Category: Vinstri Grænir

Birt þann

Undarlegur málflutningur andstæðinga nýrrar stjórnarskrár Íslands

Í Morgunblaði dagsins í dag má finna eftirtaldar greinar, sem eru í heild sinni birtar á mbl.is af einhverjum ástæðum.

[…]„Það er í ætt við annað að ríkisstjórnin, sem ítrekað neitaði að láta fara fram þjóðaratkvæðagreiðslu um Icesave-samningana sem hún gerði við Breta og Hollendinga og sem neitaði að láta fara fram þjóðaratkvæðagreiðslu um hvort sótt yrði um aðild að Evrópusambandinu, ætli nú að stefna landsmönnum til atkvæðagreiðslu um eigið gælumál, atlöguna að stjórnarskrá lýðveldisins“[…]

Bergþór Ólason, grein í Morgunblaðinu þann 19.10.2012. Frétt undir heitinu Tillaga sem verður að fella.

Það hefði nú verið betra ef engin þjóðaratkvæðagreiðsla hefði verið haldin um Icesave. Aftur á móti er stjórnarskrá Íslands annað mál. Enda er hérna eingöngu um að ræða innanríkismál íslendinga, ekki alþjóðlegt mál eins og Icesave. Þessi málflutningur í heild sinni er ekkert nema kjaftæði, sem styðst ekki við nein haldbær rök. Heldur er hérna verið að spila inn á tilfinningar fólks og ótta.

Þetta er þó ekki að versta sem ég hef séð í dag. Ég geymi það besta hérna fyrir neðan.

Það er staðreynd að Lögmannafélag Íslands er eitt stærsta félag sjálfstæðismanna sem er að finna innan lögmanna á Íslandi. Þetta félag hefur þann eina tilgang að verja hagsmuni sjálfstæðisflokksins þegar svo ber undir.

[…]
Hindri aldursviðmið í lögum

Á meðal þess sem laganefndin lýsir áhyggjum af er sú tillaga í mannréttindakaflanum að ekki megi mismuna vegna „kynferðis, aldurs, arfgerðar, búsetu, efnahags, fötlunar, kynhneigðar, kynþáttar, litarháttar, skoðana, stjórnmálatengsla, trúarbragða, tungumáls, uppruna, ætternis og stöðu að öðru leyti“.

Þannig gæti bann við mismunun vegna tungumáls orðið til þess að ekki mætti láta íslenskukunnáttu eða kunnáttu á öðru tungumáli vera ráðandi þátt við ráðningu í starf. Jafnvel gæti það þýtt að ekki væri hægt að gera kröfur til umsækjenda um gott málfar.

Þá gæti bann við mismunun á grundvelli aldurs takmarkað heimild löggjafans til að festa í lög aldursviðmið, til dæmis hæfnisskilyrði til að hljóta embætti, að mati nefndarinnar. Ákvæði um að ekki megi mismuna eftir búsetu gætu að sama skapi haft áhrif á mikilvæg lög eins og lög um tekjuskatt og gjaldeyrismál, að því er segir í álitinu.
[…]

Frétt Morgunblaðsins, Tillögurnar þurfi að endurskoða, 19.10.2012.

Þessi útskýring hjá Lögmannafélagi Íslands er ekkert annað en haugalygi. Þarna er ekki verið að tala um veitingu embættis eða þannig hluta. Það þarf ekki vera lögfræðingur til þess að sjá þessa staðreynd. Útskýring Lögmannafélags Íslands um tungumálið er alveg jafn fáránleg og á ekki við nein rök að styðjast. Þetta er þó ekki toppurinn á því kjaftæði sem kemur núna frá Lögmannafélagi Íslands.

[…]
Óvissa varðandi dreifingu barnakláms

Nefndin telur að breytingar sem stjórnlagaráð leggur til á tjáningarfrelsisgrein stjórnarskrárinnar breyti því efnislega. Með því að fella út takmörkun á tjáningarfrelsi með vísan til siðgæðis kunni að skapast mikil réttaróvissa um heimildir hins opinbera til þess að banna dreifingu á klámi eins og almenn hegningarlög kveða nú á um. Sérstaklega bendir nefndin á að óvissa gæti skapast um viðurlög gegn dreifingu á barnaklámi.

Þá telur nefndin að breytingar á ákvæðinu um félagafrelsi kunni að fela í sér takmarkanir á möguleikum ríkisins til þess að grípa til ráðstafana til dæmis gegn skipulögðum glæpasamtökum, þjóðernishreyfingum og öðrum félögum með ólöglegan tilgang.
[…]

Frétt Morgunblaðsins, Tillögurnar þurfi að endurskoða, 19.10.2012.

Þessi útskýring Lögmannafélags Íslands er fáránleg. Stjórnarskráin takmarkar ekki nein lög sem banna glæasamtök, barnaklám og aðra glæpi. Það að teygja hlugtakið „tjáningarfrelsi“ til hluta sem hafa ekkert með tjáningarfrelsi að gera er ógeðfelld lygi og útúrsnúningur. Enda er hérna á ferðinni ályktun sem hefur eingöngu þann tilgang að þjóna sem áróður fyrir sjálfstæðisflokkinn sérstaklega. Enda hefur sjálfstæðisflokkurinn verið hvað mest á móti auknu og sterkara lýðræði á Íslandi. Þetta hérna er þó ekki öll vitleysan sem hefur komið frá Lögmannafélagi Íslands í þessu máli. Þeir toppuðu sjálfan sig í kjaftæði með þessu hérna.

[…]
Nýting sólarljóss takmörkuð?

Notkun á hugtakinu „þjóðareign“ í 34. grein tillagna stjórnlagaráðs sætir gagnrýni laganefndarinnar enda sé það ekki skýrt og hafi verið umdeilt. Þá gerir nefndin athugasemd við orðið „náttúrugæði“ í annarri málsgrein ákvæðisins þar sem hluti þess sem telst til auðlinda í þjóðareign sé skilgreindur. Það orðalag gæti gefið til kynna hvers kyns gæði, jafnvel sólarljós eða andrúmsloft. Svo víðtæk skilgreining gæti haft ófyrirséð áhrif, til dæmis að nýting sólarljóss á Íslandi yrði takmörkuð. Ekki sé ljóst hvort tilgangur ákvæðisins sé svo víðtækur en orðalagið verði að teljast varhugavert.
[…]

Frétt Morgunblaðsins, Tillögurnar þurfi að endurskoða, 19.10.2012.

Síðast þegar ég gáði. Þá er sólarljós endalaus uppspretta orku á Íslandi. Þannig að þessi „rök“ Lögmannafélag Íslands halda ekki vatni frekar en fjármálastjórnun Davíðs Oddssonar þegar hann gerði Seðlabanka Íslands gjaldþrota. Þessar fullyrðingar eru svo kjánalegar að það er ekki einu sinni fyndið. Eru virkilega menntaðir lögmenn í Lögmannafélagi Íslands? Það er ótrúlegt að þessu fólki hafi dottið í hug að láta þetta kjaftæði koma frá sér. Sérstaklega þar sem þetta stenst alls ekki neinar rökhugsun af neinu tagi. Síðan dettur þessu fólki í huga að hægt sé að taka það alvarlega. Maður þarf að vera alvarlega heimskur til þess að taka þessa yfirlýsingu Lögmannafélags Íslands alvarlega.

Birt þann

Má bjóða þér innflutningshöft?

Ef andstæðingar Evrópusambandsins hafa sitt fram. Þá er ljóst að íslendingar munu þurfa að taka upp innflutningshöft að nýju í kjölfarið á ennþá hertari gjaldeyrishöftum. Enda er það ljóst að ef þeir hörðustu ESB andstæðingar ná sínu fram. Enda vilja sumir andstæðingar ESB á Íslandi segja upp EES samningum og það er full ástæða til þess að óttast það þjóðrembingslega viðhorf sem þarna er á ferðinni.

Það sem íslendingar geta hlakkað til, ef allt fer á versta veg er að standa í röð fyrir utan búð með skömmtunarmiða. Það verður gamall stíll yfir því fyrir marga sem muna eftir síðasta skömmtunartímabili á Íslandi. Sem var á árinum 1948 til ársins 1960 rúmlega.

Birt þann

Ögmundur Jónasson er hættulegur frelsi almennings á Íslandi

Það er orðið alveg ljóst eftir síðustu bloggfærslu Ögmundar Jónassonar að hann er hættulegur frelsi almennings á Íslandi. Enda lætur þessi núverandi ráðherra dómsmála á Íslandi vafasamar fullyrðingar konu frá Bandaríkjunum fjarlægja alla rökhugsun og skynsemi hjá Ögmundi. Eins og ég hef bent á í fyrri bloggfærslum mínum um umrædda konu. Þá er ekkert til í þessum fullyrðingum hennar. Hvorki að hluta eða heild.

Klámefni er löglegt í Danmörku og hefur verið það síðan árið 1967. Án nokkura sýnilegra slæmra áhrifa á almenning síðan klám var gert löglegt í Danmörku. Þetta eru 45 ár af löglegu klámi, án nokkura af þeim áhrifum sem Ögmundur fullyrðir núna í nýjasta bloggfærslu sinni um áhrif kláms á almenning. Það er ekki klám sem er ógn við almannaheill. Það er fólk eins og Ögmundur og Gail Dines sem er ógn við almannaheill. Í sumum löndum heims er svona fólk kallað talíbanar.

Klám í Danmörku

Pornography in Denmark (Wiki)

Bloggfærsla Ögmundar Jónassonar

KLÁMIÐNAÐURINN: ÓGN VIÐ ALMANNAHEILL (ogmundur.is, og Ögmundur skrifar í caps lock titlana á bloggfærslunum sínum.)

Birt þann

Áframhaldandi hótanir um ofbeldi á Vinstri vaktin gegn ESB bloggsíðunni

Bloggsíðan Vinstri vaktin gegn ESB er orðin þekkt fyrir það að leyfa hótanir um ofbeldi í athugasemdum hjá sér. Það þýðir lítið að tala við rekstraraðila blog.is. Þar sem Ragnar Arnalds, sem er ábyrgðarmaður fyrir þessu bloggi er sérstaklegur vinur Davíðs Oddssonar ritstjóra Morgunblaðsins virðist vera. Því er ekkert gert í þessu. Staðreyndin er hinsvegar sú að heilu bloggunum hefur verið lokað á blog.is fyrir minni sakir en það sem fer á bloggi Ragnar Arnalds.


Maður sem kallar sig palli að hóta manni að nafni Ásmundur ofbeldi í athugasemd. Hægt er að lesa þetta í heild sinni hérna. Ásamt fleiri soralegum athugasemdum frá palla og öðrum ESB andstæðingum.

Ég er hættur að setja inn athugasemdir á þetta blogg. Enda finnst mér ekkert áhugavert að vera hótað ofbeldi fyrir það að hafa rétt fyrir mér. Staðreyndin er að málflutningur ESB andstæðinga er til skammar og hefur alltaf verið til skammar. Ein að þeim aðferðum sem ESB andstæðingar fá fólk til fylgis við sinn málstað er með hótunum, jafnvel atvinnumissi ef svo ber undir. Slíkt er nefnilega alltof algengt á Íslandi. Jafnvel þó svo að almenningi sé talin trú um annað í fjölmiðlum og af stjórnmálaflokkum sem stunda slíka hegðun þegar sérhagsmunum þeirra er ógnað.

Uppfærsla 1: Ennþá heldur umræddur palli áfram. Núna segir hann Ásmundi að hann eigi að skera sig á háls. Sjá skjáskot hérna fyrir neðan.


Athugasemd þar sem palli segir Ásmundi að hann eigi að skera sig á háls. Allar athugasemdinar er hægt að finna hérna í heild sinni.

Bloggfærsla uppfærð klukkan 14:50 UTC þann 14.10.2012.

Birt þann

ESB andstæðingar hrynja

Það er áhugavert að skoða samband ESB andstöðuna á Íslandi og tengsl þeirra við útrásina fram til ársins 2008. Segja má að ESB andstaðan í dag eins og hún leggur sig er öll fjármögnuð með peningum sem komið hefur verið undan (undantekningin er Bændasamtök Íslands, sem íslenska ríkið fjármagnar upp í topp. Auk einstakra styrkja sem ríkið úthlutar).

Staða Heimssýnar er nokkuð sérstök. Innan Heimssýnar er aðallega að finna sjálfstæðismenn, framsóknarmenn og Vinstri Græna. Þarna halda Vinstri Grænir í höndina á sjálfstæðismönnum og framsóknarmönnum í afskaplega vafasömu bandalagi gegn Evrópusambandinu og aðild Íslands að því. Bókhald Heimssýnar er lokað öllum. Aftur á móti þarf maður ekki að skoða þá lengi sem standa að Heimssýn til þess að sjá hvernig málum er háttað í þessu félagi. Það er síðan þekkt staðreynd að LÍÚ styrkir Heimssýn með beinum fjárframlögum.

Á vinstri kantinum er síðan að finna öfgafólk eins og Ragnar Arnalds, Ögmund Jónason og fleiri einstaklinga. Þetta fólk á það sameiginlegt að aðhyllast stefnu sem mundi einangra Ísland algerlega frá alþjóðlegum viðskiptum og samskiptum við aðrar þjóðir. Þar á meðal önnur norðurlönd og önnur lönd í Evrópu. Ragnar Arnalds sem dæmi hefur verið á móti öllum alþjóðlegum viðskiptasamningum (og öllu erlendu reyndar) íslendinga síðan hann hóf afskipti af stjórnmálum. Sérstaklega hefur Ragnar Arnalds þó verið á móti aðild Íslands að EFTA, EES og núna ESB. Enda er það staðreynd að Ragnar Arnalds, eins og Ögmundur Jónasson er ekkert nema kommúnistar af gömlu gerðinni.

Þetta er fólkið sem hefur alltaf verið á móti samskiptum Íslands við umheiminn. Enda fylgir það hugmyndafræðinni um sjálfsþurftarbúskap. Í Sjálfstæðisflokknum og Framsóknarflokknum er það ný-frjálshyggjan og græðgin sem ræður ferðinni gegn Evrópusambandinu og hugsanlegri aðild Íslands. Þetta er í reynd stefna sem hafa á fyrri tíð átt sinn þátt í erfiðri efnahagslegri stöðu Íslands. Ný-frjálshyggjan á Íslandi lagði síðan allt í rúst árið 2008, og neitar síðan að bera ábyrgð á því núna. Stendur síðan í vegi fyrir breytingum sem geta vel komið í veg fyrir annað svona efnahagshrun eins og það varð á Íslandi árið 2008.

Birt þann

Borgar sig líklega ekki að kæra Ragnar Arnalds (Vinstri vaktin gegn ESB)

Það hefur komið í ljós hjá mér að það borgar sig ekki að kæra Ragnar Arnalds fyrir að leyfa hótanir á Vinstri vaktin gegn ESB blogginu. Ástæðan er mjög einföld. Það er lítið um heimtur í svona málum á Íslandi. Jafnvel þó svo að lög hafi verið þverbortin í þessu tilfelli. Enda var sagt við mig á bloggi Vinstri vaktin gegn ESB að drepa mig, og að það ætti að ráðast á mig og mér hótað líkamsárás.

Hérna eru nokkur dæmi um það sem ég fengið að heyra á bloggsíðu sem Ragnar Arnalds rekur. Svo að það sé á hreinu. Þá gerir Ragnar Arnalds ekkert í þessu, og Morgunblaðið neitar að gera eitthvað í þessu.


Það hefur mun meira komið frá þessum einstakling þarna, og margt af því mun verra en þetta. Þessi maður hefur meðal annars sagt mér að fremja sjálfsmorð eins og ég nefni hérna að ofan. Einnig sem hótanir um ofbeldi gegn mér hafa komið fram hjá þessum einstakling. Ekki hefur verið brugðist við þessu. Morgunblaðið neitar að gera neitt í þessu með þessum orðum.

Sæll Jón,
Við bendum þér á að leita til eiganda vefsíðunnar sem um ræðir með umkvartanir þínar. Eigandi síðunnar ber ábyrgð á því sem hann leyfir að þar birtist, hvort sem er eigin færslum eða athugasemdum annarra. Þér er einnig vitanlega frjálst að leita réttar þíns fyrir dómstólum teljir þú á þér brotið.

Með kveðju,
Soffía – blog.is

—–Original Message—–

Góðan dag,

Á bloggsíðu Vinstri vaktinn gegn ESB er stöðugt verið að brjóta skilmála í athugasemdakerfinu hjá þeim. Það er gert með stöðugum hótunum að hendi manns sem kallar sig „palli“ í minn garð og annara sem hann er ekki sammála.

Ef ekkert verður gert hjá Árvaki hf, vegna þessa. Þá mun ég kæra málið til lögreglunnar á Íslandi.

Hérna er gott dæmi um hótanir og slíkt sem ég hef orðið fyrir hjá þessum einstakling. Þessi maður hefur meðal annars hótað mér líkamsárás og fleira í þeim dúr í eldri athugasemdum.

http://vinstrivaktin.blog.is/blog/vinstrivaktin/entry/1259657/#comment3363183

Kveðja,

Jón Frímann Jónsson

Skilmálar blog.is gilda meira fyrir suma en aðra. Enda stendur þetta í þeim meðal annars.

[…]

Notanda er óheimilt að miðla eða dreifa efni sem felur í sér áreiti, hótanir eða telst vera ærumeiðandi, óviðurkvæmilegt, klámfengið eða kann að vera til þess fallið að brjóta í bága við lög og reglur. Notanda er óheimilt að miðla háði, rógi, smánun, ógnun eða ráðast á mann eða hóp manna vegna þjóðernis, litarháttar, kynþáttar, trúarbragða eða kynhneigðar, sbr. 233. gr. a. almennra hegningarlaga nr. 19/1940.

Notandi ber ábyrgð á efni sem hann birtir á bloggi sínu. Hafi notandi gefið öðrum aðilum heimild til nýta notendanafn og lykilorð sitt ber hann fulla ábyrgð á skrifum sem þannig birtast. Leyfi notandi öðrum að skrifa á blogg sitt ber hann ábyrgð á þeim skrifum.

blog.is áskilur sér allan rétt til að fjarlægja eða breyta efni sem birtist á blogginu telji umsjónarmenn bloggsins það vera ósamrýmanlegt þessum notendaskilmálum.

Notanda er óheimilt að trufla samskipti á blogginu með síendurteknum skilaboðum og ruslpósti (spam). Persónulegar árásir á notendur bloggsins eða aðra geta leitt til þess að bloggsíðu viðkomandi verði lokað að hluta eða algjörlega og girt fyrir aðgang hans að blogginu.

[…]

Þetta stendur svart á hvítu þarna á vefsíðu blog.is. Engu að síður ákveður blog.is að hunsa sínar eigin reglur í þessu tilviki. Það eru sumir jafnari en aðrir á Morgunblaði Davíðs Oddssonar og LÍÚ. Það er alveg ljóst eftir þetta.

Ég er hættur að skrifa inn athugasemdir á Vinstri vaktin gegn ESB. Ástæðan er mjög einföld. Ég nenni ekki að skrifa þarna inn athugasemdir sem byggja á staðreyndum til þess eins að fá yfir mig hótanir og skilaboð þess efnis að ég eigi að drepa sjálfan mig. Ásamt því að ég sé ógeðfelldur, geðveikur og fleira eftir því.

Þar sem ekki borgar sig fyrir mig að kæra þetta fólk. Þá er alveg ljóst að það borgar sig fyrir mig að berjast enn harðar gegn málflutningi þeirra á mínu eigin bloggi. Enda sé ekki neina ástæðu til þess að láta lygar ESB-andstæðinga standa án þess að gerðar séu alvarlegar athugasemdir við þær. Slíkt jafngildir uppgjöf að mínu mati og slíkt væri sigur fyrir ESB andstæðinga. Það er staða sem ég mun aldrei sætta mig við að verði staðan á Íslandi.

Birt þann

Hefur Vinstri vaktin gegn ESB tekið sig á?

Eftir að ég fór að tala opinberlega um að fara í mál við Vinstri vaktina gegn ESB þá hefur ekkert komið frá notanda sem kallar sig „palli“. Ekkert hefur þó heyrst frá Ragnari Arnalds um þetta mál, en hann er bæði rekur umrædda bloggsíðu og er ábyrgðarmaður hennar. Á meðan ég sé ekki annað en að Vinstri vaktin gegn ESB hafi tekið sig á. Þá sé ég enga ástæðu til þess að kæra vefinn til lögreglunar á Íslandi, og hefja þar með ferli sem er bæði leiðinlegt og tímafrekt fyrir alla aðila. Verði ég hinsvegar var við að þetta haldi áfram, án athugasemda eða inngripa stjórenda umræddrar bloggsíðu. Þá mun ég hefja aftur ferlið sem ég þarf að fara í til þess að kæra svona ummæli og hótanir til lögreglunar á Íslandi.

Ég er ekki sá eini sem hef hugað að svona aðgerðum. Fyrir nokkru síðan var kona sem skrifaði grein á Vísir.is, og fékk frekar óblíðar móttökur (ég finn hvorki greinina eða man nafnið á viðkomandi konu. Þannig að ég verð að bíða með að setja inn tengil á umrædda grein og tengda frétt). Neyddist sú kona til þess að kæra umtalsvert af athugasemdum sem skrifaðar voru undir nafni til lögreglunar.

Það er skammarleg staðreynd að íslenska umræðan á internetinu er oft á tíðum svo slæm að hún er ekki einu sinni hinum verstu tröllum á internetinu bjóðandi, og þá er nú mikið sagt. Hvert þetta mál mun fara veit ég ekki. Það mun bara koma í ljós á næstu dögum til vikum.

Birt þann

Ætla að kæra Vinstri vaktin gegn ESB fyrir meiðyrði og hótanir gegn mér í athugasemdum

Ég hef tekið þá ákvörðun að kæra bloggsíðuna Vinstri Vaktin gegn ESB fyrir óhróður sem er rekin gegn mér í athugasemdum þess blogg af hálfu nafnlausra aðila. Vinstri Vaktin gegn ESB hefur ennfremur ekki svarað í neinu eða gert neitt af sinni hálfu til þess að kom í veg fyrir umræddan óhróður, hótanir og meiðyrði í minn garð. Jafnvel eftir að ég bað stjórendur vefsins að koma í veg fyrir umræddar athugasemdir og jafnvel bannað viðkomandi einstakling. Af þeim sökum þá lít ég réttilega svo á að Vinstri vaktin gegn ESB taki ábyrgð á umræddum athugasemdum og hugsanlega þeim aðila sem setti þær inn. Umræddur aðili hefur meðal annars hótað mér líkamsárásum og hefur kvatt til þess að ég drepi sjálfan mig. Einnig sem að umræddur aðili sem kallar sig „palli“ hefur kvatt annað fólk til þess að drepa sjálft sig. Þetta hefur viðkomandi gert oftar en einu sinni, án þess að stjórnendur vefjaranis hafi nokkuð gert í málinu eða komið í veg fyrir þessa hegðun á þeirra bloggi. Það er þannig að frjáls umræða er ekki það sama og stjórnlaus umræða. Frelsi fylgir alltaf ábyrgð. Það á við í þessu tilfelli eins og annarstaðar.

Af minni hálfu þá hef ég gert allt sem er í mínu valdi stendur til þess að stoppa þetta af. Þá án þess að þurfa leita til lögreglunar á Íslandi. Enda lít ég á það skref sem síðasta skrefið ef allt annað hefur klikkað. Ég reikna fastlega með að senda kæruna til Lögreglunnar í Reykjavík ásamt viðbótargögnum í fyrstu viku Október 2012 (vika 40). Enda tekur úrvinnsla gagna smá tíma hjá mér.

Hérna eru síðustu ummæli einstaklings sem kallar sig „palli“ gegn mér. Þetta er ófögur lesning. Hægt er að sjá þetta í heild sinni hérna (væntanlega í einhvern tíma eftir að þessi bloggfærsa kemur fram á vef Vinstri vaktin gegn ESB á blog.is).


Ég sé enga ástæðu til þess að sitja undir svona hótunum og vera sagt að ég eigi að drepa sjálfan mig. Þetta er einnig rafrænt einelti í sinni verstu mynd. Enda er umræddur maður að reyna þagga niður í mér með hótunum um líkamsárásir og annað slíkt. Ég sé einfaldlega enga ástæðu til þess að lýða slíkt. Ég er tilbúinn til þess að koma þeim sem standa í svona hegðun fyrir dómstóla. Ég er einnig tilbúinn til þess að koma þeim fyrir dómstóla sem heimila svona hegðun. Í þessu tilfelli er það Vinstri vaktin gegn ESB.

Þær athugasemdir sem ég fengið frá þessum manni sem kallar sig „palli“ telja í tugum. Allar eru þær á sama veg. Þetta hérna að ofan er þó það versta sem hefur komð frá umræddum manni hingað til. Hefur slóð athugasemda hans hingað til ekki verið fögur eða verið til eftirbreitni.

Vinstri vaktin gegn ESB getur komið í veg fyrir þessa kæru með því að taka ábyrgð á því sem er skrifað í athugasemdir á þeirra blogg. Þá með því að eyða og útiloka umræddan mann sem kallar sig „palli“. Að öðrum kosti hef ég ekki neinn annan valkost en að kæra Vinstri vaktin gegn ESB til lögreglunar í Reykjavík, ásamt umræddum manni sem kallar sig „palli“.

Uppfært: Ég gef Vinstri vaktinni gegn ESB færi á að taka til hjá sér. Enda er lögsókn mikið mál, tímafrekt og ekkert nema leiðindi fyrir alla aðila. Aftur á móti eru fyrstu viðbrögð eins og hægt er sjá hérna ekkert upplífgandi. Enda er notandinn „Elle“ tengdur Vinstri vaktinni gegn ESB, aftur á móti veit ég ekki hvort að viðkomandi hafi einhver áhrif á ritstjórnarstefnu Vinstri vaktin gegn ESB. Ef þetta er viðhorfið hjá stjórendum umræddar bloggsíðu (þeir eru fleiri en einn). Þá mun ég senda þetta mál sína leið í gengum íslenska dómskerfið. Með öllum þeim kostnaði og leiðindum sem fylgja slíku ferli.

Uppfært klukkan 22:54 UTC þann 22.09.2012.

Birt þann

Svikabrigsl Ögmundar Jónassonar

Það er ansi lágt risið á Ögmundi um þessar mundir. Enda sekkur hann stöðugt dýpra í sína eigin blekkingu og ranghugmyndir. Núna síðast skrifaði hann þetta á bloggsíðuna sína.

[…]

Á fundi ríkisstjórnarinnar 13. júlí sl. komu samningsamarkmið Íslands í peningamálum til umfjöllunar, svo og aftur 21. ágúst eftir þessi svikabrigslaskrif Þorsteins Pálssonar, sem af hálfu stjórnvalda gegnir trúnaðarstöðu í ESB ferlinu. Hið rétta er að þrír fyrirvarar komu fram á þessum fundum: Varðandi afnám gjaldeyrishafta; varðandi inngöngu í ERM II gjaldeyrissamstarfið og varðandi upptöku evru.

[…]

ESB OG LÝÐRÆÐISRÉTTURINN – Vefsíða Ögmundar Jónassonar þann 1.09.2012

Það er talsvert sérstakt að ráðherra í ríkisstjórn Íslands skuli saka samningamann í samninganefnd Íslands gagnvart Evrópusambandinu um Svikabrigsl. Þetta ætti svo sem ekki að koma á óvart. Þar sem hugmyndafræði Ögmundar gengur fyrst og fremst útá völd, stjórnun og almennt séð græðgi.

Það kemur almenningi á Íslandi ennfremur ekkert við þó svo að Ögmundur vilji ekki ganga í Evrópusambandið. Það er eingöngu hans skoðun. Það er ennfremur ólýðandi að ráðherra í ríkisstjórn Íslands skuli vera að grafa svona undan samninganefnd Íslands gagnvart Evrópusambandinu eins og hérna er verið að gera.

Birt þann

Stjórnmálamenn kalda stríðsins á Íslandi

Á Íslandi eru óvenjumargir stjórnmálamenn sem eru fastir í kalda stríðinu. Jafnvel þó svo að því hafi lokið með hruni Sovétríkjanna árið 1991. Umræddir stjórnmálamenn hugsa og tala eins og kalda stríðið sé ennþá í fullum gangi, og hætta á að Evrópa verði undirlögð af kommúnistum þá og þegar í atómískum sprengingum einn daginn.

Ögmundur Jónason er einn þessara stjórnmálamanna á Íslandi. Hann horfir til Evrópu og afreka evrópskra þjóða með fyrirlitningu og kallar afrek Evrópuríkjanna til lýðræðis og friðar í álfunni „eldhaf“ og „eldvatn“. Það eru fleiri stjórnmálamenn á Íslandi sem eru svona. Þar á meðal Jón Bjarnarson, Sigmundur Davíð, Bjarni Ben og fleiri. Það eru heilu stjórnmálaflokkanir á Íslandi sem horfa til Evrópu með fyrirlitningu. Vegna þess að Evrópu hefur tekist það sem íslendingum hefur mistekist.

Að viðhalda efnahagslegum stöðugleika og lífsgæðum sem finnst ekki á Íslandi.

(Noregur er ríka hrokafulla þjóðin í Evrópu. Þeir verða svona þangað til olían klárast hjá þeim. Hvenar svo sem það gerist. Sviss er lokaðasta ríki Evrópu. Þökk sé beinu lýðræði sem er stundað þar í landi.)