Category: Eldgos

Miðað við óróann á mælum í kringum Eyjafjallajökull. Þá er hugsanlegt að eldgos sé að hefjast aftur í Eyjafjallajökli. Á þessari stundu er þetta þó óstaðfest þar sem ekki sér til Eyjafjallajökuls vegna öskufjúks.

Ég mun koma með frekari upplýsingar þegar ég veit meira.

Það er að sjá á vefmyndavélum Mílu að líklega er nýtt hraungos hafið í Eyjafjallajökli. Það á þó eftir að staðfesta þetta nákvæmlega af vísindamönnum Veðurstofu Íslands.

Fyrr í kvöld tók gosóróinn í Eyjafjallajökli að falla mjög hratt. Hvað það þýðir nákvæmlega veit ég ekki, en það getur hugsast að núna sé virki gígurinn í Eyjafjallajökli að lokast og eldgosið sé að hætta í honum. Hvort að það þýðir að eldgosinu sé lokið í Eyjafjallajökli er algerlega óljóst á þessari stundu. Það er einnig möguleiki á því að gosróinn taki aftur uppá því að aukast eftir talsvert fall. Hinsvegar mun eingöngu tíminn leiða í ljós hvað mun gerast í þessu eldgosi.

Þegar þetta er skrifað, þá heldur gosórinn áfram að lækka eins og fyrr í kvöld.

Samkvæmt yfirförnum niðurstöðum Veðurstofu Íslands (flestir jarðskjálftanir sem urðu í kvöld) þá virðist sem að nýtt kvikuinnskot hafi átt sér stað undir Eyjafjallajökli. Flestir af þessum jarðskjálftum voru á 26 til 24 km dýpi samkvæmt yfirförnum niðurstöðum Veðurstofu Íslands og upptökin voru nærri núverandi gosrás í Eyjafjallajökli.

Í kjölfarið á þessari jarðskjálftahrinu jókst gosórinn í Eyjafjallajökli, en engin stórvægileg breyting virðist hafa orðið á gosmekkinum síðan þessi jarðskjálftahrina átti sér stað.

Um miðnættið núna í kvöld hófst jarðskjálftahrina norður af Eyjafjallajökli. Þessi jarðskjálftahrina er svo norðarlega að jarðskjálftarnir eiga sér eiginlega stað í eldstöðinni Tindafjallajökli frekar en Eyjafjallajökli samkvæmt sjálfvirku kerfi Veðurstofu Íslands. Hinsvegar virðast þessir jarðskjálftar eiga upptökin í eldgosinu í Eyjafjallajökli. Hvað þarna er í gangi þarna er óvíst þessa stundina, en líklega er kvikuinnskot þarna á ferðinni eða þá að kvika sé farinn að leita sér leið uppá yfirborðið á nýjum stað. Hvað mun gerast þarna í kjölfarið er óvíst. Hinsvegar eru farnar að koma fram breytingar á gosóróanum í kjölfarið á þessum jarðskjálftum eftir því sem bestur verður séð á mælum Veðurstofu Íslands.

Þetta gætu einnig verið jarðskjálftar vegna spennubreytinga á svæðinu vegna eldgossins. Hinsvegar þykir mér það ólíklegri atburður, það er hinsvegar ekki hægt að útiloka það á þessari stundu. Tíminn verður bara að leiða það í ljós hvað er að gerast þessa stundina norður af Eyjafjallajökli.

Ég get ekki svarað því hvað gerist ef að kvikuinnskot frá Eyjafjallajökli kemst yfir í eldstöðina Tindafjallajökull.

Texti uppfærður klukkan 01:30 UTC þann 15 Maí 2010.

Síðasta klukkutímann þá hefur orðið vart við sveiflur í gosóranum sem kemur frá Eyjafjallajökli. Erfitt er að útskýra þessar sveiflur nákvæmlega, en það eru vísbendingar um það að eldgosið sé hugsanlega að færast aftur í aukana á þessari stundu, og þessir púlsar á óróamælum séu fyrstu merki þess. Tíminn mun þó eingöngu leiða það í ljós hvað er nákvæmlega í gangi.

Öskuframleiðsla er ennþá mjög mikil í eldgosinu í Eyjafjallajökli.

Það sést núna á vefmyndavélum að núna kemur sjóðandi heitt vatn undan Gígjujökli í Eyjafjallajökli. Þetta vatn er svo heitt að gufumekkir standa upp af því þegar það kemur undan jöklinum. Það virðist ennfremur vera orðið ljóst að ekki er langt í það að hraunið sem hefur verið að renna undan Gígjökli muni fljótlega koma í ljós með þessu áframhaldi.

Á vefmyndavélum Mílu og Vodafone sést núna mikið öskuský stíga uppúr Eyjafjallajökli á þessari stundu. Þetta öskuskýr er talsvert meira um sig en það sem hefur komið frá Eyjafjallajökli síðustu daga eftir að mestu látunum í Eyjafjallajökli lauk þann 18 Apríl síðastliðinn.

Ennþá kemur talsvert flóð frá Gígjökli á þessari stundu samkvæmt því sem sést á vefmyndavélum.

Það er að sjá á myndum frá vefmyndavélum að líklega hefur opnast ný gossprunga í Eyjafjallajökli. Enda er ennþá talsvert flóð í gangi þessa stundina niður Gígjökull. Þessi nýja gossprunga er þó ennþá óstaðfest á þessari stundu, en það er líklega ástæðan fyrir flóðinu á svæðinu sem hefur núna varað í meira en klukkutíma og það hefur lítið dregið úr því á þessari stundu.

Gosmökkurinn virðist einnig fara dökknandi á þessari stundu í Eyjafjallajökli. Þó er erfitt að segja til um hveru mikið gosmökkurinn hefur dökknað á þessari stundu. Inn á milli er gosmökkurinn þó alveg hvítur og bendir það til þess að eingöngu sé gufa að koma upp núna í Eyjafjallajökli.

Texti uppfærður klukkan 14:33 þann 28 Apríl 2010.