé trúverðugur maður. Þá er svarið nei. Hann mundi ennfremur græða stórar fjárhæðir á því að Ísland færi í þrot.

Frétt Rúv.

Óráðlegt að taka fleiri erlend lán