Category: Fjölmiðlar

Birt þann

Auðlindinar og þjóðremaban

Á Íslandi tíðkast það að nota auðlindirnar til þess að æsa fólk upp í heimskulegri þjóðrembu. Oftar en ekki eru notuð slagorð sem ganga útá það að vondir útlendingar séu að fara að stela auðlindum af íslendingum og af þeim sökum þurfi að vernda auðlindar sérstaklega fyrir vondum útlendingum. Stundum er vísað í dæmi frá suður Ameríku þar sem bandarísk fyrirtæki keyptu allan rétt af spilltum stjórnmálamönnum varðandi auðlyndir í viðkomandi löndum. Á Íslandi skipta staðreyndir engu máli í þessari umræðu. Þar sem það er þjóðremban sem ein skiptir máli hérna.

Núna stígur Fjármálaráðherra, Steingrímur J. og þykist getað afturkallað EES tilskipun varðandi aðskilnað á framleiðslu og sölu á raforku. Ennfremur þykist Steingrímur getað takmarkað eignarhald á orkufyrirtækjum á Íslandi með lagabreytum. Það er auðvitað staðreynd að með þessum yfirlýsingum sínum þá er Steingrímur J. að lýsa því yfir að íslendingar ætli sér ekki að lúta þeim skilmálum sem þeir hafa skrifað undir varðandi EES samninginn. Kannski vill Steingrímur J. bara segja upp EES samningum svo að hann geti reist múra í kringum þjóðrembuna sína og til þess að vernda Ísland og íslendinga gegn vondum útlendum sem ætla sér að stela auðlindum íslendinga og ræna íslendinga inn að beini. Svörin við þessu veit enginn nema Steingrímur J. og hann verður að svara þeim sjálfur.

Ósannsögli íslendinga í þessari umræðu verður rannsóknarefni þjóðsagnarfræðinga og annara fræðinga þegar fram líða stundir. Þar sem hátt settir íslendingar, bæði í ríkisstjórn og utan hennar komast stöðugt upp með því að ljúga í fjölmiðlum varðandi stöðu auðlynda íslendinga gagnvart lögum.

Staðreyndin er nefnilega sú að öll ríki heimsins viðurkenna rétt ríkja til þess að nýta auðlyndir sínar á þann hátt sem þeim þóknast. Þetta gildir líka innan ESB, þó er þar gerði sú krafa til aðildarríkja að þau leyfi frjálsa fjárfestingu á þessu sviði eins og öðrum. Eitthvað sem íslendingar hafa reyna að koma sér undan undanfarin ár og eru að auki með sérstaka undanþágu í þeim efnum varðandi fjárfestingu erlendra aðila í íslenskum sjávarútvegi. Það er þó athyglisvert að allir vita, og þá ráðmenn sérstaklega að það er ekki í neinu að óttast varðandi fjárfestingar erlendra aðila á Íslandi. Svo lengi sem öllum leikreglum er fylgt og ekki sé um að ræða samninga sem byggja á spillingu og óeðlilegum samningum.

Afstaða íslendinga og hugmyndir þeirra til útlendinga, sem hafa áhuga á því að fjárfesta á Íslandi er mjög óeðlileg og á rætur sínar að rekja í umræðu sem byggir á hræðsluumræðu hagsmunaafla á Íslandi. Þessi hagsmunaöfl nota nefnilega hræðsluáróður og ótta til þess að koma sínu fram á Íslandi, og hafa alltaf gert það.

Það er þó alveg ljóst að Steingrímur J. getur ekki löglega afturkallað EES tilskipuna úr íslenskum lögum. Þessi tilskipun stendur sama hvað Steingrímur Joð tuðar mikið yfir því á næstunni. Eina leiðin til þess að fella þessa tilskipun úr gildi er með því að Ísland gangi úr EES og við taki ástand og tollaumhverfi sem var í gildi áður en Ísland varð hluti af innri markaði ESB í gengum EES samninginn.

Það er ennfremur augljóst að það er hagur ákveðna hópa íslendinga að á Íslandi sé lagaumhverfi til staðar sem tryggir yfirráðarétt þessa fólks yfir auðlindum á Íslandi. Enda er einfalt að vera stór fiskur í lítilli tjörn, heldur en lítill fiskur í stóru hafi.

Frétt Vísir.is um yfirlýst blaður Steingríms Joð.

Mistök að innleiða ESB-tilskipun um orkumál (Vísir.is)

Birt þann

Öngstræti Morgunblaðsins

Morgunblaðið er komið í öngstræti vegna ESB aðildarviðræðna Íslands og ESB. Þetta öngstræti Morgunblaðsins er til komið vegna þess að gegndarlaus hræðsluáróður Morgunblaðsins gegn ESB aðildarviðræðum Íslands virkar ekki og hefur ekki virkað núna í langan tíma. Þessi hræðsluáróður Morgunblaðsins gegn ESB nær eingöngu til lítil hóps á Íslandi og þetta er sá hópur sem hefur hópast í kringum Davíð Oddsson og þau hægri öfgaöfl sem eru í kringum hann. Einnig sem að þetta hefur að einhverju leiti náð til vinstra öfgafólks á Íslandi, enda hefur Morgunblaðið gert talsvert í því höfða til þess hóps innan Vinstri Grænna undanfarna mánuði.

Hvað aðildarviðræður Íslands og ESB varðar. Þá eru samningaviðræður ekki hafnar og munu væntalega ekki hefjast fyrr en í Ágúst 2011 enda mun rýnivinnu væntanlega ekki ljúka fyrr en í Júní 2011. Hægt er að fylgjast með því ferli hérna, þar sem þessar upplýsingar eru uppfærðar reglulega. Því eru fréttir þess efnis um að samningaviðræðunar séu komnar í eitthvert öngstræti ekkert annað en meiriháttar blekkingarleikur af hálfu Evrópuandstæðinga. Í ljósi þessar staðreyndar er því afskaplega undarlegt að lesa fullyrðingar þess efnis í Morgunblaðinu. Það má því augljóst vera að frétt Morgunblaðsins er ekkert annað en uppspuni frá rótum og hefur ekki neinn annan tilgang en þann að breiða út röngum upplýsingum um stöðuna í aðildarviðræðum Íslands og ESB.

Bullfrétt Morgunblaðsins.

Fréttaskýring: Viðræður við ESB taldar komnar í algjört öngstræti (mbl.is)

Birt þann

Tilraun til þess að ritskoða fjölmiðla á Íslandi

Maður að nafni Marinó G. Njálsson bregst ókvæða við þegar DV kemur upp um skuldastöðu hans (óháð dómsmálum varðandi gengislán sem hafa aðeins áhrifa á hluta lánanna) . Í stað þess að svara DV og öðrum fjölmiðlum málefnalega þá bregst Marinó G. með því að hóta hverjum þeim fjölmiðli lögsókn sem fjallar um mál hans.

Svona orðar Marinó þetta.

Mál þetta verður kært til siðanefndar Blaðamannafélagsins. Hver sá fjölmiðill sem tekur þessa frétt upp má búast við sambærilegri kæru.

Tekið héðan.

Þetta hérna er auðvitað ekkert annað en tilraun til þess að ritskoða fjölmiðla á Íslandi með hótunum um lögsóknir. Þessi tækni ef oftast notuð af fólki og fyrirtækjum sem vilja koma í veg fyrir og þagga niður í allri gagnrýni á sjálfan sig og umræðu sem tengist viðkomandi.

EFA í Ástrarlíu orðar þetta mjög vel. Þarna var fyrirtæki að reyna þagga niður í einstaklingum.

„Lawsuits are a short-sighted and self-destructive way of dealing with criticism,“ said EFA Chairperson Dale Clapperton. „As McDonalds and many other companies have learned, suing your critics will cause much more damage and bad publicity than the criticism itself ever would.“

Tekið héðan.

Fjölmiðlar eiga að fjalla um þetta mál ef þeir svo kjósa og hunsa þessar hótanir sem Marinó G, kemur með núna um þessar mundir. Það er enginn greiði gerður ef að fjölmiðlar láta eftir svona hótunum. Ég ætla ennfremur að benda Marinó G, að hóta aldrei neinu nema að hann sé tilbúinn til þess að standa við það.

Birt þann

Morgunblaðið blekkir lesendur sína með rangfærslum í tveim fréttum varðandi aðildarviðræður Íslands og ESB

Í dag (28 Október 2010) birtir Morgunblaðið frétt sem er með þessum hérna titli „Krafa um víðtæka aðlögun„. Þessi „frétt“ Morgunblaðsins er á þá leið að ESB krefji íslendinga um víðtæka aðlögum Íslands að ESB. Það er rangt, enda er hérna um að ræða útúrsnúning og blekkingar í frétt Morgunblaðsins.

Enda hefur aðildarferli Íslands og ESB alltaf legið fyrir og hvernig því væri háttað. Fullyrðingar andstæinga ESB á Íslandi um annað eru og hafa alltaf verið hrein lygi. Enda er þetta aðildarferli ekkert nýtt og ESB er ekki að breyta því sérstaklega fyrir íslendinga þó svo að þeir hafi sótt um aðild að ESB.

Evrópusambandið gengur útá sameiginlega löggjöf allra aðildarríkja þess. Þessi löggjöf er sett af Evrópuþingu samkvæmt tillögu Framkvæmdastjórnar ESB og Ráðherraráðs ESB.

Þau ríki sem sækja um aðild að ESB þurfa því að uppfylla þá kröfu ESB um sameiginlega löggjöf. Enda er það grundvallaratriði fyrir ESB aðild hjá því ríki sem ætlar sér að ganga í ESB. Íslendingar hafa nú þegar tekið mikið upp af sameiginlegri löggjöf ESB nú þegar. Það hefur verið gert í gegnum EES samninginn sem krefst þess að aðildarríki EFTA taki upp lög ESB vegna málefna innri markaðar ESB. Enda tryggir EES samningurinn EFTA ríkjum aðild að innri markaði ESB.

Morgunblaðið lét þó ekki duga að birta eina villandi frétt um aðildarviðræður Íslands og ESB. Heldur birta þeir einnig aðra frétt (Fiskveiðisamningar við ESB blekking) þar sem vitnað er í sjávarútvegs og landbúnaðarráðherra Jón Bjarnarson varðandi ESB aðildarviðræður. Þar sem Jón Bjarnarson fullyrðir að ekki sé hægt að ná varanlegum sérlausnum varðandi fiskveiðar íslendinga. Þessi fullyrðing Jóns Bjarnarsonar er röng og hefur verið það frá upphafi. Það er hinsvegar augljóst að fiskveiðistefna ESB hentar ekki íslendingum fullkomnlega. Það er hinsvegar stór spurning hvernig samningsnefndir Íslands og ESB leysa þetta vandamál. Enda er augljóst að það þarf að leysa vandamálið með fiskveiðanar á varanlegan hátt áður en Ísland getur orðið aðildarríki að ESB. Það verður eingöngu gert með varanlegum sérlausnum sem íslendingar eru sáttir við.

Aðildarsáttmálar nýrra aðildarríkja að ESB síðustu þrjátíu ára verið með þeim hætti að varanlegar sérlausnir eru alltaf hluti af aðildarsáttmálum viðkomandi ríkja. Lausninar eru auðvitað mismunandi erfiðara og mismunandi flóknar. Þær hinsvegar byggja allar á því að koma til móts við hið nýja aðildarríki ESB. Þó svo að norðmenn hafi fellt aðildarsáttmála sína í tvígang þá hafa þeir alltaf fengið einhverju framgengt varðandi sérlausnir á sértækum málefnum sem snerta norðmenn. Ég minni einnig á að svíar og finnar fengu varanlegar sérlausnir á landbúnaðarmálum hjá sér og síðan Svíþjóð og Finnland urðu aðildar að ESB þá hefur ekkert verið hreyft við þeim sérlausnum sem eru hluti af aðildarsáttmála Svíþjóðar og Finnlands.

Nánara efni.

European Union law (Wikipedia)
Application of EU law (ESB)
Vefsíða ESB um aðildarferlið (ESB)
Vefsíða Utanríkisráðuneytisins um aðildarviðræður Íslands og ESB (Utanríkisráðuneytið)

Birt þann

DV.is lokar á athugasemdir frá mér

Útaf einhverjum afskaplega undarlegum orsökum þá hefur DV.is lokað á það að ég geti sett inn athugasemdir við fréttir frá þeim. Ég veit ekki hvað gerðist til þess að þetta bann kom til, en það er í gildi og ég get ekki sett neinar athugasemdir við fréttir hjá þeim.

Það hefur lítið farið fyrir stóryrðum hjá mér þegar ég geri athugasemdir við fréttir DV.is. Þannig að mér er þetta gjörsamlega óskiljanlegt. Það sem gerist núna þegar ég reyni að setja inn athugsemd við frétt á DV.is er að textinn er grár og þegar ég ýti á „setja inn“ þá verður boxið rautt og textinn neitar að fara inn. Þetta er ekki bilun í Facebook app sem DV notar, þar sem ég hef séð athugasemdir koma inn við fréttir frá öðru fólki.

Þess ber að geta að DV hefur ekki sent mér stafkrók um það afhverju ég hef verið takmarkaður frá því að setja inn athugsemdir við fréttir hjá þeim. Ég ennfremur stórlega efast um að þetta bann sé framkvæmt af Facebook sjálfu og án vitundar DV.is.

Birt þann

Fábjánar sem vinna á Morgunblaðinu

Það er Morgunblaðið sem rekur mbl.is, og þeir sem skrifa þar fréttir eru augljóslega fábjánar. Í dag er nefnilega þessi hérna frétt hjá þeim, en fréttin bar þennan titil „Sagðist koma úr framtíðinni“.

Fréttina má lesa hérna, til vara þá tók ég skjáskotsmynd af þessu.

Upprunalegu fréttina á CNet má lesa hérna. Það er þó nauðsynlegt að taka það fram að umrædd frétt birtist þann 1. Apríl 2010 og hefur afskaplega takmarkað sannleiksgildi miðað við margar fréttir sem birtast þann daginn.

Birt þann

Brandari í boði AMX

Það er eitthvað til af brandaraköllum á Íslandi. Nokkrir af þeim nafnlausu skítaskrifurum á vefnum AMX virðast vera brandarakallar.

Í einni af drullufréttinni hjá þeim er þessa hérna fullyrðingu að finna.

Smáfuglarnir sakna þess tíma þegar fjölmiðlar tóku sig alvarlega, sögðu fréttir og kröfðust svara af ráðamönnum. Sú var tíðin.

Tekið héðan.

Þetta er merkileg fullyrðing, og fyndin. Sérstaklega í ljósi þess að æðsti maður þessa manna, Davíð Oddsson svaraði aldrei alvarlegum spurningum nema með skætingi og útúrsnúningum. Ef að hann þá svaraði gagnrýninni spurningu almennt, sem var alls ekkert alltaf raunin. Það er því fyndið, en jafnframt sorglegt að sjá þessa fullyrðingu hjá AMX. Sérstaklega í ljósi þess að hún er ósönn eins og svo margt sem frá þeim kemur.

Birt þann

Viðbrögð aðdáenda Davíðs Oddssonar og sjálfrar áróðursvélarinnar

Það var ákaflega áhugavert að fylgjast með viðbrögðum aðdáenda Davíðs Oddssonar og sjálfrar áróðursvélarinnar í gær eftir að ég skrifaði bloggfærsluna „Pennar Davíðs (og sjálfstæðisflokksins)„. Við þessa bloggfærslu, og þær augljósu staðreyndir sem ég set fram þar þá brugðust aðdáendur Davíðs og menn sem eru í sjálfri áróðursvélinni afskaplega illa við, og gerðu það sem þeir gera alltaf.

Þeir hentu á mig skít og reyndu að draga úr trúverðugleika mínum með frekar ósmekklegum aðferðum (sjá hérna sem dæmi). Þessi aðferð er ekkert ný, þar sem að þetta er eina aðferðin sem þetta fólk kann. Enda alveg í stíl við þá aðferðarfræði sem Davíð Oddsson hefur notað núna í mörg ár. Þá sérstaklega í fjölmiðlaviðtölum, þar sem hann hendir fram einhverri fullyrðingu sem hann þarf síðan ekkert að útskýra nánar. Þetta gerir Davíð Oddsson reyndar ennþá í dag, nema að núna hefur hann til þess sinn eigin fjölmiðil. Blað að nafni Morgunblaðið sem er haldið uppi af ríkri konu frá Vestmannaeyjum. Það verður að segjast eins og er að íhaldið og menn sem eru tengdir Davíð Oddsyni hafa haft umrædda konu að alvarlegu fífli, og eru í raun hægt og rólega að keyra hana í gjaldþrot. Enda er þetta fólk ekkert nema blóðsugur (peningasugur) sem hika ekki við að nota fólk eins og gólftuskur (sem það svo hendir í ruslið) til þess að ná fram markmiðum sínum. Markmið þessa hóps er auðvitað að halda völdum á Íslandi hvað sem það kostar.

Það er ennfremur óneitanlega fyndið að sjá þetta fólk, sem margt hvert er af trúarofstækisliðinu reyna að nota þetta hérna myndband eftir mig gegn mér. Þar sem samkvæmt þessu trúarofstækisliði þá á þetta myndband að sanna hversu voðalega illur ég er og minn málflutningur (sjá athugsemd #11 hérna sem dæmi um slíkt).

Það er hinsvegar ljóst, á þeim viðbrögðum sem ég fékk við umræddri bloggfærslu sem ég skrifa um hérna að það er grunnt á hinu góða í þessu liði sem um ræðir og byggir upp áróðursvél Davíðs Oddssonar á Íslandi. Þá má í reynd segja að það sem heldur þessari áróðursvél saman eru sérhagsmunir þeirra sem koma að umræddri áróðursvél. Þar sem að án þessara sérhagsmuna, þá væri þetta fólk í stríði við hvert annað.

Í því ljósi, þá mæli ég með því að sérhagsmunir þessa fólks (og fyrirtækja) verði teknir af því nú þegar.

Birt þann

Pennar Davíðs (og sjálfstæðisflokksins)

Það hefur ekki farið fram hjá neinum að sjálfstæðisflokkurinn stendur í gífurlegu áróðurstríði þessa dagana. Áróðurstríði sem hann er að vinna vegna þess að enginn annar stjórnmálaflokkur hefur tekið sig og barist gegn þeirri þvælu sem hefur verið að koma frá sjálfstæðisflokknum undanfarið. Þetta áróðursstríð sjálfstæðisflokksins er mjög vel skipulagt, og byggir í reynd á því að setja fram sem mest magn af staðleysum, lygum og blekkingum og möglega hægt er í fjölmiðlum landsins. Þar sem að fjölmiðlar á Íslandi endurbirta hlutina án mikilla athugasemda eða gagnrýni. Þetta kemur til vegna þess að sjálfstæðisflokkurinn hefur tryggt sér völd í öllum fjölmiðlum á Íslandi. Sjálfstæðisflokkurinn er ennfremur með bloggara á sínum snærum, og telur fjöldi þeirra eitthvað í kringum tíu til fimmtán manns. Þetta fólk sér um að boða út hugmyndafræði Davíðs Oddssonar og bulla um Evrópusambandið og reyna að auka andstöðu íslendinga við hugsanlega Evrópusambandsaðild Íslands.

Í þessari áróðursstríði Davíðs og sjálfstæðisflokksins er áhugaverð staðreynd að fólk sem er tengt sjálfstæðisflokknum kvartar stöðugt, og alltaf undan því þegar vinstri menn eða þegar fólk ótengt sjálfstæðisflokknum skrifar í greinar fyrir fjölmiðla og umræddar skoðanir viðkomandi henta ekki málstað sjálfstæðisflokksins. Undanfarin ár hefur þetta lýst sér þannig að fólk hefur verið sakað um að vera á mála hjá Baugi (nú gjaldþrota) eða Jóni Ásgeiri (verður fljólega gjaldþrota). Þessi staðreynd er einstaklega áhugaverð í ljósi þess að fyrirtæki og menn sem eru tengdir bæði þeim og sjálfstæðisflokknum fá beinan og óheftan aðgang að fjölmiðlum á Íslandi. Það eina sem þessum mönnum er bannað er að tala gegn sjálfstæðisflokknum og Davíð.

Þessi aðferðarfræði að koma bara fyrir „já mönnum“ sjálfstæðisflokksins í fjölmiðlum á Íslandi hefur virkað, enda trúir þjóðin virkilega því sem þetta fólk segir. Jafnvel þó svo að umræddar fullyrðingar séu ekkert nema tóm þvæla frá upphafi til enda, þessar fullyrðingar eru alltaf frá efnahagi Íslands yfir í hugsanlega ESB aðild Íslands.

Það er mín skoðun að ef íslendingar ætla sér einhverntíman að losna undan ægivaldi Davíðs og sjálfstæðisflokksins, þá er algerlega nauðsynlegt að stoppa þessa áróðursvél sjálfstæðisflokksins og gelda hann gjörsamlega á því sviðinu. Enda er það alveg augljóst að ef sjálfstæðisflokkurinn kemust aftur til valda þá mun hann valda meiri skaða á Íslandi en hann hefur nú þegar gert. Það er ennfremur ljóst að í kjölfarið mun sá efnahagsbati sem núna er farið að bera á hverfa eins og dögg fyrir sólu. Þetta er augljóst, þar sem að það var sjálfstæðisflokkurinn sem lagði grunnin og framkvæmdi að því efnahagshruni sem varð á Íslandi árið 2008.

Texti uppfærður klukkan 18:29. Máfræðivilla löguð.
Texti uppfærður klukkan 20:00. Villa löguð í texta, sjá útstrikun.

Birt þann

Morgunblaðið vitnar í UKIP

Morgunblaðið ákvað að verða sér meira til skammar í dag (meira en venjulega). Þá með þeim hætti að vitna í öfga-stjórnmálaflokkinn UKIP (um spillingu UKIP er hægt að lesa hérna) sem er frá Bretlandi.

Það hlýtur að vera áhugaverð staðreynd ef að sjálfstæðisflokkurinn er farinn að blanda geði við öfga-stjórnmálaflokka á meginlandi Evrópu, en margir af þessum stjórnmálaflokkum aðhyllast fasískar stjórnmálakenningar. Á þeim grundvelli eru þeir ennfremur á móti ESB og fyrir því jafnræði og frelsi sem ESB stendur fyrir í dag.